禮物s keep coming!

早前朋友返香港過農曆年，
除咗幫我帶d野返去比V爸爸V媽媽之外，
返來時仲幫我帶咗V媽媽比我既禮物 + 利是~
Thank you mate!

Easter bunny is coming to town!

仲有一個月又話到復活節嘞.......
之前我話過聖誕前見到網友們整聖誕糖霜曲奇好鬼靚，
攪到我都想整埋一份!
不過果時我無聖誕曲奇模，而且已經太遲趕唔到水尾，
於是農曆新年我整咗咋賀年曲奇，但只整咗果幾塊唔夠喉果喎...
既然又就快到復活節，正好比我一個明確動機整復活節糖霜曲奇!
我最信奉既金句: 工欲善其事，必先利其器......
正好成為我shopping 既藉口! 嘻嘻~~~~

阿V彩虹蛋糕

美心有痴Lam賣廣告既"快樂彩虹蛋糕"..........

阿V都有食到Mr.T lam lam 脷既"開心彩虹蛋糕"!
(Special thanks to Mr.T 客串演出~ )

奇趣彩虹螞蟻

細個時男仔頭既我住喺長洲接近大自然，
從小我就對昆蟲好有興趣，
一到夏天就會捉草蜢、蟬、金鼓甲蟲作為"寵物"(/玩具!!?!)

唔知係咪因為自己無兄弟姊妹太寂寞?
我記得有一次我好白痴地捉咗2隻螞蟻，
(黑色行得好快果種!)
放入一個有蓋但崩咗一角既穿窿番梘盒裡面，
蓋上蓋前一刻我對住梘盒內既螞蟻講: 你地喺裡面好好地住嘞~
第二日視察螞蟻情況如何.......佢地已經唔知幾時逃之夭夭! 
螞蟻曉爬架嘛!! 傻婆!!!

尋日網上睇到一篇有趣文章，
關於印度科學家Dr. Mohamed Babu 影咗一輯彩虹螞蟻既相~事源一次Dr. Babu 既太太倒瀉牛奶，
發現有螞蟻飲咗牛奶後身體變成白色，於是告知Dr. Babu，因此引起咗Dr. Babu 做依個小實驗既念頭!

我們的情人節2013

上星期四係一年一度有人重視有人鄙視既情人節，
大家同另一半有無慶祝 / 點樣慶祝呢?

我的17份副情人節禮物

點解我會有17份情人節禮物?
要由一月尾開始講起.......

話說早排英國各地大風雪， 
當我睇到新聞片段大風雪攪到好多地方交通癱瘓，
再望望窗外既藍天白雲，雪屎都唔多粒，
我簡直唔相信自己正身處於同一個國家!
甚至連Glasgow 隔離既Edinburgh 落緊大雪， 
Glasgow 依然風和日麗~

有晚同Mr.T一齊睇緊關於大雪既新聞，
Mr.T大口氣地話今年冬天一定唔會落大雪!其實我都唔想落大雪，
不過開講有話"天有不測風雲"，
我唔鬼抵得Mr.T咁牙擦話一定唔會落大雪，
於是無聊得滯突然興起同Mr.T打賭......
若果情人節前我地屋企出面落得出一場鋪到地下白色既雪，
咁就係我贏 - Mr.T要送一頂冷帽比我作為情人節禮物;
否則就係Mr.T贏 - 佢唔需要送情人節禮物比我~
(唸返起都覺得自己好無聊!)

情人節 - 心型朱古力慕士凍餅

其實我唔多鍾意食凍餅!
一來我唔鍾意朱古力;
二來我鍾意海綿蛋糕多d，
不過Mr.T 鍾意，
我又偷懶唔想開焗爐.....嘻嘻~~~

二人世界新年飯 (附食譜)

話咁快就過咗農曆新年嘞~雖然今年我無返香港，6299又返咗香港，
得我 + Mr.T兩個人過年，
不過我一早決定要同老公過一個有氣氛既農曆新年，
新年前一星期我已滿腦子"整意" + "煮意"!

農曆新年 - V記盆滿砵滿鮑參翅肚自製盆菜

其實......我係未食過盆菜架~
我一直都好恨試吓，不過蘇格蘭緊係無盆菜賣啦，
所以唯有自己整!

農曆新年 - 立體賀年曲奇 + 糖霜揮春掛飾曲奇

之前錯過咗整聖誕曲奇既機會，
今次把握農曆新年整咗2款唔同既賀年曲奇~
曲奇造型可愛充滿新年氣氛，味道鬆化可口，
送禮自用兩佳宜!

立體賀年曲奇

Happy New Year of the SNAKE! (2013年2月10日)

好懷念舊年返香港喺V家渡過農曆新年......
雖然今年唔可以喺香港過農曆年，
不過我想同Mr.T過一個有氣氛既蛇年!

之前講過我今年唔開蒸糕bell......
一來6299都返咗香港過年;
二來依度蘿蔔太大條，蒸親一定唔止一兩底，不過我 + Mr.T食得唔多;
三來年糕我一向唔好~

辦年貨

我辦既年貨，同一般人所辦既應該有d唔同......

依咋野裡面的確有部份係"年貨"，
即係特別為咗今個農曆新年而買既!

立春花開富貴招財進寶 (2013年2月4日)

近幾日蘇格蘭天氣暖返少少~
剛過去既星期日(2月3日)有8C，春天已經來到嘞!

第二日星期一係立春，
雖然一大早就天陰落雨天氣唔多好，
不過我一早起身淋花，一拉開客廳窗簾，
驚喜見到放喺窗台上大約2星期前買既迷你水仙開咗花喎!

一朵已經全開，另有一朵待放~

比卡超檸檬蜜糖棒棒蛋糕 Pikachu Lemon & Honey Cake Pops (附做法)

我好好好鍾意Pikachu!
所以第一次整cake pops 就要整佢!!
(睇吓我d Pikachu珍藏啊~)

Rock Lobster Seafood Bar and Grill (2013年2月3日)

尋日2月3日，我同Mr.T彷似患到急性大食癪........

Pesto Italian Piattini@Glasgow(2013年2月2日)

眨吓眼Mr.T由南下回歸蘇格蘭已經半年~
生活大致上已完全回復返Mr.T南下工作之前咁樣......
即係我weekdays 煮飯，weekends 出街食!

1月下旬的一人午餐 + 二人晚餐 (附食譜)

話咁快2013年已經過咗一個月嘞!
依一個月來成日覺得好忙，
其實我都唔知忙乜野，
只係覺得每日起身無停手整依樣攪果樣，
到有時間坐低抖吓上吓網時已經天黑，
時間好似越來越唔見洗咁........

Baked Fusilli with Smoked Salmon & Emmental Cheese 芝士煙三文魚焗螺絲粉

我屋企雪櫃有2樣長備既食物 - 煙三文魚 + 芝士是也!

除咗因為我鍾意食，依2樣野可以隨手拿起空口即食，

又可以用來配搭煮其他食物，非常方便~ 

Domino's Inspired "Meltdown Pasta"

早幾日老翻咗Domino's 既Meltdown Pizza，

忽發奇想覺得材料用來整pasta 都可能會好味果喎......

即管試一試!