無咁既必要!

 

今年3月頭我剛由香港返來時，
曾經寫過一篇叫做"朋友II"既特長blog (網誌)，
blog 裡面我所提及果位我認識咗20年既過去式朋友，
其實當我仲喺香港既時候，
我已經靜雞雞將佢從我既FB 中刪除咗~
當時我同Mr.T 傾電話時提及事件來龍去脈，
Mr.T 知道後第一個反應係好嬲，
平日溫文儒雅既佢仲即時講咗句粗口!
我發現Mr.T 之後主動刪除咗依個人既FB，
至今大大話話都有成大半年~

我發現自己近年處事有些少改變，
若依件事早幾年前發生，
我極有可能會主動搵對方理論對質!
我會兜口兜面問佢: 點解要喺其他人面前講大話中傷我?
雖然...我太清楚依個人既性格，
雖然...我亦清楚知道佢點解要咁做，
但我會想睇吓對方會點去解釋 + 用咩方法去詭辯!!

因為我"好奇"我究竟得罪咗對方乜野?
點解依個曾經同我稱姊道妹既人好似憎我多過當我係佢朋友?? 
點解對方要講果一番說話去惡意中傷我???
不過好奇還好奇，但我發現自己原來唔care!
所以大半年前我選擇無對質既情況下靜雞雞刪除佢~喺我同Mr.T 刪除咗依個人大半年後既今日，
我再次得到一個可以同對方對質既機會!
依個人分別pm 我同Mr.T，
問我地點解刪除咗佢FB?
可唔可以話比佢知發生咩事??

醒目既我喺收到依個人pm 後，
我即時去login Mr.T 既FB及及......
Bingo! 果然連Mr.T 都收到個一樣既pm~
當我話比未check FB 既Mr.T 知道時，
Mr.T 既反應，同當日佢知道依件事後既反應一模一樣 - Fxxk off!
(當然啦~ 
惡意中傷佢最心愛既老婆喎 - 即係小女子本人! )

今時今日我仍然好"好奇"我究竟得罪咗對方乜野?
仍然想知點解依個曾經同我稱姊道妹既人好似憎我多過當我係佢朋友?? 
點解佢要講果一番說話去惡意中傷我??? 
不過既然大半年前既我唔care，
今時今日既我就更加don't give a shit!
我會把握依個機會兜口兜面去插佢個假面具嗎?
No 啦~ 完全無咁既必要嘞!


我剷走咗妳大半年，妳而家先發現先來問我發生咩事?
一向話頭醒尾既妳真係會大懵成咁?
還是妳心知肚明自己做過乜，
以為我仍然係廿年前果隻心軟傻蟹，
對住朋友過咗啖氣就當無事?

若妳真係今日先發現我 + Mr.T 剷走咗妳，
咁妳同我都friend 極有限啦!
我更加唔敢講妳care 我地之間20年既友誼~
既然唔care，何必多此一舉來問我點解?

若妳真係唔知點解唔知發生咗咩事，
那麼妳又識得pm 完我地之後，
打電話比報料我知既朋友?
實在太離奇~
妳個假面具都未免太假太厚了吧!

我既唔care，同妳既唔care 其實有好大分別.......
我care 過去妳曾經對我好既一切，
亦好珍惜我地曾經有過既友誼;
我而家唔再care，係因為我發現妳從來都無care 過~

過咗去就由佢過去啦~
反正而家大家各有各生活圈子，
依大半年來大家完全無交流都過得好地地，妳自己做過乜應該心照，若妳真係唔知，代表妳覺得咁去對待朋友無問題，
我就更加無必要話妳知，
反正我根本無打算同妳恢復幫交，
所以妳知定唔知係完全無分別，
無謂撩到我要同妳搲爛塊面咁核突啦!