2013年6月20日星期四

鹹魚蒸肉片 (附梅頭和柳梅的分別)



1. 梅頭或柳梅切片,用胡椒粉、生抽、糖、紹興酒,少許魚露和生粉撈勻,再加入薑絲拌勻醃最少30分鐘。


2. 將(1)平鋪在碟上,用筷子抓鬆,放上一塊鹹魚(最好係梅香鹹魚!),面再灑上少許薑絲。


3. 煮滾一鍋水,放入(2)隔水大火蒸15分鐘即成。


梅頭 VS 柳梅

我發現好多人都將梅頭肉 + 柳梅肉混淆,大概因為兩者都有個梅字啦~
不過其實梅頭 + 柳梅係豬仔兩個完全唔同既部位來架!


梅頭肉又稱梅花肉/梅肉/豬肉眼,係豬仔既上肩;
英國超市無骨就叫做pork shoulder steaks/pork rib steaks/spare rib steaks;
有骨就叫做pork shoulder chops/pork rib chops/spare rib chops~
P.S. 唔洗理張圖(美國)叫做Boston Butt!
我志在比大家睇吓梅頭來自豬仔邊個部位既啫!



梅頭肉間隙混有如大理石紋既脂肪,
肉質爽滑,燒、炒、煎、炸、蒸佳宜,
半肥瘦叉燒就係用梅頭肉來整架嘞!



柳梅又稱腰柳/豬柳/小里肌,
係豬仔脊骨下面,近腹部位置既一條瘦肉~
英文叫做pork fillet(英)或tenderloin(美)



柳梅脂肪含量少,肉中無筋,
肉質係整隻豬仔最柔嫩細緻既部份,外表非常易認!


我唔知香港豬仔價格如何......
不過喺英國梅頭賣得比柳梅平好多,大約平40%左右~
大概因為洋人懶健康,食乜野肉都要瘦蜢蜢,
所以相對脂肪較多既部份都變成cheap 野!

梅頭 + 柳梅都好適合用來炒或蒸,
而我一向都鍾意半肥瘦多少少油水,
所以我多數都會買梅頭~





Photobucket

33 則留言:

  1. 谢谢你的分享, 超级喜欢吃这道餸!
    [版主回覆06/21/2013 01:58:22]唔洗客氣!

    回覆刪除
  2. 睇樣就知但單單個名就真的唔識分.謝謝分享,而家清楚晒佢地係0係邊個位置.
    呢邊的2樣價錢都係相差幾遠
    [版主回覆06/22/2013 08:38:58]其實好多人都係識分,只係攪錯個名!
    洋人真係唔識貨,連大大舊靚豬腱都賣得好鬼平~

    回覆刪除
  3. 《Ka MaN 日記》2013年6月20日 下午6:01

    我而家明啦...
    向澳洲都無人向同我講梅頭係咩CUT...
    我都LIKE有D肥..
    因炒同蒸會滑D..!!

    我地都係嗰D瘦蜢蜢肉貴D...!!
    [版主回覆06/22/2013 08:36:36]除非買唔到梅頭,否則我整叉燒一定要用梅頭! 我覺得叉燒一定要有少少肥先好食~

    回覆刪除
  4. 又學到野...
    [版主回覆06/22/2013 08:34:08]其實有好多人唔係唔識分,只係將個名攪錯咗~

    回覆刪除
  5. 真係唔講唔知呀... 淨係記得中學時家政堂教整叉燒, 老師叫我地買梅頭咋
    [版主回覆06/22/2013 08:33:17]哇~ 妳就好啦! 家政堂教整叉燒!!!!!!! 我中學家政只教過煎鮫魚、糖醋排骨咋.....

    回覆刪除
  6. 哇...勁...我真係唔識分乜野位..仲要係食唔出有乜分別架..只要唔係瘦肉鞋十十就得..
    係喎,你個度都買到鹹魚既咩?
    [版主回覆06/22/2013 08:31:54]其實我唸只係妳平時無特別留意過啫,我相信妳係會食得出既~
    有架~ 我依度有鹹魚賣架! 中式超市咪有囉,而且質素唔差,係梅香來架,都好香好甜口,好好食架~

    回覆刪除
  7. 美味X1000~~送飯一流耶
    [版主回覆06/22/2013 08:25:14]依個的確係一個勁好送飯既小菜!

