無啦啦做乜又pat pat 痕買把刀呢?
其實...唔買係唔會對唔住自己既;
不過...唔買既話會覺得好蝕底咁囉!
我一向好鍾意用日本菜刀!!
貝印d廚具一向都幾貴! 一個細細戚風模喺香港都要2舊幾......
依把關孫六菜刀香港 + 台灣都約售400港紙，唔算太貴~
不過英國入口既日本野一向都好鬼貴!!
就好似依把菜刀，入口RRP係£85 (約$1100); 不過TK Maxx 現售£16.99 (約$220)......
換句說話 - 仲平過香港買!
仲有就係......
唔知邊間分店標錯價錢嘞?
不過人就係咁架嘞 - 我覺得£16.99 抵到爛!!
把刀仲未用未知咩料住!!?!
不過今日我洗刀時，竟然喺我不知情之下將塊海綿一開二......
買完把關孫六，去咗行另一間TK Maxx.......
我一直都好唔明 - 抹刀根本完全唔利，嚴格來講我甚至唔認為佢係一把刀來! 但唔知點解好多店都會將抹刀標明係利器?
因為依把"利器"，店員要求我出示ID証明我夠18歲......
不過早幾日睇雜誌見到個用新鮮粟米整既粟米周打湯好正
，所以最後都係買咗!
越喺英國住得耐，就越覺得購物方面開始越來越"先進"!!
>>>>>>>>>>>>>>>>>>>>>>>>>>>>>>>>>>>>>>>>>
滿足咗購物慾後，就要去滿足我個黑洞胃!
本來今個星期想去另一間酒店Crown Plaza 既dinner buffet，可惜我地想book 既時段已經fully booked~
但我又好鬼肚餓等唔到晏d......
哇~~~~~ 今餐我好厲害哇!!!!!!!!
原來火雞胸可以咁好食果喎!
肉浸喺cranberry sauce 裡面，又juicy 又軟，一d都唔乾! 所以我食咗2大塊......
(前面果個chocolate mousse 係老公既!
)不得了~ 不得了~ 塊almond cake 真係好好味~~~~~~
雖然我已經飽到上心口，不過我始終都攞咗第二塊......
我一向對甜品興趣不大，洋人甜品更加避之則吉!
但依塊唔太甜既almond cake 已經完全俘虜咗我既芳心~
我決定要挑戰依個almond cake!
(是日帶住已被滿足既購物慾 + 滿足到凸哂出來既胃部，滿足地返屋企!
)
今次真係身心康泰! 身體飽飽 , 心靈飽飽 !
回覆刪除[版主回覆08/24/2011 20:46:00]係呀~ 買又買得開心，食又食得飽飽! 二樂也~
嘿嘿, 買到那麼喜歡的東西, 就是最好呢~ 而且, 廚房用品是很誘人的~~~ 整個人開心, 就是最值得唷~ aiyo, 為什麼會不喜歡吃甜點? 那麼, 你做了almond cake之後, 要教大家做啊~~~~~ 我知道你一定會成功的
回覆刪除[版主回覆08/24/2011 20:44:00]無錯啊~ 我好享受shopping 既開心感覺呢! 而且我仲好享受買完野向老公誇獎一下自己買得幾抵幾精明~
我都唔知點解自己唔鍾意食甜野? 只係由細到大都唔鍾意! 老公話我係佢認識唯一一個唔鍾意朱古力又唔鍾意雪糕既女人喎~ 因為我唔嗜甜，所以我連水果都唔鍾意食呢! (但我好鍾意食菜!!)
而家research 緊almond cake 食譜~ 等下星期老公出trip 我就試吓整! 希望會成功啦~
嘩 呢日又真係買得開心 食得開胃
回覆刪除[版主回覆08/24/2011 20:36:00]內外都滿載而歸呢!
我啱啱打算買刀，貝印正正就係其中一個考慮既牌子~你都有買，咁即係真係好用啦~~
回覆刪除之前用孖人，竟然未到半年已經崩刀，仲要係崩後半部…好奇怪。
[版主回覆08/24/2011 20:35:00]依把關孫六仲未用，不過洗刀時已感受到把刀好鬼利，刀柄又幾好渣手~ 至於係咪真正好用就一定要用咗先知!
貝印d刀有好多個系列架~ 我之前用過"和寂"(Wasabi)，用來切粉葛都綽綽有餘! 見過CitySuper 有和寂賣，又唔太貴，有興趣去睇吓吖~
我留意到香港賣既孖人牌價錢有平有貴，貴既係標明德國製造，而平既就無! 所以我懷疑佢地有部份刀唔係德國製造咁平!
其實孖人都唔錯，不過我暫時用過最好既刀始終係日本Global 具良治! 而斬刀最普通既大陸菜刀就最好用，崩刀都唔會心痛! (心思思想買把陽江十八子斬刀體驗吓......)
