2009年10月19日星期一

Dobbies Farm Foodhall (2009年10月18日)

Tesco 唔再賣鴨蛋......6093-1315447310.gif image by veronica_tsim

為咗買盒鴨蛋來整鹹蛋，尋日星期日(10月18日)特登去咗愛丁堡既Dobbies Garden Centre 裡面既Farm Foodhall 買鴨蛋!

唔係每一間Dobbies 都有Farm Foodhall 既，要好鬼大間既Dobbies 先有~ 而且Farm Foodhall 亦有大有細，所賣既食品未必間間相同!

 愛丁堡依間就好鬼正嘞! 令我行到樂而忘返~~~~~_106.gif image by veronica_tsim

去到門口見到擺放咗一大堆時令蔬菜~~~6175-1315447340.gif image by veronica_tsim

 大家估唔估到依d係乜來呢?
_342.gif image by veronica_tsim 老規矩 - 估中無獎~ 答案本篇尾開估!

Farm Foodhall 裡面賣既食物，大部份係local produce，一般超市唔會見到，所以價錢亦貴貴地......

 但當中亦夾雜咗少部份食品 / 調味料係一般超市都可以買到，但價錢就貴到離哂譜!!
e.g. 我發現咗1枝一模一樣既海鹽 -  Farm Foodhall 賣£1.50; 而Morrisons 只售£0.79! 差不多貴成倍......._1271.gif image by veronica_tsim
不過我依d蒲慣各大超市既師奶，係唔會比佢地呃到既! 呵呵~~~6183-1315447347.gif image by veronica_tsim

_2081.gif image by veronica_tsim Farm Foodhall 現場直擊......
 一入門口就係bakery，傳來一陣陣鬆餅香味~~~ 仲有得試食喎!_106.gif image by veronica_tsim

 一角有有機新鮮蔬果~

 大過老公拳頭既洋蔥、重量級jumbo 大蒜頭 + 脹卜卜shallots，全部一串串吊高來賣!
Foodhall 正中一個環型大凍櫃......6161-1315447302.gif image by veronica_tsim

 有不同種類既芝士;

 轉個彎有懶靚朱古力~ 可以逐粒買;

 再轉個彎有各種肉批、火腿、香腸、肝醬之類既熟食;

另一角售賣各種唔同口味既balsamic vinegar + 橄欖油.......

 醋 + 橄欖油都有大、中、細3個size~ 類似香港某商場賣香水咁 - 客人決定咗要邊種 + 咩size先入樽!

售賣餅乾、果醬既部份......

 包裝非常精緻既果醬~ 第一次見有香蕉果醬!6151-1315447349.gif image by veronica_tsim

 距離聖誕仲有一段日子，但已開發有聖誕食品 + 禮品賣!

6083-1315447322.gif image by veronica_tsimFarm Foodhall 裡面其實仲有鮮肉枱、雪藏食品部、飲品 / 酒精部、甜品部、罐頭部、調味料部......食品種類多到不能盡錄!

裡面貨品平時特別少見，但價錢亦特別貴~_1282.gif image by veronica_tsim連牛油都特別過人......


 依3枝唔係香薰蠟燭，而係唔同口味既牛油來!

 不過今次我係專程去買鴨蛋，所以戰利品並不多......


 依度鴨蛋比以前Tesco 平!


 依隻法國生產既牛油餅乾好好好好食!!!29_3_16.gif image by veronica_tsim  
暫時我只見過Dobbies Farm Foodhall 有得賣，我去親都一定會買~


 熟食凍櫃買我至愛既雞肝醬 + 鴨肉醬~ _106.gif image by veronica_tsim


 仲有樽英式芥醬~

行完Farm Foodhall，順便過埋Garden Centre 果邊兜咗個圈......


 依d全部係椰菜來，不過 只用來裝飾，唔食得既! (用椰菜來裝飾有少少奇怪.....)

開估時間...........

_344.gif image by veronica_tsim 答案: 有機南瓜

(個人覺得有少少似番石榴.......)
發佈者： 於
標籤：

12 則留言:

  1. Gaileは林家歐巴桑2009年10月19日 上午3:29

    見你買到鴨蛋,就知用第二個方法整既時間到啦,期待ing
    [版主回覆10/19/2009 19:29:00]一陣要出去買多個玻璃樽先開到工......
     
     

    回覆刪除
  2. Mrs. Tin Tin2009年10月19日 上午3:31

    LU biscuits: They cost about 0.90 euro here. How much did you pay?
    [版主回覆10/19/2009 19:26:00]i dont know the price of the biscuits cos my husband paid for it! but i wont be surprised if it's cheaper in France.
     
     

    回覆刪除
  3. Kelly Chan2009年10月19日 上午5:08

    果盒牛油餅乾睇到我流曬口水呀,好想食呀!!!!!!!!我開頭見到幅相都係估南瓜,因為有一隻都幾似,你地果邊SUPERMARKET真係好,又大又多野行,我好鍾意行SUPERMARKET架,因為次次去到我實買野~~
    [版主回覆10/20/2009 17:57:00]依間係farm food store，唔係超級市場來~
     
    依間以farm food store 來講真係好大; 但同超市比就細得多!
     
