2013年6月25日星期二

Japan Fair (2013年6月23日)


剛過去既星期日(6月23日),
本來打算去The Trossachs影吓相,
可惜天氣唔好天陰陰打消咗依個計劃,
唸住喺屋企hea一日睇吓電視上吓網就算.........
Mr.T: 喂Honhon~ 快d著褲!
 photo _2105.gif

大家千其唔好誤會.......其實我當時係有著褲既!
之不過係一條我喺屋企先會著既運動褲,
Mr.T叫我"
快d著褲",其實係想叫我快d換衫出街!!  photo _1284.gif

原來Mr.T睇到朋友FB update,
知道是日Glasgow Westend 12noon - 4pm 有個Japan Fair,
當時已經1.10pm,所以我以極速換衫換褲 + 梳頭,
5分鐘後就素顏出得街~


地點喺Scottish Trades Union Congress,免費入場呢~


第一次來依度,會場地方不大但擠滿哂人,
是日天氣雖麻麻,不過都幾熱,加上會場無冷氣,
一入到去已經覺得好翳焗......



一入去先有檔壽司卷.........


隔離賣緊枝豆 + 炒飯........
再隔離係咖喱包、mochi + yakitori........
全部我地都無幫襯! 因為全部我都識整,
亦好有信心我整既賣相會.........
嘻嘻~~~~~


有茶道示範 + 講解~


其實依個我好有興趣,因為我好鍾意飲茶!
不過太多人排隊等緊........



摺紙Origami~ 唔好以為只係小朋友先玩喎,
好多成年洋人學緊摺紙鶴架!



書道Shiyodao~ 依個就大部份都係小朋友學嘞!


見有浴衣試著,我同Mr.T又一人揀返一套........











我覺得Mr.T著浴衣好好睇啊~


可惜觀音頭掃把腳......著住對爬山Boots!




我...驟眼看似好正常........



但其實我仲衰著住對Birkenstock!!


今次係我第二次著浴衣.........

第一次係多年前喺東京Sanriotown租著過一次,
個個團友都話我著得好睇~

所以我都買咗一套深紅色加黃腰帶,
不過買咗返來後一次都無著過.........

因為我唔識綁條腰帶!!!!!!


會場不大攤位亦不多,不過有一檔賣立雜野........

眼利Mr.T發現咗依盒野! (我初時仲以為係砌圖.........)



原裝日本製.......



多用途包埋說明書.......


等我搵日買咋菜返來試吓依份新玩具先!






Photobucket

20 則留言:

  1. 個盒野我都有d興趣!你快d試下啦!期待!
    [版主回覆06/26/2013 18:01:42]搵日天氣無咁好先啦! 我廚房大把玩具等緊我寵幸開光........

    回覆刪除
  2. "新玩具" 睇落幾多野玩喎, Yeah!! 整完之後, 可能靚到唔捨得食.
    [版主回覆06/26/2013 18:00:12]花款多都要睇吓識唔識用.....

    回覆刪除
  3. 你快d試下新玩具啦!
    [版主回覆06/26/2013 17:59:07]我都唔知幾時先會試果喎.......

    回覆刪除
  4. 真係好襯
    [版主回覆06/26/2013 17:57:59]Thank you Time Is Changing!

    回覆刪除
  5. 盒野幾錢?好似幾好玩,等睇你呀!
    [版主回覆06/26/2013 17:57:41]咁妳慢慢等啦! 因為我都唔知幾時先會攞出來玩.....

    回覆刪除
  6. 又有新玩具...甘神仙棒排第幾..!!!???
    [版主回覆06/26/2013 17:57:13]排名不分先後啦! 樣樣玩具我都咁鍾意

    回覆刪除
  7. 盒新玩具,又好似幾好玩喎,等你呀!
    [版主回覆06/26/2013 17:55:51]等搵日天氣無咁好先幫套野開光吓!

    回覆刪除
  8. 快D用套新玩具 cut D 靚靚 deco 嚟睇吓啦....
    [版主回覆06/26/2013 17:54:34]等搵日天氣無咁好先幫套野開光吓!

    回覆刪除
  9. 個度好似好好玩咁喎,仲要有浴衣試著,你兩個直頭model咁,好靚呢....
    套玩具好得意呀...好似好好玩咁..日本人出既野真係好貼心既
    [版主回覆06/26/2013 17:53:34]Thank you 小甫貓! 可惜規模不大會場太細,不過唔免費入場都算唔錯~
    我本身以為係砌圖,如果唔係Mr.T攞起套野來睇,都買唔成啊!

