2009年10月13日星期二

自製鹹蛋 - 鹽水浸製法

早幾日有網友問我 - 有無試過自己整鹹蛋?

我一直覺得自己整鹹蛋唔化算,因為中式超市鹹蛋約£3.8X一盒 (一盒6隻約$50); 而超市既新鮮鴨蛋大約£3一盒~  自己整又要花時間醃製,倒不如買現成鹹蛋來得方便!

屋企鹹蛋存貨無哂; Weekend 去中式超市又忘記咗買......於是今日戚起條筋,決定嘗試自己整鹹蛋! 



一直都見到Tesco 有鴨蛋賣,早排我都買過一次來煎蠔餅~

點知今日去Tesco 時,先發現佢地唔再賣鴨蛋!!!!
6093-1315447310.gif image by veronica_tsim因為無demand 喎......._077.gif image by veronica_tsim

 唯有買咗盒"加大"雞蛋來代替鴨蛋~
 頂! 返到屋企先發現有一隻爆鬼咗!!!!! 6133-1315447357.gif image by veronica_tsim


6123-1315447284.gif image by veronica_tsim本來我想試吓比較少人用既乾身"裹鹽法"......不過蛋包咗鹽後要曬曬太陽,但今日天陰陰無乜陽光,所以今次用返較普遍既"鹽水浸製法"~

開始整嘞! 醃6隻鹹蛋......6130-1315447353.gif image by veronica_tsim


1. 先將鴨蛋 / 雞蛋洗乾淨,徹底瀝乾。
盒蛋有1隻爆咗,所以我用隻早幾日買既雙黃雞蛋補上! 反正我鍾意鹹蛋黃多過鹹蛋白~~~ 唔知雙黃鹹蛋會係點既呢?6124-1315447306.gif image by veronica_tsim


2. 我用既水 + 海鹽比例為7:2~ e.g. 700ml 水, 200ml 海鹽;

6151-1315447349.gif image by veronica_tsimP.S. 網上research 時,發現各人水 + 海鹽比例都唔同! e.g. 4:1, 6:1, 3:1......今次我採取中位數3.5:1 (即7:2)

3. 將水、海鹽和1湯匙花椒拌勻煮滾後,離火放涼。

4. 待(3)的鹽水全涼後,用滾水將醃浸鹹蛋的容器內外消毒。

5. 將鴨蛋 / 雞蛋完全擦乾後,整個蛋先沾上一層紹興酒。

6. 小心將蛋放入容器內,倒入(3)的鹽水,再加入3湯匙紹興酒。


7. 關蓋密封,並標明醃製日期; 置於常溫下醃浸3至4星期即成生鹹蛋。



_342.gif image by veronica_tsim 提提你NOTE:

- 鹽水一定要蓋過全部蛋;

- 醃浸完畢後試味,如認為夠味就要取出其餘鹹蛋,抹乾放進雪櫃保存~ 不然蛋會過鹹;

- 買雞蛋時保留一個雞蛋紙盒,可作保存鹹蛋之用 ; 鹹蛋可存於雪櫃約1個月。
啱啱今日先醃,但我已好鬼心急!!!!  6178-1315447290.gif image by veronica_tsim
一個月後再向大家報告鹹蛋成果!



28 則留言:

  1. Gaileは林家歐巴桑2009年10月13日 下午6:35

    依個合晒我何車啦,真係幫我一個大忙喇...事關我依邊d鹹蛋全部都係熟架,真係超騎呢,完全搵唔鬼到生既鹹蛋,睇到你教即刻要出去買返10零隻鴨蛋返黎整先,等幾個weeks都冇所謂 最重要有得食
    [版主回覆10/14/2009 18:55:00]吓? 熟既鹹蛋咁搞笑???? 真係好騎呢喎!
     
    快d開工,等睇妳製成品!!!! 我都要再搵吓鴨蛋,用第二個方法醃~~~
     
     

    回覆刪除
  2. (Empty)
    [版主回覆10/14/2009 18:50:00]Thank you and welcome!
     
     

    回覆刪除
  3. ☜♡ 肥貓♡☞2009年10月13日 下午6:39

    嘩, 你真係好勁呀! 鹹蛋都自製, 我相信一定好好味!!! 等你個成果呀!
    [版主回覆10/14/2009 18:52:00]好易整之嘛! 勁乜鬼....
     
    我都希望會好食啦! 始終我覺得唔係鴨蛋,好似會爭少少......
     

    回覆刪除
  4. 我都好鬼心急呀
     
    鴨蛋煎蠔餅真係正好多,冇鴨蛋賣真係可惜
     
    妳嗰邊啲咸蛋咁貴既,香港想整個經濟又好味既家常便餸梗係咸蛋蒸肉餅,係妳嗰邊變咗貴價餸
    [版主回覆10/14/2009 18:49:00]我都係聽網友講話鴨蛋煎蠔餅好食d~ 不過我 上次用鴨蛋來煎,反而覺得鴨蛋好杰身,煎出來好乾,我覺得雞蛋好食d啊! 不過可能係我唔識煎,所以煎得唔好.......
     
