2013年6月15日星期六

Bamix Swissline 神仙棒呀~ 神仙棒呀~ 快d變! (2013年6月15日)


久聞依枝瑞士製造,人稱"神仙棒"既Bamix大名已經好多年,
好多用家都話佢係世界最好既hand blender!

之前我一直無乜特別需要,所以無研究過
興趣亦不大~ 只知道佢售價驚人,
當市面上大部份hand blender由超市幾英鎊,
到各大電器品牌最貴都只係幾十英鎊有交易時,
唯獨Bamix最平既型號亦要過百英鎊一枝.........


4月時同Mr.T去Manchester Cake & Bake Show有Bamix攤位,
睇完SwissLine demo後歎為觀止口水大流!

連Mr.T都似乎被佢吸引到,即時問我: 妳想唔想要?
(平時佢會先問我"妳有無用先?" )
但畢竟£200一枝hand blender真係好鬼貴!!
當時賢妻唔想受推銷員及圍觀人群既高漲情緒而影響倉促下決定,
於是選擇離開該攤位冷靜一下先再作考慮~

冷靜下來後想要既意欲又慢慢減退到幾乎無咗件事.........
直至今個月頭喺愛丁堡Lakeland重遇Bamix,
攞上手研究咗一輪之後唔想放返低!
之後上網做吓research.......欲望即時急急重新升呢!!


不過唔知點解可以買到Bamix現貨既店不多,
Glasgow似乎只有Lakeland + John Lewis,
而且佢地只入Mono + DeLuxe依2個型號!
(
Bamix中馬力最細 + 價錢最平既2個型號~)我喺Lakeland見到既就係DeLuxe;
但我屬意既係喺Cake & Bake Show睇過示範既SwissLine,
馬力最大但同時售價亦最貴........


SwissLine價錢足足係DeLuxe既2倍!

心急想擁有既我曾經都唸過將就少少買DeLuxe.......
不過同Mr.T商量一輪後,
負責比錢既佢話買就應該買最好果個,唔好貪平~
適逢星期三得知我cake pop比賽第2名,
佢即時上網訂貨獎勵我!!


今朝原本打算出街,
不過收到通知我件貨已經上咗貨車,好有可能今日送來!
即時唔出街乖乖留喺屋企~
等到中午終於有人拍門,我歡呼!
Mr.T就走去應門.......

V: 係咪我個新玩具?

Mr.T: 唔係喎! 係郵差~ (不過我聽到Mr.T開門.......)

V: 你講大話! 郵差你仲開乜鬼野門?? (即時由客廳飛奔去大門!)

見到送貨嬸嬸抱住大盒,Mr.T正在簽收.......
我忘形地大叫: Yeah~~ It's my new toy! Thank you thank you.......
一手從送貨嬸嬸手中取過大盒飛奔返入客廳拆箱~
Mr.T話送貨嬸嬸呆咗3秒後,
大笑住問佢: 乜野來架? 佢咁開心既!


開箱後既東東.........

靚仔銀色主機 + 匹配既型仔深灰座架;

座架後有一有蓋長方形空位用來放刀片~

3個刀片: mincer, beater + whisk;
(我仲未清楚邊個打邊個用來做乜.....要先咪咪書!
)

900ml jug + 400ml mayonnaise beaker;

乾濕兩用研磨器;
(其他較平型號既研磨器只可以乾磨!)

食譜 + 示範DVD~

睇完依個video之後,我發現依枝Bamix,
原來可以取代好多我廚房裡面既用具
........

Thank you very much my darling Hon!

等我擇個好日化身小忌廉,
用依枝神仙棒變d美食出來答謝你~



以下依咋唔關Bamix事,係星期頭買既.........

前篇已亮過相既chocolate melting pot;



可愛白兔燈

開燈後係咁既!



Wilton紫色可食用裝飾紙
我極少整fondant cake,所以原本對依包野無乜興趣......
不過之前第二間店見過依包野賣
£5,
今次竟然只係49p - 十份一既價錢!

雖然只得紫色,不過真係好抵買~

Cut出需要既形狀或圖案......

放上蛋糕裝飾,又食得落肚!



