辦年貨

我辦既年貨，同一般人所辦既應該有d唔同......

依咋野裡面的確有部份係"年貨"，
即係特別為咗今個農曆新年而買既!

依個係第一年今年特別要用既年貨......

依個翻糖花花cutter 都係年貨......

尼龍畫筆......都係年貨!

以上3樣"年貨"，大家估到用來做乜嗎?
(我當然唔會話比大家知啦~ 遲吓自然有分曉! )

雖然每年都會換好幾隻廁所刷，
不過農曆新年係一個指定要換新廁所刷既時間!

趕得切農曆新年前買到個fit 家中財位既櫃仔來放62送既發財樹!
個櫃仔想買好耐架嘞，不過要搵適合既款式顏色尺寸，
所以依個算係"半年貨"啦!


我相信其他人辦年貨都會同我一樣，
除咗買新年用既野之外，
仲會順便買埋好多其他"唔等洗"既野.......

Pound Shop 買既£1 iPhone 4電話殼

我無iPhone 4，亦完全唔關農曆新年事!
不過我有個idea，買來做個實驗，
實驗仲未做，所以未知會唔會成功......
係咩實驗? 等我做完先話比大家知!

勁可愛大眼鴨仔膠刷2號

早前買咗右邊既1號 (網誌); 尋日見到2號即時買埋佢!


想買一塊用來整翻糖 + 朱古力既專用膠蓆好耐，
不過睇過網上賣得好鬼貴.......

竟然好彩比我喺TK Maxx 搵到!
仲要差唔多係原價6折喎!!

正價Wilton 產品賣得好貴，我唔捨得買，
不過佢地d產品質素真係好好!依塊墊質料好靚好光滑，同類產品就算唔係Wilton 都賣得好貴，
所以6折價錢真係好抵呢~


見過好多次心型砧板都忍手唔買，
皆因最平都要£10一塊，又或者個心型唔夠靚，而且我已經有5塊砧板!臨近情人節，周街店舖心型物體氾濫......

終於比我搵到依塊樣靚價錢正既竹砧板! 今次忍唔到手嘞!!

依卷焗爐墊唔係一般用來焗野既baking sheet，
而係用來墊住焗爐底部，若漏汁彈油整污糟咗，
可以就咁抆塊墊出來洗，唔洗捐入焗爐裡面抹餐屎!

我一直都有用依種墊，而家用緊果塊已經用咗好多年，
其實仲可以繼續用唔洗換住.......
不過以前買依種墊好貴 (而家Lakeland 仍然賣緊好貴!!)，
見到依塊勁減所以我忍唔住手~

最近好鍾意食自己整既Buffalo wings，
連帶反應係 - 好想試唔同牌子既美式辣汁!

依樽蒜蓉蛋黃醬純粹未試過為食所以買來試吓!


以上果咋好似藉口辦年貨，但實際係shopping 之嫌......

不過今日年廿七(2月7日)我真係去咗辦年貨!
因為有位朋友聽日返香港過年，
所以我託佢幫我帶d野比V爸爸V媽媽，順便去辦年貨~

我辦年貨唔需要買鮑參翅肚，
因為依d V媽媽一直都有買比我，屋企已經有哂存貨，所以我要買既係一d只有中式超市先買到既新鮮食材!

雖然我初二先煮開年飯，
不過weekend 廿九 + 初一，我怕中式超市會休息.......

雖然問清楚後發現泗和行廿九 + 初一都會照常營業，
但為咗穩陣起見，蘿蔔、蓮藕、豬脷、粗條連皮豬腩肉......
依d比較熱門既賀年餸菜材料，都係買咗先放心d!

我初一食齋，買咗2隻素鮑魚~

見到久違既魚皮餃!

買埋2包烏冬........

返屋企即時煮咗碗酸辣魚皮餃烏冬!
Well...雖然個餃好好味，
不過個皮根本唔係魚皮餃既皮，只係一般餃子皮.......

終於有黑蒜油豬骨湯出前一丁賣嘞!

依包買比好鍾意食炸魚皮既Mr.T!

朋友們比咗個有農曆日子既月曆過我，方便我check 食齋既日子!
又送咗2個大桔我 + Mr.T，thanks~


早前我喺網上睇到段八卦野........
內容話- 用紅色銀包既人會好大洗!

賢妻為咗鍚住Mr.T荷包，
今日去辦年貨前特別換返個沉實黑色菇池，結果.........
賢妻發現根本無乜分別!