    回覆刪除
  8. 獲益良多!多謝你咁詳細嘅分享。
    [版主回覆06/22/2013 08:24:53]唔洗客氣Fiona!

    回覆刪除
  9. 蕙食廚房 - Cat's kitchen2013年6月20日 下午11:01

    點解shoulder會係隻腳到既
    [版主回覆06/22/2013 08:24:35]其實係豬手,後腳先係豬腳~ 手果個位置係shoulder 來架! 但梅頭既部份係咪做shoulder rib~

    回覆刪除
  10. WOW...So detail and useful info. THX for share!!!
    [版主回覆06/22/2013 08:22:33]you're very welcome J Li!

    回覆刪除
  11. 好仔細既講解睇完真係完全明哂!
    呢個鹹魚蒸肉片係我至愛,無論蒸肉片或肉餅我都一樣咁鐘意,
    有呢個餸,飯都會食多碗架!啲梅香鹹魚既香味入曬落肉片度,真好好食!
    [版主回覆06/22/2013 08:22:08]梅香鹹魚真係好正!

    回覆刪除
  12. 想問吓你買餸係多數喺supermarket/街市?倫敦有冇露天market?
    因我遲d(~Sept)有可能到London旅遊,如有露天market想去睇睇!
    [Sawdogdog部屋回覆06/22/2013 11:32:40]Thanks!
    [版主回覆06/22/2013 08:21:00]我依度無街市果喎! 我去超市架咋~ 倫敦我唔清楚,只係知道Birmingham有室內 + 室外街市~

    回覆刪除
  13. V令我流口水
    [版主回覆06/22/2013 08:19:55]我令你流口水?? 唔好食我呀~~~~~~

    回覆刪除
  14. 鹹魚我淨係鍾意食梅香 ga 咋....hehe...因為媽咪都係...所以自小都係.....
    [版主回覆06/22/2013 08:18:25]我都淨係鍾意梅香鹹魚! 我覺得實肉果種鹹魚味道太一味"死鹹"又唔夠香~

    回覆刪除
  15. 好味好味!看了V的靚餸會掛住hk同媽媽^^pork filet我呢度賣150per kg. 好貴!但肉質好軟,我用黎焗叉燒^^
    [版主回覆06/22/2013 08:17:13]Thank you 六月! 我好少會用pork fillet,除非買唔到rib steak 啦,因為我鍾意叉燒有少少肥~

    回覆刪除
  16. 我鍾意買shoulder steak嚟整叉燒,肥瘦剛剛好.
    [版主回覆06/22/2013 08:15:47]我都係! 我覺得叉燒要有少少肥先好食~

    回覆刪除
  17. 我覺得梅頭似黑肉,柳梅似白肉。平時會用梅頭多啲。
    [版主回覆06/23/2013 06:29:05]White meat / dark meat 依個係美國term,歐洲根本唔常用,而且只係for poultry 之喎! 無見過人用依個term來形容家畜......
    我都係用梅頭多,一來平二來我鍾意油水~

    回覆刪除
  18. 香港梅頭都要$50/斤。蒸豬肉係我唔得閒時會煮既餸。
    [版主回覆06/24/2013 23:10:21]我依度柳梅都係貴d架! 其實而家邊度買食材都好貴......
    [靚芒回覆06/23/2013 19:48:24]柳梅仲貴!
    [版主回覆06/23/2013 06:23:31]咦....咁梅頭我地依度平d喎! 我地依度大約£5/kg,約$60港紙左右! as i said 洋人唔鍾意有肥有骨既肉類.....

    回覆刪除
  19. 次次我食呢味餸, 我都會潻飯....
    [版主回覆06/23/2013 06:11:09]其實我一塊梅香鹹魚已經可以食2大碗白飯架嘞!

