2009年10月10日星期六

二人世界擺烏龍四餸一湯 - 2009年10月9日 (附食譜)



龍脷葉無花果煲瘦肉; 茄汁豬扒; 蜆肉炒蛋; 西蘭花炒肉片 & 烚鹹蛋

正喺度唸緊煲咩湯.......開始有兩聲咳,又係龍脷葉出馬既時候!

擺烏龍 1: 即時喺冰格攞舊瘦肉出來溶雪煲湯,不過唔知做乜鬼我竟然攞咗2舊瘦肉出來溶雪......
溶完雪我望住2舊瘦肉唸: 我溶2舊咁多來做乜呢?_2020.gif image by veronica_tsim

唔溶都溶咗,當然唔可以再雪返佢啦!!  依個時候比我喺雪櫃搵到包尋日到期既tenderstem 西蘭花,就用一舊瘦肉來切片炒西蘭花啦~~~~_2071.gif image by veronica_tsim


擺烏龍 2: 平時會用蜆肉來煎蛋,因為有少少咳唔想食咁熱氣,所以今次唸住用來蒸水蛋......

之前蒸過好多次水蛋,都係用鑊隔水來蒸; 尋晚第一次用電蒸爐來蒸,估唔到望少陣就起哂大波波!_1651.gif image by veronica_tsim 而且唔知係咪尋晚我溝蛋液溝得唔好,蒸咗好耐裡面仍然係生蛋液!!!
 
最後唯有將蒸到半生熟,而且蒸得好核突既蜆肉蛋,倒落鑊炒熟佢......_1354.gif image by veronica_tsim

變咗一碟咁既蜆肉炒蛋!

因為加咗清雞湯來溝蛋液,所以今次炒出來既蛋唔會乾身,而且無咁熱氣~ surprisingly 仲另有一番風味幾好味呢!! 都算錯有錯著~~~_1344.gif image by veronica_tsim

不過下次都係用返個鑊來蒸水蛋.........

 茄汁豬扒做法同茄汁排骨相同,食譜請參考茄汁排骨~

 龍脷葉無花果煲瘦肉食譜click here~

 茄汁豬扒(參考食譜)click here~

 蒸水蛋(參考食譜)click here~

 西蘭花炒肉片食譜click here~



11 則留言:

  1. Gaileは林家歐巴桑2009年10月10日 上午5:45

    乜西花咁架咩?我睇黎睇去都覺得佢似菜心or芥蘭多d喎...定係我眼花呀?碟蛋都唔係好差姐,望落都好似幾好味
    [版主回覆10/10/2009 22:05:00]依隻係tenderstem 西蘭花來架! 味道其實同普通西蘭花冇乜分別,不過價錢貴過普通西蘭花好多; 個菜梗長好多好有咬頭,而且甜d!  依種西蘭花另外仲有一種係紫色架~
     
    碟蛋係意外之作來~ 講真又真係幾好食喎! 同普通蜆肉炒蛋唔同風味!
     
     

    回覆刪除
  2. Gaileは林家歐巴桑2009年10月10日 上午7:19

    你講我好似有見過,但我依個大鄉里真係未試過,唔知依邊有冇機會食到呢?
    [版主回覆10/10/2009 22:23:00]依隻西蘭花唔係成日都有架,間中超市先有得賣~ 所以冇食過都唔出奇!
     
     

    回覆刪除
  3. 嘩嘩嘩! 好開心你幫我<升呢>做blog友呀!
    我上個月真是<升呢>做大姑拉啦!
    但由於女家有個家姐在這個新家庭中我多左個姐姐!
    下次不如試下把蒸水蛋變做水豆腐蒸魚肉, 可以健康D!
     
     
    [版主回覆10/12/2009 06:50:00]妳升呢咗做blog 友好耐咯喎!
     
    恭喜妳做咗人大姑奶~~~ 連妳弟婦個姐姐關係都咁密切,係好事啊! 人夾人緣,要珍惜依種緣份啊~~~
     
    妳個提議幾好~ 不過依度買唔到水豆腐 + 魚肉.......
     
     

    回覆刪除
  4. 我之前係人地個blog都叫過呢隻西爛花啊
    我勁想買o黎試,可惜香港搵唔到
    我係西爛花痴o黎嫁
    [版主回覆10/12/2009 06:45:00]咁依隻西蘭花又唔係罕有到只應天上有.....
    妳試吓去西式超市搵吓!
     
     

    回覆刪除
  5. 嘩!兩個人咁多餸! 唔冼食飯都得啦!
    [版主回覆10/12/2009 06:44:00]我係飯人來喎! 冇飯食唔落餸架~~~~~
     
     

    回覆刪除
  6. 龍脷葉煲湯真係幾好,妳咳記住唔好食咁多生冷野!
    [版主回覆10/12/2009 06:41:00]龍脷葉止咳真係好好! 不過我尋晚食咗KFC.....今晚又食咗生蠔......而家咳到九彩!!!!
     
     

    回覆刪除
  7. 你2個人食咁多餸 .... 你 hon 梗係幫你清哂啦 ~~
    [版主回覆10/12/2009 06:40:00]我地為食嘛......  
     
    其實好多時都會食剩一兩樣餸,不過第二朝我會lunch 食埋佢囉!
     
     
     
     

    回覆刪除
  8. 你地既晚餐真係好豐富呀~~~~~其實你地係咪次次都食得曬架?
    [版主回覆10/12/2009 06:38:00]依度買餸唔似得香港可以要幾多買幾多嘛! 好多野都係一早pack 好哂一盒盒.......唔想放咁耐咪一野煮鬼哂佢囉~
     
    我地又為食.......不過好多時都會食剩一兩樣餸~ 但我第二日會做lunch 食埋佢! 所以係食得哂架!
     
     

    回覆刪除
  9. 龍脷葉止咳的....不過如果可以就煲 川貝...好見效GA...
    [版主回覆10/12/2009 06:36:00]龍脷葉止咳真係好好架! 飲咗本來好返好多架嘞......
     
    不過尋晚我衰多口去睇戲前食KFC!!! 搞到今朝一起身反而惡化咗~~~~
     
    我聽日會煲返川貝.......
     
     

    回覆刪除
  10. 蒸野都係用返全統d既方法好
    [版主回覆10/12/2009 06:33:00]我都覺得係! 因為電蒸籠冇得較大細火........我下次會用返個鑊來蒸~
     
     
     
     

    回覆刪除
  11. 咁你呢日既晚餐全部都係擺烏龍煮出嚟
    又有板有眼喎
    [版主回覆10/12/2009 17:26:00]咁又不至於係全部! 個湯、豬扒 + 鹹蛋咪係預期所料囉~ 只係個蛋 + 西蘭花肉片完全變哂樣......
     
     

    回覆刪除

Related Posts Plugin for WordPress, Blogger...