發花癲包裝袋;


同系列既發花癲果醬樽包裝連貼紙;



已經好耐無買過既Cake Decorating Magazine,
見今期教既技巧 + 附送既珠鍊矽膠模幾有用,
買下來據為己有!


我想學整糖花好耐,不過糖花配件好貴.......
咁啱貴少少既Summer Special Edition 就係教糖花製作喎!
買埋佢!!





Photobucket

14 則留言:

  1. 緊張大師-小女人2013年6月15日 下午8:52

    嘩,睇完後發覺你無買錯呀,不但好用,清洗又容易,組件又無難度,還可以百變咁多款不同食品,簡單來講:快靚正,你真係要整些美點回報Honey才行.我都期待你的美食.
    Wilton在香港學糖花也不平,我只去玩過四堂,我無乜興趣所以無再去學,你有興趣其實不妨去學下,對你整蛋糕會有幫助的,.我朋友同我一齊學,她買了那本書我就無買到,其他配件一點也不便宜呢.
    [版主回覆06/16/2013 13:49:17]依枝野真係好多用途 + 好勁! 我有幾個廚房玩具功能相撞,打算捐咗佢或賣咗佢....到時廚房又有多d空位買新玩具!! 哇哈哈~~~~
    Wilton d野真係好貴呀! 依度一樣好貴,如果依包糖紙唔係減得咁勁我都唔會買! 不過Wilton 喺烘焙界的確係頂級!
    我最尾張相果本雜誌就係教整糖花! 仲送埋工具~ 我打算跟依本學,比錢上堂我唔捨得......

    回覆刪除
  2. 好嘢, 又有新"架生" 玩喇, 你啲糖花配件好似我以前整面包花的配件,但香港買應該平d 嘅. 同蛋糕扮靚都幾開心架.
    Veronica, 我跟你的食譜做柱侯牛腩, 成功佐, 係"咸佐d" 和 羅白煮得太淋,有待改進, yummy yummy
    [版主回覆06/16/2013 13:44:19]我唸緊用新架生整乜野呀!
    乜野係麵包花? 好似麵包咁軟架? 食得嗎? 我未見過啊~
    無錯~ 香港一定平d,因為依度乜鬼都貴!
    妳下次再煮時一係輕手d柱侯醬,一係加多d蘿蔔(蘿蔔出水 + 吸味),咁就無咁鹹~
    其實我都想用蘿蔔去炆,不過依度蘿蔔好大碌,一條用唔哂,Mr.T又唔食蘿蔔......

    回覆刪除
  3. Veronica,
    面包花即是面粉花, 類似勞作用的黏土, 唔食得, 是白色, ,完成作品後上顏色, 但近幾年來, 流行輕黏土, 又係咁做法, 可做得意可愛公仔.

    下次整柱侯牛腩我加多d蘿蔔.., 你可似用剩d羅白來煲鰂魚湯, 幾清甜有益架.
    [版主回覆06/16/2013 18:55:45]啊~ 原來係麵粉花,咁我就知嘞!
    輕黏土我返香港時都買咗,不過未玩,但我整過微型樹脂黏土!
    我依度既白蘿蔔,大碌到並非一兩餐就食得哂架! 下次去中超影張相比妳睇~ 仲有就係....我依度無鰂魚賣!

    回覆刪除
  4. 期待你用呢個新玩具整更多美食同我地分享~

    少少題外話~~

    我想向你請教, 之前見你整冰糖炆豬手既美食, 原來你講明係要用生既豬手,但我去到西人超市卻大意買左熟既豬手,想問...如果照跟你食譜用熟豬手, 係唔會會有好大分別??

    定可以縮短炆既時間,同樣照炆到淋就已食得?
    [版主回覆06/18/2013 04:41:44]其實......隻聖誕鴨........個皮係唔脆架!
    [Cutecutebbars回覆06/17/2013 11:05:08]係喎~!!!拆肉炒都得~~!!

