龍脷葉無花果煲瘦肉; 茄汁豬扒; 蜆肉炒蛋; 西蘭花炒肉片 & 烚鹹蛋
正喺度唸緊煲咩湯.......開始有兩聲咳，又係龍脷葉出馬既時候!
擺烏龍 1: 即時喺冰格攞舊瘦肉出來溶雪煲湯，不過唔知做乜鬼我竟然攞咗2舊瘦肉出來溶雪......
溶完雪我望住2舊瘦肉唸: 我溶2舊咁多來做乜呢?
唔溶都溶咗，當然唔可以再雪返佢啦!!
依個時候比我喺雪櫃搵到包尋日到期既tenderstem 西蘭花，就用一舊瘦肉來切片炒西蘭花啦~~~~
擺烏龍 2: 平時會用蜆肉來煎蛋，因為有少少咳唔想食咁熱氣，所以今次唸住用來蒸水蛋......
之前蒸過好多次水蛋，都係用鑊隔水來蒸; 尋晚第一次用電蒸爐來蒸，估唔到望少陣就起哂大波波!
而且唔知係咪尋晚我溝蛋液溝得唔好，蒸咗好耐裡面仍然係生蛋液!!! 最後唯有將蒸到半生熟，而且蒸得好核突既蜆肉蛋，倒落鑊炒熟佢......
因為加咗清雞湯來溝蛋液，所以今次炒出來既蛋唔會乾身，而且無咁熱氣~ surprisingly 仲另有一番風味幾好味呢!! 都算錯有錯著~~~
不過下次都係用返個鑊來蒸水蛋.........
龍脷葉無花果煲瘦肉食譜click here~ 茄汁豬扒(參考食譜)click here~ 蒸水蛋(參考食譜)click here~ 西蘭花炒肉片食譜click here~
乜西花咁架咩?我睇黎睇去都覺得佢似菜心or芥蘭多d喎...定係我眼花呀?碟蛋都唔係好差姐,望落都好似幾好味
回覆刪除[版主回覆10/10/2009 22:05:00]依隻係tenderstem 西蘭花來架! 味道其實同普通西蘭花冇乜分別，不過價錢貴過普通西蘭花好多; 個菜梗長好多好有咬頭，而且甜d! 依種西蘭花另外仲有一種係紫色架~
碟蛋係意外之作來~ 講真又真係幾好食喎! 同普通蜆肉炒蛋唔同風味!
你講我好似有見過,但我依個大鄉里真係未試過,唔知依邊有冇機會食到呢?
回覆刪除[版主回覆10/10/2009 22:23:00]依隻西蘭花唔係成日都有架，間中超市先有得賣~ 所以冇食過都唔出奇!
嘩嘩嘩! 好開心你幫我<升呢>做blog友呀!
回覆刪除我上個月真是<升呢>做大姑拉啦!
但由於女家有個家姐在這個新家庭中我多左個姐姐!
下次不如試下把蒸水蛋變做水豆腐蒸魚肉, 可以健康D!
[版主回覆10/12/2009 06:50:00]妳升呢咗做blog 友好耐咯喎!
恭喜妳做咗人大姑奶~~~ 連妳弟婦個姐姐關係都咁密切，係好事啊! 人夾人緣，要珍惜依種緣份啊~~~
妳個提議幾好~ 不過依度買唔到水豆腐 + 魚肉.......
我之前係人地個blog都叫過呢隻西爛花啊
回覆刪除我勁想買o黎試,可惜香港搵唔到
我係西爛花痴o黎嫁
[版主回覆10/12/2009 06:45:00]咁依隻西蘭花又唔係罕有到只應天上有.....
妳試吓去西式超市搵吓!
嘩!兩個人咁多餸! 唔冼食飯都得啦!
回覆刪除[版主回覆10/12/2009 06:44:00]我係飯人來喎! 冇飯食唔落餸架~~~~~
龍脷葉煲湯真係幾好，妳咳記住唔好食咁多生冷野！
回覆刪除[版主回覆10/12/2009 06:41:00]龍脷葉止咳真係好好! 不過我尋晚食咗KFC.....今晚又食咗生蠔......而家咳到九彩!!!!
你2個人食咁多餸 .... 你 hon 梗係幫你清哂啦 ~~
回覆刪除[版主回覆10/12/2009 06:40:00]我地為食嘛......
其實好多時都會食剩一兩樣餸，不過第二朝我會lunch 食埋佢囉!
你地既晚餐真係好豐富呀~~~~~其實你地係咪次次都食得曬架?
回覆刪除[版主回覆10/12/2009 06:38:00]依度買餸唔似得香港可以要幾多買幾多嘛! 好多野都係一早pack 好哂一盒盒.......唔想放咁耐咪一野煮鬼哂佢囉~
我地又為食.......不過好多時都會食剩一兩樣餸~ 但我第二日會做lunch 食埋佢! 所以係食得哂架!
龍脷葉止咳的....不過如果可以就煲 川貝...好見效GA...
回覆刪除[版主回覆10/12/2009 06:36:00]龍脷葉止咳真係好好架! 飲咗本來好返好多架嘞......
不過尋晚我衰多口去睇戲前食KFC!!! 搞到今朝一起身反而惡化咗~~~~
我聽日會煲返川貝.......
蒸野都係用返全統d既方法好
回覆刪除[版主回覆10/12/2009 06:33:00]我都覺得係! 因為電蒸籠冇得較大細火........我下次會用返個鑊來蒸~
咁你呢日既晚餐全部都係擺烏龍煮出嚟
回覆刪除又有板有眼喎
[版主回覆10/12/2009 17:26:00]咁又不至於係全部! 個湯、豬扒 + 鹹蛋咪係預期所料囉~ 只係個蛋 + 西蘭花肉片完全變哂樣......