洗刀時，竟然喺我不知情之下將塊海綿一開二...... ---> 要小心呀，Mrs T！
回覆刪除有咁多刀，你係咪好享受切o野過程的人？我自己就是，看著整塊的食材切慢慢被分解得細細整整齊齊，好有滿足感！哈哈，我家姐笑我怪！
btw, buffet的食物好豐富~
~88
[版主回覆08/24/2011 19:38:00]Thanks 你或我! 我真係無唸過把刀竟然利成咁，我當時明明係用海綿向刀背咁來洗，洗完發現水裡面有海綿碎，再睇睇塊海綿已經一開二，只留返少少綠色沙布部份連住......
其實...我唔覺得自己享受切野過程! 其實......最好就有人切好哂比我煮! 我唸其實係我鍾意買野 + 試新野就真~
燒牛肉睇到我流口水
回覆刪除[版主回覆08/24/2011 19:31:00]佢地d燒牛肉真係好好食架!
不過唔好一開波就去攞燒牛肉，因為頭尾部份燒得太熟，等其他人攞完一輪，切到中間粉紅部份既時候就最正嘞!
我個陣貪玩係DAISO買左菜刀返來玩 ($2.8 MADE IN JAPAN 咪買來玩下) 發現我唔係好拎得慣日本刀, 可能我隻手大隻 仲要佢話係不銹鋼, 點知都係一樣生銹 可能因為係$2.8既關係? 珮夫人
回覆刪除[版主回覆08/24/2011 19:08:00]雖然唔係話平野一定差貴野一定好，不過一分錢一分貨既定律大部份情況下都係真既! 就算大家都係Made in Japan，但由價錢都可以對品質略知一二~
好似貝印咁，佢生產中價既關孫六，又生產貴到飛起既"旬刀"，兩者都係廚用刀，但價錢相差可以達4倍......
哈....sheffield 这里的 T K MAXX 也有这把刀卖，我也很喜欢，第一眼看到就很想卖，是两个星期前的事，也是24.99， 我觉得有点贵。。。所以放弃了，其实看真点，是不会贵的。等我有去town 看到，我会卖。
回覆刪除[版主回覆08/24/2011 18:58:00]關孫六算唔上係日本高級廚刀，不過貝印產品品質唔錯，應該會係一把唔錯既廚刀! 我仲未用，但刀柄好好渣手~
我都係幾個星期前已經見到TK Maxx 有一系列關孫六刀賣，不過當時無唸過買，一來我屋企真係太多刀，二來計落唔平得過香港好多~ 不過我之前見幾間分店都係£24.99，唯獨今次見依間£16.99太抵忍唔住手先買!
唔夠18歲唔可以買刀架, 小朋友 點解你食咁多都唔肥架
回覆刪除[版主回覆08/24/2011 18:44:00]次次買親刀呀酒呀，十次著咗十一次都比人查ID! 老公次次都笑我，今次仲擺埋上FB!
點解我食咁多都唔肥架 <//// 根據Mr.T 既推斷，應該係我個肚裡面有個黑洞!
妳都好涮得喎
回覆刪除[版主回覆08/24/2011 18:41:00]親眼見過我食野既人，好多都會咁講!
真係羨慕你,幾廿歲人都比人當未成年
回覆刪除[版主回覆08/24/2011 19:11:00]你知我幾多歲咩?
我唔知你幾多歲，不過我都好羨慕你對任何陌生人講野都好似完全唔洗經大腦!
為免有人以為話我幾十歲我就發爛咋，我都係先澄清一下咩事~
回覆刪除有人絕對唔常留言，但幾乎每次留言既內容或用字都頗無禮或具挑釁性質，每次都係咁，應該唔會係巧合啩?
早幾日有一位blog 友喺FB 向我投訴，某人突然到訪佢既blog 且留咗一個無禮貌既回應，blog 友估計某人應該係由我既blog 先去到佢既blog!
由此可見，並唔止我一個人對某人既回應反感!
買刀買酒都係同埋你老公一齊去算吧啦, 次次都係咁 你餐buffet睇到我好肚餓呀
回覆刪除[版主回覆08/24/2011 20:59:00]其實我而家每次買刀都係同老公一齊，因為我有太多刀，所以每次想買時都會比老公睇吓把刀+ 問吓佢好唔好買...今次把關孫六時都係同老公一齊買，仲係佢比錢既添，所以無查我ID!
之後我係去咗另一間分店買抹刀，老公當時去咗第二度買演唱會飛.....
所以最不可思議既唔係佢地查我ID，而係佢地查親我ID，我都根本唔係買切野既刀! 上次係磨刀棒，今次係完全唔利既蛋糕忌廉抹刀.......
對不起,激嬲你
回覆刪除[版主回覆08/24/2011 20:08:00]你無激嬲我~ 不過我一向都覺得妳既留言好無禮貌!
