情人節 - 心型朱古力慕士凍餅

其實我唔多鍾意食凍餅!
一來我唔鍾意朱古力;
二來我鍾意海綿蛋糕多d，
不過Mr.T 鍾意，
我又偷懶唔想開焗爐.....嘻嘻~~~

1. 7吋心型慕士圈一個以鍚紙包底。


2. 魚膠片8g以凍水浸軟備用。


3. 消化餅68g輾碎，混合室溫放至軟身有鹽牛油34g拌勻。

4. 將(3)以湯匙平均地壓實作為餅底，放入雪櫃普通格待用。


5. 淡忌廉270g加入38g幼砂糖打至剛見有紋路即可，不需要打至企身，備用。


6. 牛奶70g(無錯係g!)以最細火加熱至出煙，不要煮滾。


7. 牛奶離火加入雲呢拿精油4至5滴、優質朱古力碎135g和即溶咖啡粉1茶匙拌勻。(咖啡粉有增加朱古力風味的作用! )


8. 加入(2)已浸軟的魚膠片，以手動打蛋器拌勻至所有材料完全混合。(如有需要再以小火加熱!)


9. 將(5)的淡忌廉加入(8)的朱古力混合物中完全拌勻。

10. 將(9)倒入慕士圈中，輕搖至表面平滑，放入雪櫃2小時。


11. 凍餅凝固後，除去鍚紙，以風筒熱風吹慕士圈周圍，取走慕士圈後可隨意裝飾。

我用溶咗d黑朱古力，唧咗咋朱古力裝飾心心喺baking paper 上......

等心心凝固變硬後噴咗層金色.........

圍住凍餅貼喺邊邊~

徒手用朱古力寫咗"Happy Valentine's Day"，not too bad!
再噴咗層金色...灑咗少少食用金粉 + 紅色米紙心心~


金色食用噴霧


食用金粉


食用米紙心心

攪掂! bling bling 心型凍餅~

We're so sweeeeet.......cos we're chocolate!
用朱古力畫咗我 + Mr.T個樣，本來打算放喺凍餅上面.......

畫前先要用PhotoShop 執相~
由於唔係人人都有PhotoShop + 唔係人人都識用PhotoShop......
所以點整既過程唔多講嘞!

畫好個朱古力牌後攞個心型慕士圈出來.......
先知道原來個慕士圈並無我想像中咁大!