    我冇同妳講過咩? 係架~ 依度鹹蛋 + 皮蛋都好鬼貴架!! 鹹蛋都話可以自己整,皮蛋就真係唔識嘞! (識都唔敢整啦~~)
     
    我唸住再試吓搵鴨蛋,下次用另一方法來醃!
     
     

    回覆刪除
  5. 嘩...你連鹹蛋都整埋...唔夠你玩! 不如..你自己試下整炸魚皮啦!
    上次返左長洲食飯...幾經辛苦終於比我揾到偉記...原來佢係個大排檔的中間...揾死我...我行左一個圈...之後先之入面都仲有...都幾好食...不過唔夠鹹...
    我整左雞批 仲加多左芝士磨菇火腿粒批...超好味...
    我今晚出發去韓國(4日3夜)...返來先寫blog
    [版主回覆10/14/2009 18:38:00]依度冇魚皮賣!
    我又覺得偉記夠鹹喎,不過個個人口味唔同~
    玩得開心d!
     
     

    回覆刪除
  6. haha ...你連咸旦都自己整 .. 期待你既報告 ~~~
    [版主回覆10/14/2009 18:28:00]本來都冇打算整架.......突然戚起條筋!
     
     

    回覆刪除
  7. 我都見人整過,不過叫我自己整,我就真係唔會!!因為香港D咸蛋咁鬼平,唔洗自己整得咁辛苦,不過我好期待一個月後既咸蛋呀!!!
    [版主回覆10/14/2009 18:25:00]雖然香港乜都有d野又平,不過自己整會好有滿足感喎!
     
    等一個月睇吓效果如何,我想再試吓搵鴨蛋,用另一個方法試~
     
     

    回覆刪除
  8. Gaileは林家歐巴桑2009年10月14日 上午4:11

    我仲特登叫街市賣鹹蛋既人幫我留,點知條友第日同我講話冇生既(大佬呀,幾隻唔攞去烚咪有生架囉,咁都唔幫我)真係俾佢玩死,我今日出去買左10隻返黎,入落樽只係入到9隻,點知+鹽水時有一隻俾我禁到有少少爆,最後我只係醃到8隻咋...下次要買個大d既樽先!你快d教我第二個方法啦,我真係好鬼決鹹蛋,次次滾芥菜只係用雞蛋咋,我唔想再過熟生鹹蛋既日子
    [版主回覆10/15/2009 20:21:00]係咪條友返貨時已經係熟咗架嘞??
    鍾意食都要適可而止呀,因住膽固醇過高呀!
    妳加鹽水時爆咗呀? 咁蛋白有冇流咗落d鹽水度呀? 如果有既話,要再煮過d鹽水果喎! 如果唔係鹽水會變質架!!!!!
     
     

    回覆刪除
  9. 我都好心急睇妳整既鹹蛋,唔知點解好緊張
    [版主回覆10/15/2009 20:18:00]因為妳為食囉!
     
     

    回覆刪除
  10. 你好叻,鹹蛋都可以自製,祝你成功
    [版主回覆10/15/2009 20:16:00]多謝~
     
     

    回覆刪除
  11.   真係唔讚妳都唔得  鹹蛋妳都咁有心機去醃同介紹得咁detail.......期待妳嘅製成品 .........
    [版主回覆10/15/2009 20:11:00]多謝讚賞~~~~
     
    依度乜鬼都貴嘛! 而且鹹蛋又唔係度度都有得賣.....雖然如果用鴨蛋來醃,價錢都係差唔多,不過如果雞蛋醃出來都好食既話,就唔洗再食貴鹹蛋嘞!
     
     

    回覆刪除
  12. 咩咁岩ge...我都整左...不過仲未post... 我放左少少玫瑰花ga... 今晚steam隻一陣post比你睇ccc
    [版主回覆10/15/2009 20:09:00]係? 又會咁鬼啱既~~~ 啱啱醃好咗呀?
    妳加咗玫瑰花.....係咪跟阿蘇整架?
    一陣去妳果左邊及及~~~~
     
     

    回覆刪除
  13. 我無耐性呀, 要等一個月 ,我0願買。
    我祝你成功, 等你post  D相比我哋睇!!!
    [版主回覆10/15/2009 20:07:00]Thanks~ 依度唔係周圍有得賣鹹蛋嘛,一時唔記得賣就冇得食......而且自己醃又平少少~~~
     
     

    回覆刪除
  14. 我 唔係跟 阿蘇整架, 我上網亂咁search ge... 食飯先...一陣post上去比你睇唷...
    [版主回覆10/15/2009 21:59:00]OIC~ 因為我上網research 時,見過其他人加玫瑰花,果個人話係跟阿蘇整~~~~
     
     

    回覆刪除
  15. 鹹蛋都自己整...你老公唔係成日試好多製成品囉...好可憐!
    [版主回覆10/15/2009 21:58:00]如果依度好似香港咁周街都有鹹蛋賣 + 好似香港咁平既話,我都唔會自己整~
     
    若製成品成功,有得食又可以慳錢,如何可憐之有? 託賴我既製成品大部份都係成功~ 我老公話好enjoy 喎!
     
