健康小食 - 金黃炒南瓜籽

刻咗5個南瓜，挖出大堆南瓜肉南瓜籽，
依堆野係寶來架! 千其唔好咁嘥料揼咗去啊~

 1. 先將挖出的南瓜肉 + 南瓜籽分開，南瓜籽清洗乾淨，撈起瀝乾。

 2. 預熱焗爐180C; 將南瓜籽平均鋪在焗盆上，放入焗爐5至8分鐘焗乾剩餘水份。

 3. 白鑊以中火燒熱，下(2)的南瓜籽不斷翻炒。

 4. 炒至南瓜籽微微金黃和發出果仁香味，即可盛起。

 香脆可口，剥完一粒又一粒，好食到停唔到口!
 炒好既南瓜籽，咬開殼卜卜聲好容易取出瓜籽肉，
 若發現瓜籽肉好黐殼，即表示炒得唔夠~
 不過南瓜籽係可以生食既!

 南瓜籽含豐富蛋白質、葉酸、Omega 3、鋅和不飽和脂肪酸， 可有效降低高血脂、高膽固醇、防止血栓形成及預防心臟病。