     

    回覆刪除
  4. andrea2009年10月19日 上午8:02

    我都估係南瓜，不過唔知有機既會係咁
    [版主回覆10/20/2009 17:55:00]我完全估唔到佢係南瓜~ 我真係以為佢係番石榴!
     
     

    回覆刪除
  5. kean2009年10月19日 下午5:36

    咦, 妳果邊d雞肝醬同鴨肉醬都好平喎! 我最鍾意配多士食架.
    [版主回覆10/20/2009 17:54:00]緊唔平啦! 其實肝醬 +肉醬都係一大舊，要幾多叫佢切~ (我叫佢每樣要200g，但佢每樣只切咗100g 多少少~) 100g 好少架咋......
     
     

    回覆刪除
  6. Bonnie2009年10月19日 下午6:46

    有機南瓜 , 我起初都以為係 , 後來 , 睇睇下又覺得佢似洋蔥 ,LU 牌子 , 香港都有得賣 , 不過 , 就無你過種牛油餅乾 ..
    [版主回覆10/20/2009 17:48:00]我都覺得有少少似洋蔥!
     
    尋日睇到個餅盒，原來係卡夫既出品來! 不過依隻餅我只見Dobbies 有得賣，普通超市冇見過~ 所以我都係間中先食!
     
     

    回覆刪除
  7. mami阿四2009年10月19日 下午7:21

    睇外表睇唔出佢有機，不過就估中佢係南瓜
     
    香蕉果醬又幾特別喎，唔知會唔會怪怪地呢
    [版主回覆10/20/2009 17:45:00]我直頭睇唔出佢係南瓜......   我一時望唔到果牌，同老公講: 哇! 乜有咁大個guava 既咩??
     
    係囉~ 香蕉果醬我都係第一次見到咋! 感覺有少少核突 - 因為蕉唔擺得耐架嘛.....仲用來整果醬~~~~
     
     

    回覆刪除
  8. 攪攪震2009年10月19日 下午8:00

    我好嚮往行超市的時間, 因為真係可以睇到不同國家的特式食品、材料, 而你介紹的全是Local Produce既, 我一定行到唔想走
    [版主回覆10/20/2009 17:40:00]唔係全部野都係from local 架~ e.g. 肉、蔬菜、水果、蛋、餅食、麵包、肉批.......依d鮮貨就係local produce; 好似我盒餅乾 + 其他乾貨調味料飲品......就係入口野 - 不過係一般超市唔入既野~~~
     
     

    回覆刪除
  9. Sandy Au2009年10月19日 下午8:17

    我估中, 哈哈哈.  我好鍾意睇外國既超市, 實在太多野睇. 又大.
    [版主回覆10/20/2009 17:37:00]依間係farm food store~ 雖然依間比其他farm food store 大好多，但比起一般超市就係好細嘞!
     
     

    回覆刪除
  10. ❤ 蕃薯媽 ❤2009年10月19日 下午11:10

    嗚嗚...我好掛住美國的SUPERMAEKET唷.... 咩都有得賣...係呢...好期待你d鴨蛋唷... btw..d蛋蛋..只可以放到一個月到炸...唔知係唔係真呢?.? 我今日都買左鴨蛋蛋....整好post...比你睇唷=) 不過我忘記了...同d蛋蛋用酒洗白白= ="""" 沒用酒洗白白...人地話唔出油ga= ="""算啦...我下次先再整=)
    [版主回覆10/20/2009 17:36:00]依間係farm food store 來，依度平時既超市都唔係咁架!
     
    我見其他人整鹹蛋話只可存一個月，因為手作野冇防腐劑喎...... 而且我街買返來既鹹蛋都係放1個月左右架咋~ 始終係蛋，放太耐緊唔好!
     
    係? 我見好多人冇用酒都醃到出油喎! 反而有d用咗都冇乜油.......妳醃果d好靚呀!
     
     
     

    回覆刪除
  11. ❤ 蕃薯媽 ❤2009年10月19日 下午11:10

    嗚嗚...我好掛住美國的SUPERMAEKET唷.... 咩都有得賣...係呢...好期待你d鴨蛋唷... btw..d蛋蛋..只可以放到一個月到炸...唔知係唔係真呢?.? 我今日都買左鴨蛋蛋....整好post...比你睇唷=) 不過我忘記了...同d蛋蛋用酒洗白白= ="""" 沒用酒洗白白...人地話唔出油ga= ="""算啦...我下次先再整=)

    回覆刪除
  12. mami阿四2009年10月20日 上午3:27

    嘩，真係好邪呀!!!!!!!! 頭先我媽咪比咗個南瓜我同妳張相嗰啲似到十足十，不過係綠色，我媽咪話菜檔嗰個話叫"嫩南瓜"，鄉下成日食，不過香港好少有，仲話淨係可以用黎炒，唔可以煲湯，我媽咪叫我今晚炒咗佢
    [版主回覆10/20/2009 18:49:00]南瓜親戚呀!!!!!  
     
    綠色咁得意? 我都未見過呢! 等妳炒出來及及先~~~~
     
     

    回覆刪除

訂閱： 發佈留言 (Atom)
Related Posts Plugin for WordPress, Blogger...