一個人重量級brunch - 2009年10月22日

唔知係我 + 老公越來越大食; 還是我煮飯餸份量越來越準確?

平時煮親三餸一湯，多數點都會食剩一個餸少少 - 咁就啱啱好留返比我第二日做lunch 清埋佢嘞~~~

不過最近無論煮親乜野都幾乎餐餐清!!!! 

好似尋晚咁 - 整咗6大塊豬扒，另加韭菜花炒蛋 + 炒菠菜~ 之前老公話會留返1塊豬扒比我今日做lunch......點知最後佢都係清哂所有豬扒!!!

搞到我依排日日都要唸lunch 食乜鬼......

 今朝無食早餐，所以晏少少時整咗個brunch~

 有特厚火腿扒; 雙黃煎雙蛋; 再加杯香濃港式奶茶! 正~~~~~
煎雙黃雞蛋真係好鬼正~~~

啱哂鍾意食蛋黃多過蛋白既我! 不過有4隻蛋黃啊.......

 依隻喺Tesco 買既超厚火腿扒，要煎好鬼耐先熟......

 足足有1.5cm 厚，包裝上指引話最少要煎16-20分鐘!!!!

 火腿扒煎起上來會收縮，好似無咗一大忽咁.....不過仍然好鬼厚好鬼大塊!!!

份量就十足嘞~ 不過火腿扒唔夠鹹，味道只係麻麻......