即興Birmingham Short Break 買買買 (2013年11月9 - 10日)

上個再上個weekend，
我 + Mr.T即興走咗轉Birmingham 來個short break，
食飽買飽滿載而歸!

星期五晚Mr.T 放工後起程，
渣咗4粒幾鐘車南下，
大約半夜12點就到咗酒店，
瞓醒一覺一早起身血拼去~~~~

 
第一日既收穫......



 
是日第一個地方係去行街市!
Birmingham 市中心，
有一個室內街市 (Bullring Indoor Market);
一個室外街市 (Bullring Outdoor Market);
仲有一個賣日用品立雜野既室內市集 (Bullring Rag Market)

室內 + 室外街市賣鮮肉鮮魚蔬菜，
種類凡多全部都好新鮮好吸引，
價錢仲比Glasgow 平，  
可惜我地星期日晚先渣車返蘇格蘭，
依3個market 星期日都唔開，
所以雖然我見到好多野想買e.g. 肉類、海鮮.....
最後都只得個睇字~

喺室外街市，我用£1.78買咗大包大大粒肥美栗子~
來咗英國咁多年，
新鮮栗子只會喺萬聖節前後幾個星期先有得賣，
其他時候係買唔到新鮮栗子既，
不過超市賣既所謂新鮮栗子又貴又細粒，
細粒到似榛子多過栗子，
仲有好多爛，甚至有蟲...極度嘔心!
我曾經以為英國無肥美栗子，
原來肥美靚栗子喺Birmingham 喎!!

依粒係我喺Birmingham 室外街市買既栗子;

依粒係我喺屋企附近超市賣緊既栗子.......啤~~~~


既然鮮魚鮮肉無我份，去行室內市集啦!

入去無耐喺一檔賣vintage 杯碟餐具既檔攤搵到心頭好!

Royal Albert "Lady Carlyle" 骨瓷

一set3件，靚到無朋友! 大愛~~~~

有一檔賣香料， 
香料五顏六色林林種種，花多眼亂~

花草茶:(上左起) 洛神花、蒲公英、蕁麻、萬壽菊

紅菜頭粉、菠菜粉、迷迭香粉

肉乾醃料、蒜蓉包調味、蒜蓉胡椒

有一檔賣寵物用品，
所以McHamHam 都有禮物啊~

有渣車去真係方便!
可以去離city centre 較遠既店，
Seoul Plaza 顧名思義係一間韓國超市，
雖然主攻韓國食品，
同時亦兼賣香港、台灣、日本、中國食品~

Seoul Plaza 一個白鴿轉下來既收穫!

話過暫時唔再買鑊既我，忍唔住又買咗依隻陶瓷鑊.......

因為佢實在靚仔到無朋友!
除咗搶眼鮮紅鑊底........

鑊既內籠有花紋好鬼靚!

我未見過依種鑊，連Mr.T 都話好靚，我真係忍唔住手!

9月尾去倫敦前已經唸住買韓式鐵筷子，
但喺倫敦搵唔到，
今次終於搵到嘞! 
係韓國正宗又幼又薄既款式，
仲有鐵匙配埋一套~

依罐日本特別版汽水係Mr.T既!
我由細到大一集龍珠都無睇過~


第二日星期日去Birmingham 隔離埠仔Stoke-On-Trent~
埠仔有乜好去呀?
Stoke-On-Trent 的確無乜好做 + 好食......
不過英國出名既陶瓷餐具茶具，
幾乎全部都係喺Stoke-On-Trent 製造!
Royal Doulton, Wedgwood, Spode, Minton, Emma Bridgewater, Cath Kidston......
依d牌子全部喺Stoke-On-Trent 都可以搵到~

因為會食埋晚飯先返Glasgow，
所以出發去Stoke 之前，
先去Birmingham 市中心中超買埋第二日既餸.......

我至愛但久違既多春魚~
最衰屋企冰格爆棚，否則我買多幾pack......

貪靚中間紅色心心辣味魚腐
另外買咗包菜心 + 大咋未返到Glasgow 已經食鬼哂既零食......

到咗Stoke 第一時間去Wedgwood & Royal Doulton Outlet Store!

裡面好大，有好多唔同牌子，
去年我都來過一次，
當時喺度逛咗2粒鐘......

Stoke 大部份既店星期日4pm 就收工，
之後仲有另一處地方想去，要速戰速決......

今次來主要想買Wedgwood 既tea set + cake stand......
   

Cake stand 無睇啱心水，
不過買到一套我勁勁勁鍾意既Wedgwood 骨瓷~

"Rose Gold" tea set

原本我唔捨得買既茶壺，
不過Mr.T 叫我買埋~

仲有餐碟~

"Rose Gold"依個系列，
係Wedgwood 慶祝200週年而推出既!
好鍾意~ 好鍾意~ 
開心捧住戰利品去下一站!

The Wedgwood Visitor Centre~
Museum 當日無開......
其實本身來唔來依度都無所謂，
因為最想買既頭先已喺outlet 買到，
只係見舖頭仲未夠鐘關門，爭取時間行多個地方!

  依度我主要只係想去Visitor Centre 既outlet shop!


 
不過來咗有收穫啊!
Wedgwood "The Barlaston Collection"骨瓷首飾盒~

依個小小首飾盒仲係Visitor Centre 限定，
出面無得賣呢~

點止首飾盒咁簡單，直情係一件藝術品!