    回覆刪除
  20. 補充: Veronica, 您連豬的部位都撩如此掌, 犀利! "LIKE"
    [版主回覆06/23/2013 06:10:20]過獎嘞~ 其實都唔係咪特別資料來,不過我覺得煮野食多少應該了解一下食材,咁先知咩食材用咩煮法會配合得最好嘛~

    回覆刪除
  21. 嘩....依樣真係撈飯一流!!!!! 不過我想問洗唔洗落油?? 定係D豬肉已經有油唔洗再落???
    [版主回覆06/23/2013 06:07:58]係啊! 連Mr.T完全唔食鹹魚(佢話臭喎...),但佢都好鍾意食d肉!
    我蒸豬肉多數都係用梅頭,肉本身有油花,所以我唔落油架~

    回覆刪除
  22. HI,NICE TO MEET YOU!
    [版主回覆06/23/2013 18:35:52]

    回覆刪除
  23. 同妳一樣有梅香鹹魚我都可以食兩碗飯
    [版主回覆06/23/2013 18:44:42]間中過吓口癮好嘞! 始終鹹魚唔係健康食物,多食無有益~

    回覆刪除
  24. 用左柳梅,唔駛拍鬆又唔駛鬆肉粉。
    蒸左都唔硬。
    但就貴D。
    不過,咁咪食少D囉=] !
    [版主回覆06/24/2013 04:37:23]梅頭都唔駛拍鬆又唔駛鬆肉粉,蒸咗亦唔會硬架; 至於食多食少,每人食量都唔同....
    所以只要用啱適合食材去煮一味餸 + 煮餸時留意份量咁就無問題啦!

    回覆刪除
  25. 鹹魚蒸肉片~洗晒口水LU~^^
    [版主回覆06/24/2013 04:30:22]蒸肉片好送飯~ 又唔洗剁肉剁到手軟!

    回覆刪除
  26. thanks for sharing
    [版主回覆06/24/2013 04:29:47]you're welcome Amy!

    回覆刪除
  27. 我只知道豬肉, 其他唔識分睇尼真係要學下, 如果唔學就成日比豬肉佬老點.
    [版主回覆06/24/2013 04:29:32]梅頭同柳梅其實好容易分,其他部份就要留意多d,尤其係幫襯豬肉檔! 我去超市買pack好既,盒上會貼明係咩肉,一眼睇哂~

    回覆刪除
  28. 緊張大師-小女人2013年6月23日 下午4:00

    Mrs.T多謝你呀,我早前才去問豬肉師傅呢兩部份有乜分別,你真係好教曉了我們咁多知識.鍚晒你呀,梅頭我鐘意整义燒,柳梅包餃子最好
    [緊張大師-小女人回覆07/22/2013 16:16:56]對對對,加上我隻手受傷到現在未好番所以才是重點問題,謝謝你Mrs.T
    [版主回覆07/01/2013 01:52:52]梅頭邊有筋架? 梅頭肉係肥瘦相間,中間既係脂肪所以叫做梅花肉~ 妳話好難切......好可能係妳把刀唔夠利啊! 係時候磨吓把刀嘞~
    [緊張大師-小女人回覆06/30/2013 08:27:47]早前包餃子用梅頭但好難切,有筋咁樣切到死下死下,所以我又好怕用佢,柳梅好似正好多咁但無乜肥我都覺得唔係咁好
    [版主回覆06/24/2013 23:09:25]唔洗客氣緊張大師! 其實我覺得好多人都係識得分既,只係攪錯咗名稱啫~ 我呢基本上都係多用梅頭,偶然買唔到梅頭先會買柳梅!

    回覆刪除
  29. 真好現在總算識分,怪不得每次用柳梅整叉燒都是太瘦,多謝!
    [版主回覆06/24/2013 23:07:29]唔洗客氣SY! 叉燒又真係要有少少肥先好食~

    回覆刪除
  30. 學到野(我女友話)
    [版主回覆06/26/2013 18:23:36]唔洗客氣! (同你女友講)

    回覆刪除
  31. 謝謝分享!!還有圖解 一下子就明白啦
    [版主回覆06/27/2013 19:17:39]you're welcome!

    回覆刪除
  32. 謝謝你~~可以學好多知識呀~~像去了旅行一樣
    [版主回覆06/28/2013 22:56:34]唔洗客氣! 多謝來訪~

    回覆刪除
  33. 哩個超好送飯~~~好耐冇食了
    [版主回覆07/05/2013 19:26:53]講講吓.......我又想再整呢!

    回覆刪除

Related Posts Plugin for WordPress, Blogger...