磨刀石都算“利器”？？？ 冇野講
回覆刪除[版主回覆08/24/2011 21:25:00]唔係磨刀石~ 係磨刀棒呀! (掘頭，完全唔尖既!)
依篇: http://hk.myblog.yahoo.com/veronicams_tsim/article?mid=47774
妳都有留言架!
你完全可以開個煮食用具展.勁!.你個頭盤真係引死我啦.好想食呀!
回覆刪除[版主回覆08/25/2011 00:51:00]Hilton d自助餐頭盆主菜甜品都好好食架!
嘩﹗你滿載而歸之餘﹐胃口仲好好喎。把刀0甘抵買﹐比著我都唔會放番低啦。我好羨慕你可以食0甘多都唔肥呀﹗我昨日剛剛搬去左升級版喇﹐依家在適應中。
回覆刪除[版主回覆08/25/2011 20:04:00]果日真係黐咗線! 食完一碟又一碟......
其實我見到依把刀已經幾個星期架嘞，不過之前全部都係£24.99，唯獨今次見依間£16.99太抵忍唔住手先買!
嘻嘻~~~ 我唸我遺傳咗V爸爸啩? V爸爸都係食極唔肥~
新版感覺如何呀?
好味
回覆刪除嘩~~ 好多嘢食呀~~~~ 不過我一定食唔到咁多... 平時我都叫大食, 但食 buffet 就食得好少.... 次次都回唔到本, 但又好鍾意食 buffet...
回覆刪除[版主回覆08/26/2011 17:44:00]我同老公去食自助餐基本上一定會回本!
估唔到TK MAXX有咁多野買。。次次都行過唔會入去。睇黎要搵日去8下先。執輸行頭慘過‘擺’家。。LOL
回覆刪除[版主回覆08/28/2011 01:16:00]妳來咗英國幾耐呀?
我好鍾意行TK Maxx! 佢地d貨去得好快，所以成日都有新貨，好有尋寶feel! 個個星期唔行過唔安樂~
新版無想像0甘壞﹐不過有時Ｄ字體會失控﹐想佢大時會變細架﹐我盡量唔分段就好Ｄ﹐同埋第一次用時Ｄ相上載唔到囉﹐依家先上載左Ｄ相去相簿﹐然後寫文字﹐跟住由相簿抽出相片加入就無問題勒﹐如果寫左文字而直接由電腦上載就唔多得﹐睇怕都係要等Yahoo改進下喇 。
回覆刪除[版主回覆08/28/2011 01:14:00]字體失控 </// 對我來講已經夠哂差! 寫blog 最最最基本既功能就係打字，佢地搞成都夠膽死推個新blog 出來!! 新版唔好得過舊版已經唔可以接受啦，仲要問題多多......
我頭先去左。。多謝你介紹。。但我買得平過你。。好攪笑。seafood price。£14.99
回覆刪除[版主回覆08/28/2011 01:10:00]再平d? 一模一樣款呀?? 我唸佢地其實可能係睇地區來定價錢!
前日把刀開咗光，不過只係一般，無我想像中咁好用! 最好用仍然係Global~ 果然係一分錢一分貨.....
應該一樣，我想POST張相係到。。不過好似唔得。。我頭先用左我覺得OK同埋好輕呀。。日本仔野真係唔同D。我黎左英國2年幾啦。。都係嫁左黎呢度，日日都無所事事，所以成日上網，睇下D月BLOG友有咩好野介紹。而且平時好小出街，通常星期日先會同我老公出去囉。 我頭先上綱都訂左把 孖人牌剪骨刀，心情好緊張呀！！ 你呢？！星期一BANK HOLIDAY喎，呢幾日同你老公去邊樹呀？？
回覆刪除[版主回覆08/29/2011 02:57:00]咁依把刀係OK既，只係無我想像中咁好~ 可能因為我有把Global (都係日本刀來!)，有比較之下覺得Global 好用好多! 暫時我用過既廚刀來講，Global 真係最正，不過我唔鍾意佢個樣囉......
孖人牌骨剪好好用! 不過用時一定要小心，真係好鬼利架!
我無得去玩呀! 頭先同老公行完街食完飯，啱啱佢去咗出trip 一星期啊~
我都好想買呢把刀, 最衰我呢邊冇TK MAXX, 我上次買一SET陶瓷刀, 個SALES都問我夠唔夠18歲, 哈哈, 我都想呀!!
回覆刪除[版主回覆08/31/2011 00:56:00]妳住得好偏僻架? 全英有超過240間TK Maxx，妳果邊竟然一間都無? 我依邊經常去既有5、6間分店，唔同分店賣既貨未必一樣~
只要係要夠18歲先可以買既貨，問就一定會問架嘞! 不過佢地係次次都一定要查我ID.......
我住埠仔, 要過隔離大埠先有TK MAXX, 好唔方便
回覆刪除[版主回覆09/01/2011 03:08:00]OIC!