2. 當歸片和紅棗洗淨瀝乾。
3. 牛腱完件汆水後，瀝乾切小塊。
4. 將所有材料放入燉盅內，再放入生薑2片，加進滾水適量，蓋上蓋並用濕紗紙將蓋邊封密。
5. 隔水燉3小時即成。
依個係我喺香港時，V媽媽間中會整比我食既補品~
不過V媽媽話依個男人唔可以食!
我又無紗紙......所以用濕廚房紙來代替紗紙~~~
當歸是傘形科多年生草本植物，性溫味甘辛，有補血活血之效~ 能增加血液循環、產生新血、調經止痛，對於一切之血氣衰弱病症，最為見效。
今次我第一次整，我唸應該係我加得太多水，香味好夠，但湯味道淡咗少少~ 只有V媽媽既7成味道......
夜媽媽睇你個BLOG 會肚餓架~你整"親"都係色香味俱全~我係個電腦到都嗅到好香呀!
回覆刪除[版主回覆10/02/2009 05:18:00]下次食飽咗先入來嘛!
呢個真係好滋補呀~ 又補血~ 正!!!!
回覆刪除[版主回覆10/02/2009 05:20:00]依度天氣開始涼嘞~ 我一向血氣不足，腳仔會凍! 希望補完後有改善啦~~~
係呀~你可以用包腸粉D布代紗紙架~
回覆刪除[版主回覆10/02/2009 05:22:00]我塊腸粉布質地太厚太硬........不過妳提醒咗我 - 我下次可以用豆漿隔渣布! thanks very much~~~
嘩。。好補wor真係﹗
回覆刪除"用濕廚房紙來代替紗紙"﹐你係得既﹗
[版主回覆10/02/2009 17:52:00]質地差唔多啫~ 整到就得啦!
燉羊比牛腱更好更滋補, 而且冇牛咁 "燥", 一樣都咁好飲, 你下次試下AR (如果你食羊的話)
回覆刪除[版主回覆10/02/2009 17:51:00]我食羊~ 不過一定要香口惹味，蓋咗陣"蘇"味先食得落! 就咁清燉我唔係好敢.......
贊同二寶寶嘅講法︰ 夜媽媽睇你個BLOG 會肚餓架~你整"親"都係色香味俱全.......
回覆刪除[版主回覆10/02/2009 17:49:00]哈哈~~~~ 過獎嘞!
你都好識補喎...以前聽朋友講過...女人月事完後...煲返D當歸南棗+雞蛋(雞)飲對身體好好架....但我好懶好少整黎飲...
回覆刪除[版主回覆10/02/2009 17:41:00]係呀~ 尤其我有經痛，聽人講食少少當歸會有幫助!
妳講果個當歸紅棗雞蛋係咪甜架?
中秋節快樂!!!
回覆刪除[版主回覆10/02/2009 17:37:00]Thanks~ 中秋節快樂!
無當歸、改用当参可以嗎？
回覆刪除[版主回覆10/02/2009 17:36:00]有時當歸會同黨參一齊同燉，兩者都係補氣補血~ 不過如果真係無當歸，可以試吓加埋 北茋 + 圓肉!
未到冬天就進補啦
回覆刪除不如下次返香港買個ransonic既電燉盅呀，都幾好用架
[版主回覆10/02/2009 17:31:00]我地依度天氣開始涼嘞，最近我d腳仔有少少凍凍地......
以前係英國時每個月都會燉當歸飲，媽咪order!但返到香港就懶冇飲lu
回覆刪除估唔到細個時成日補到大個就唔識補
[版主回覆10/05/2009 05:29:00]其實當歸唔應該太細開始食架! 因為當歸有好高女性賀爾蒙~ 聽過有媽媽比個女細個開始補，個女10歲就開始發育!!! 太早嘞~~~~
嘩!!睇到都好想飲呀,肯定好好味,我好鍾意飲燉湯架,仲要紅棗好有益架,岩呢我地D女仔呀,我而家都會叫媽媽煲紅棗藍棗水飲,可以補血,正呀!!我生完阿女果排真係日飲夜飲架~~
回覆刪除祝Mrs T & Mr T 中秋節快樂呀~~~~~~~~~~~
[版主回覆10/05/2009 05:26:00]Thank you~~~ 祝妳一家中秋節快樂!
甜既補血食物 / 飲品唔多啱我~ 所以都係整d鹹既! 如果唔係冇得補.......
中秋節快樂
回覆刪除[版主回覆10/05/2009 05:24:00]Thank you~ (哈哈~~~~ 好似交換禮物咁! )
(Empty)
回覆刪除[版主回覆10/05/2009 05:23:00]Thank you~ 中秋節快樂!
仲乜你咁滋補～仲要加埋牛腱，整煲燉野嚟嘆～哈，這煲滋補燉品的確唔太適合男士食架，因為男士食左後真係太補喇！
回覆刪除[版主回覆10/05/2009 05:21:00]依度天氣開始涼嘞嘛~ 我可能血虛，一到冬天手腳冰冷 + 好鬼懶~~~ 以前喺香港有V媽媽燉比我食; 而家咪要靠自己囉.........
V媽媽都叫我唔好比老公食~ 我都怕老公食咗會流鼻血......
吾係甜架..你可以加糖又得..加鹽又得..隨你自己口味...
回覆刪除你吾想有經痛..咪生個BB出黎...聽人講..生完BB吾怕有經痛架....我都覺係...生完後都無經痛....HAHA
[版主回覆10/05/2009 05:19:00]有牛肉既就緊係鹹架啦! 加糖好怪喎........
妳講既方法唔一定work 架! V媽媽生完我之後咪又係每逢來料時都痛~~~~
男人食當歸會點架?我知當歸對女人好,但唔知男人唔可以食當歸...因為我同老公都勁鐘意食台灣既當歸鴨麵,勁好食,所以我老公都食左唔少當歸喎,快d話我知男人食左會點啦
回覆刪除[版主回覆10/05/2009 05:17:00]八婆~~~ 中秋節快樂呀! 有冇食月餅呀? (不過我睇妳喺大陸都係唔敢食架嘞.... )
erm.......當歸之所以對女人好，係因為含有好高既女性賀爾蒙! 所以男人唔應該食囉........ 妳都係叫妳老公唔好食嘞!!!!
呢個我媽媽自己成日食架﹐一煲就一陣藥味。 不過我唔知道原來男人唔食得架﹌
回覆刪除[版主回覆05/25/2010 20:17:00]妳唔鍾意食依個架? 我好鍾意呀! 今晚去買牛腱聽日燉返盅先~
V媽媽話男人唔好食咋! 但我好似見好多男人都照食......