    回覆刪除
  10. 你地兩個著起浴衣都好好睇喎! 今次條腰帶係都係自己綁架? 好靚喎, 我鍾意蝴蝶結多過太鼓款(好似一個枕頭咁)
    套工具都好好玩咁呀, 快D試下整個西瓜盅啦~哈哈!
    [版主回覆06/26/2013 17:47:41]Thank you 貓小玲!
    我記得之前去日本導遊話,蝴蝶結係for未婚女性,而太鼓款係for 已婚女士~ 不過我都係鍾意蝴蝶結!
    唔整西瓜盅呀...因為我 + Mr.T都唔食西瓜! 我想先試雕玫瑰~

    回覆刪除
  11. 蕙食廚房 - Cat's kitchen2013年6月26日 上午12:00

    個個星期都有新玩具
    [版主回覆06/26/2013 17:42:44]"好天買埋落雨"玩嘛!

    回覆刪除
  12. 咁多款,真係好排玩~~等你0既作品呀~
    [版主回覆06/26/2013 17:42:08]咁妳慢慢等啦! 因為我都唔知幾時先會攞出來玩.....

    回覆刪除
  13. Pandaki PIXNET Net2013年6月26日 上午8:27

    華!!!!!!!! 依盒野!!!!! 正!!!!!!!!!!!!!!!!!!!!!

    你完全系可以開店啦!!~~~ FULLY EQUIPPED!!!
    [版主回覆06/27/2013 19:30:05]哈哈~~~我有依盒野,但我未知識唔識用喎! 如果我整得好核突仲點開店呀!!

    回覆刪除
  14. 呢套嘢,好多功能,快d試啦。
    [版主回覆06/27/2013 19:28:33]係呀~ 好多玩法,不過要慢慢學啊!

    回覆刪除
  15. 果盒鵰花工具都幾好玩喎!裏面有冇說明書教人點整架?不過我都覺得要耐性加心機呀!係手作野,不過我覺得應該難唔到你呀!平時見你整啲野出黎都好靚靚吖
    浴衣都好靚播,你著浴衣個樣好似好細個咁呀
    Mr.T 個樣好鬼得戚〜〜哈哈
    [版主回覆06/28/2013 01:56:11]係架~ 買刀買酒都要夠18歲先得!
    而且佢要查你的話,你一定要出示有相有出生日期既ID先有效! 我試過只帶散紙包去超市買紅酒,無ID喺身,結果佢真係唔賣比我......
    [joey回覆06/28/2013 01:43:58]咦〜 咩你果邊買酒同買刀未成年唔買得架
    都好嚴謹呀喎〜〜
    [版主回覆06/27/2013 19:26:20]佢果張紙好簡單咁說明 + 圖示咗幾個用法,但我覺得應該仲有好多玩法! 我唸住先學咗基本既,之後再買本書學多d花款~
    Mr.T高從上影落去....影到我好似好矮......咁我本身都係好細粒既......其實我買酒買刀成日比人查ID架.....
    係我叫Mr.T擺個咁既pose! 嘻嘻~~~

    回覆刪除
  16. 希望sheffield 也有这类的fair !!
    另外我有问题想问你,海绵蛋糕我想要草莓的味和粉红色,我可以用草莓汁吗??
    还有别的方法吗?
    [版主回覆06/27/2013 19:20:43]我未整過粉紅色既草莓蛋糕,不過我搵到依個食譜,妳可以參考吓睇吓啱唔啱用!

    http://tikkido.com/node/783

    回覆刪除
  17. 非常期待你既新玩具開光吖
    [版主回覆06/28/2013 17:51:03]我都期待......不過我自己都唔知幾時!

    回覆刪除
  18. 妳件浴衣好睇呀
    [版主回覆06/28/2013 17:50:19]Thanks Andrea! 其實我睇中另一件淺藍色架,不過比人著咗好耐都未除,所以先揀咗依件......

    回覆刪除
  19. 好期望你折套decorator set後出的成品.
    [版主回覆07/04/2013 01:23:46]拆咗,不過唔知幾時玩

    回覆刪除
  20. You are a nice model for Japanese dressing! Very beautiful ..

    Peggy
    [版主回覆07/05/2013 19:25:56]Thank you very much Peggy!

    回覆刪除

Related Posts Plugin for WordPress, Blogger...