蓮藕熟地排骨湯; 鹵水鴨; 韭菜蝦仁炒蛋 & 蒜蓉炒Spring Greens
最近Yahoo 好鬼多問題，搞到我都無乜心機寫blog........
記得好細個時隔離屋aunite 煲過生熟地煲土伏芩，初時見到d湯黑忟忟覺得好怪~ 但飲落又覺得好好飲喎!!!
後來見到依度中式超市有熟地片賣，不過無生地又無土伏芩，唔知可以點煲.......於是上網做吓research，原來可以用來煲蓮藕~~~
突然好想食潮州打冷鹵水鵝!!!! 但依度買唔到鵝，不過就算買到都食唔哂啦......於是用鴨仔來代替，一樣好食~~~ 同潮州鹵水鵝片差唔多!
連續幾星期都買咗韭菜 - 因為想包餃子! 不過個個星期都唔得閒包 / 太懶無包到，韭菜又唔擺得耐......所以個個星期都要唸方法煮咗包韭菜!
蓮藕熟地排骨湯食譜click here~ 鹵水鴨食譜click here~ 韭菜蝦仁炒蛋(參考食譜)click here~
韮菜可以整咸薄罉呀
回覆刪除[版主回覆11/02/2009 06:25:00]鹹厚薄罉都幾好喎! 不過應該當小食? 好似唔啱用來送飯.....
我地係唔煮飯，當飯食 上兩個星期我媽咪先自己煎，叫我唔好煮飯
回覆刪除[版主回覆11/02/2009 17:33:00]OIC~ 咁可以用來做早餐或light lunch 喎! 等我搵次試吓先~ 連續食咗幾個星期韭菜，今個星期冇買嘞~~