     

    回覆刪除
  16. Gaileは林家歐巴桑2009年10月15日 上午6:28

    咁又冇漏出黎,只係個殼俾個蓋禁爆少少,我即時攞佢出來,冇事放心!我梗係唔會日日食啦,鐘意只係有時滾湯用姐
    [版主回覆10/15/2009 21:54:00]無爆就得嘞~  下次一係醃少隻; 一係搵個大d既樽來醃嘞!
     
    我搵到另一間有鴨蛋賣既超市! 不過依間遠少少,我weekend 先去買~ 到時再用示範另一個方法醃!
     
     

    回覆刪除
  17. 工作不太開心!!! 每天靠你的blog 支持住, 因你成日好鬼開心, 真羨慕

    回覆刪除
  18. 乜原來唔駛整熟d蛋先架?
    咁整好大約可以放幾耐呀

    回覆刪除
  19. 係喎,諗唔起添,haha
    thanks!

    回覆刪除
  20. 5. 將鴨蛋 / 雞蛋完全擦乾後,整個蛋先沾上一層紹興酒。
    唔多明白這程序?  咁 整個蛋先沾上一層紹興酒 , 要再等幾耐先放入 ---容器內?
    [版主回覆03/01/2011 20:47:00]沾完酒可以即時入樽 + 加涼咗既鹽水浸架嘞~
     
     

    回覆刪除
  21. 我跟你整了一樽浸鹹蛋,
    咁浸完的鹽水, 仲可唔可以再繼續用檬浸鹹蛋??
    定係每次, 都要重新用新的鹽去浸呀?

    回覆刪除
  22. Mrs T hello!! 我40日跟你嘅方法浸左六隻鹹蛋, 今日啱啱記得開左黎試味...點知蛋白仲係液體啊!! 但係蛋黃就幾實!...係唔係要先煮熟啲蛋架?? 諗極都唔明,我明明跟足晒啲步驟去做....超失望啊! 於是我襟返果蓋諗住咁多幾日!mrs T, 你有冇補救辦法啊?
    [版主回覆11/20/2012 07:56:52]你有無煮熟隻鹹蛋先試味呀?
    用生鴨蛋來醃,醃好後要煮熟先食得架!

    回覆刪除
  23. Thank u for replying r!!!
    我用普通生既雞蛋Jà...,係咪即係用水煲熟佢先食得?
    咁煮熟左先醃or生醃好d ar??
    [版主回覆11/20/2012 20:29:33]要生醃,唔係熟醃~ 雞蛋鴨蛋都得!
    醃好後用水喉水沖吓隻蛋,煲飯時將隻蛋放喺飯面一齊煲飯,飯熟隻蛋就熟架嘞!

    回覆刪除
  24. 好開心呀!!成功左!!鹹度適中
    最後重有一個問題....我一次過煮熟哂d蛋....=_=" 好似應該係未煮..抹乾佢之後擺入雪櫃呀何...唔知仲有冇得救呢?
    [版主回覆11/21/2012 21:29:30]你已經煮咗定未煮?
    如果已煮熟,放入雪櫃保存,食時攤吓佢唔需要再整熱都得~
    不過下次唔洗煮熟,抺乾就可以放雪櫃,食時先煮!

    回覆刪除
  25. 失敗左, 浸左一星期唔知點解 d 雞蛋穀全部裂了, 但蛋白又唔流出來, 唯有再試
    [版主回覆07/17/2013 17:33:49]裹鹽法方便好多,不過我覺得浸製法味道好d + 成功率高好多!
    [ck回覆07/17/2013 12:31:44]tks 包裹法個2隻雞蛋好靚, 有蛋黃油, 不過醃左 1個月唔鹹的, 下次要用多 d 鹽.
    [版主回覆07/17/2013 00:33:08]全部裂哂????? 會唔會係你個樽唔夠大塞得太迫呀?
    如果買到新鮮鴨蛋最好用鴨蛋,一來鴨蛋比較厚殼,二來鴨蛋水份較少,醃出來效果好好多架! 加油啊~

    回覆刪除

Related Posts Plugin for WordPress, Blogger...