    一於下次買隻生既豬手先跟你食譜~!!
    我好鐘意響你度偷師~~ 響煮食方面,你真係好多諗頭~
    你聖誕整既烤鴨,我都跟過一次呀! 但整得個外皮唔夠脆~~味道就算好......
    [版主回覆06/17/2013 03:29:53]Cutecutebbars 唔洗咁敏感啊~

    熟豬手我真係未試過喎! 因為豬手已熟咗,好多steps就會唔同e.g. 唔洗汆水又唔洗煎,熟咗豬手調味又唔同......我suggest妳今次唔好炆住,食咗隻豬手(拆肉用來炒都唔錯! ),等下次買到生豬手先再炆~

    回覆刪除
  5. 唔好意思,Veronica.我忘記咗你住在英國,冇鲫鱼賣添但係大蘿白,真係幾大啊.
    [版主回覆06/17/2013 03:20:18]唔洗唔好意思~ 好多我鍾意食既魚依度都無得賣! 最多就係三文魚......

    回覆刪除
  6. 我都淘左支國產神先棒....等你分享我偷師先得....
    [小車回覆06/19/2013 09:55:37]等你開工...我買左又唔知整咩好...女人就係甘
    [版主回覆06/18/2013 16:47:46]咦~ 幾好喎! 仲有好多配件~
    [小車回覆06/18/2013 11:42:59]到左好耐...係攪過果汁一次甘多..留位等你分享呀....俾埋我果支你睇下:
    http://item.taobao.com/item.htm?spm=a1z09.5.0.40.OEttlG&id=15082090190
    [版主回覆06/18/2013 04:39:26]妳枝到咗手未呀? 好~ 等我盡快幫佢開光先!

    回覆刪除
  7. 我有支Kenwood既神仙棒, 真係超級方便, 啱晒香港廚房細細, 易收藏, 我鍾意你呢個有埋個座, 好型仔, 唔駛亂咁放~ 你用過一定會愛上呢!
    [版主回覆06/18/2013 04:38:39]我好耐之前買過一枝超市出品幾十蚊,只用過一次.....因為完全廢既! d料仲捲住哂刀片,入咗垃圾桶.....之後買咗food processor,無乜需要神仙棒,直至cake show 見到依枝Bamix~
    我見過Kenwood 款式都好靚啊!

    回覆刪除
  8. 我都好想整糖花,整過幾次,但都未上到手,我去左淘寶買平工具..希望遲下可以同你交流下心得呢 ^^
    [版主回覆06/18/2013 04:33:57]其實我都整過一次架....不過真係未上手!
    我尋日都買咗d做糖花用具,遲下大家一齊試整,一定要交流心得啊! it's a date~

    回覆刪除
  9. 睇完段片,真係覺得支神仙棒好掂.
    [版主回覆06/18/2013 16:45:54]
    [Lewi回覆06/18/2013 06:08:13]慢慢來...等妳的分享post
    [版主回覆06/18/2013 04:31:57]係! 真係好掂好強勁!! 今朝我洗機前試吓用來打牛奶,不過未習慣點控制.....結果攪到成面都係奶......

    回覆刪除
  10. Hi V,

    I like bunny nightlight very much!

    Lovely.
    Peggy
    [版主回覆06/18/2013 16:45:31]i like it very much too! it's cheap but very cute~

    回覆刪除
  11. Hi Veronica,

    上次你提過你這裹好多三文魚, 你有冇試過煲三文魚頭湯,我試過煲, 腥到好厲害, 冇香港元氣壽司店咁好味.如果你煲過, 請多多指教
    [版主回覆06/18/2013 22:35:18]三文魚頭湯我無試過喎.....我連元氣既都未飲過.....

    回覆刪除
  12. 第日返香港有機會去元氣試吓啦!
    [版主回覆06/19/2013 20:10:13]一定會~ 不過妳講完三文魚頭湯.....我都有興趣自己煲吓!

    回覆刪除
  13. 好呀! 你試吓煲, 睇下煲出來如何?
    [版主回覆06/19/2013 23:14:36]洋人唔似得中國人咁識食,三文魚頭唔似香港咁容易買得到,不過中式超市間中會見到有得賣,等我見到新鮮就買來試吓煲~

    回覆刪除
  14. 神仙棒萬歲....YEAH!!!!
    [版主回覆06/22/2013 08:56:04]過兩日幫佢開光!

    回覆刪除

Related Posts Plugin for WordPress, Blogger...