我們的哈囉喂2013 Part 1: Mr.T 殺咗佢老婆! (2013年10月26日)

花咗21小時42分鐘，終於將Yahoo Blog 備哂份!
但我仲未有心情將舊網誌轉檔搬過來......
Hea 咗咁耐積埋大堆野未寫，
再唔寫既話...話咁快出年哈囉喂又到咯! 呵呵~~~~~

 

依個係Mr.T 今年哈囉喂既造型......

睇過我舊blog 既網友，

應該對"發泡膠女死人頭"唔會陌生!

 

依個係2009年我幫Mr.T 唸出來既哈囉喂造型~

本來今年Mr.T 想扮"進擊的巨人"裡面既Colossus Titan，
因為佢喺網上見到套巨人筋肉衫覺得好有型~
但到咗哈囉喂Club Noir 前2星期，
Mr.T 覺得keep fit 進度唔理想(其實根本就無keep 過......)
咁套巨人筋肉衫係貼身既...所以佢放棄咗巨人既造型!

哈囉喂Club Noir 日子漸漸逼近，
喺唸唔到新造型既情況之下，唯有重施故技!
不過當年既發泡膠女死人頭，
喺我命令之下已經一早去咗堆填區，
要重新再整一個......

美術用品店買返來既發泡膠人頭髹肉色.......

再來挖眼界面......

最後加把長長秀髮.........

話就話用返舊idea，但無理由咁鬼悶照足100%架嘛......
於是今加d新意來個新郎新娘造型!
血淋淋既新娘夠哂恐怖啦~~~~~~

本來唸住玩激d......

整Mr.T 套衫左面係婚紗，右面係踢死兔，

仲打算左邊"新娘"搽指甲油帶戒指著絲襪高踭鞋...etc.

可惜Mr.T 隻腳太大搵唔到啱著既高踭鞋，

(就算搵到都唔知佢點行路.......)

所以最後打消咗依個念頭，

不過仍然採用新娘依個idea~

Mr.T 好鬼漏氣.......

佢自己出去玩都唔緊唔緊，

反而係我依個無份玩既美術指導唔想Mr.T 失禮而好著緊!

一星期前叫咗快d去搵個頭紗返來，一直當我唱歌~

直至Club Noir 前3粒鐘，發泡膠女仍然未有頭紗!

最後又係要醒目既賢妻出馬.......

食完lunch 返屋企途中，

賢妻堅持要去Sainsbury's 行一趟，

(其實係我自己想行! 哈~~~~)

頭紗就無嘞，不過賢妻搵到條小朋友既仙女紗裙.........

返到屋企賢妻花咗10分鐘...

十幾枝大頭針...8枝閃石珠珠......

成功將仙女紗裙變成發泡膠女死人頭個頭紗!

再加埋假血漿，總之有咁恐怖整咁恐怖......

咁Mr.T 都有野忙架......佢就忙整依個牌囉!

頭紗 + 牌都攪掂哂後就幫Mr.T 變身.......

殺妻斬頭無把刀又點似樣呢? 

大家睇吓Mr.T 個殺妻look 幾咁興奮雀躍! 

(大概Mr.T 幻想殺咗我依一刻已經好耐......)

由於Mr.T 頂住大大個人頭喺膊頭，

我唔准佢渣車要佢call 的士，

事後Mr.T 同我講......

Mr.T一上的士司機就問: 你今晚去Halloween party 呀?

(大佬~ 唔通真係去參加婚禮咩.......)

 
同上次一樣 - 今年造型再一次大受好評!

Mr.T 話在場差不多20多個陌生人搵佢合照，

個個都話佢個造型好creepy~~~~~

不過Mr.T d死黨就話......

佢地見依個發泡膠老婆仲多過見我依個真老婆! XDD

Mr.T 出咗去蒲，咁賢妻做喺屋企做乜野呢?

我留喺屋企玩d應節得來又益智既野囉!