Rogano - 3rd Wedding Anniversary (2009年10月11日)

 今晚我同Mr.T 結婚3週年，去咗我地最鍾意既餐廳 - Rogano 食晚餐......(我個頭發光，係因為後面有個蠟燭! )

 Rogano 係蘇格蘭歷史最悠久既海鮮餐廳! 始於1935年~

 Rogano 位於Glasgow 中心地帶 - Exchange Place~

 每人有2個complimentary canapes - 唔知smoked trout 乜鬼 & lentil and vegetable soup~

 我既頭盤 - 6 Irish Rock Oysters~ (稍嫌瘦蜢蜢咗少少，不過好新鮮! )

 老公去親Rogano 都必點既頭盤 - Rogano 招牌Fish Soup~ (又確係非常咁鬼好味既!!! )

到主菜嘞......

 我去親Rogano 都必點既主菜 - Lobster Thermidor~ 必食招牌菜!
 味道十年如一日咁好味!!! 不過價錢貴咗 + size 好似細咗.......

 早10年左右，龍蝦喺Glasgow 既海鮮餐廳並不如今日咁普遍!

就算好多出名打正海鮮餐廳招牌既地方e.g. Gamba，想食龍蝦就要訂位時向餐廳預訂，而且未必一定有.....當時唯獨Rogano 既餐牌上長期有龍蝦供應!

記得多年前同老公第一次去Rogano 食飯，老公問向我地落order 既女經理: 今日有無龍蝦?

女經理一臉自豪咁回答: 就算其他餐廳無，我地都一定會有龍蝦供應!

 老公既主菜 - Monfish Wrapped in Parma Ham~ (好味!!! 尤其係個汁~~~~)

 另加一個side order 菜~ 我一定要食菜! 

 "快d影啦~ 我好想食呀!!!"

如常skip 咗我唔食既甜品埋單走人~ 今朝起身我已咳到七彩，食完幾隻生蠔仲加咳到飛起!!!! 趕返屋企食咳藥水......

Halloween 都未到.....

 不過Glasgow City Centre 已開始掛起聖誕燈飾~~~

 路經Art Gallery 門口既騎士statue，長期比人笠上修路雪糕筒!

我來咗咁多年，幾乎無見過依個statue 既正常樣...... 據聞每次將雪糕筒攞返落來唔夠一陣，好快又會有人放返另一個上去!  (佢地去邊度搵個雪糕筒返來既呢??? )


同場加映......

 3年前朋友送比我地其中一份結婚禮物 - Q Doll~

連送禮既朋友都覺得公仔唔似我 + 老公......(我 + 老公都係雙眼皮架嘛!!! )

另有朋友覺得個女公仔似張柏芝 ; 而個男公仔竟然似我個ex!  (啋~~~)