神秘海外版出前一丁 - 五香鴨肉麵

以前做學生時一個人住，出前一丁我係一箱箱咁抬返屋企既，而且幾乎買親都係麻油味!

不過近年越來越自戀自己手勢 ，即食麵我已經食少咗好多好多~

但對於我來講即食麵係守門口必備，屋企點都要有幾包存貨!

Weekend 去中式超市買餸，順手入咗幾包出前一丁......

 平時食得最多係麻油味，今次揀咗幾隻比較少食既味道~

 近排陸續見到各香港blog 友買到先前勁缺貨既黑蒜油豬骨湯味一丁~

不過我依邊仍然未見其芳蹤!

八卦驅使下走去香港日清食品網(www.nissinfoods.com.hk)及及 - 睇吓黑蒜油豬骨湯味喺香港係咪已經正式推出市場......

因為正常情況下日清依類大牌子食品，若香港已正式推出咗，就意味著不久既將來英國既中超都有好大機會會入貨!

 就好似之前Mami 阿四送我既香辣道碗麵一樣 - 香港正式推出咗幾個月後，我依邊而家都可以買得到嘞!
因為無啦啦去睇香港日清食品網，無意中比我發現咗一樣野......

 依包五香鴨肉出前一丁竟然網上無名!

其實依包五香鴨肉，我N年前來英無耐時已經試過一次咁大把，不過之後一直只買麻油味，所以已經一早忘記究竟係咩味......

直至weekend 買咗1包唸住重溫一下，先比我從香港日清網無意中發現 - 原來香港係無五香鴨肉出前一丁既!

香港日清無出過過依隻味，唔通係大陸出既?

咁又唔係喎!

以我所知大陸製既出前一丁，包裝係用簡體中文字;

 而依包五香鴨肉味，包裝無論前後都係繁體中文~
(老實講我喺蘇格蘭咁耐都未見過有大陸製既出前一丁! )

 包裝上印住"Made in EU"，但並無清楚註明係EU邊個國家;

不過從網址www.nissin-foods.de 睇得出係德國網站!

咁係咪即係德國製呢?

我覺得又未必喎! 好有可能只係德國既公司負責監管品質~

打開包五香鴨肉一丁，裡面除咗有個麵之外，就只得一包調味湯粉......

 調味湯粉既鍚紙包裝相當詭異 - 只有一大條啡紅標記，並無任何文字!

如果唔係喺包麵度拆出來，就咁睇包野根本唔知係調味湯粉或係咩味!!

麵己食鬼咗 + 唔記得影相......

煮出來既麵樣子比一般香港製造既出前一丁較"鬈"曲，

不過麵質口感就差不多，不大食得出分別來;

湯底唔係好食得出五香味，但就相當燒鴨湯味!

照計燒鴨湯咁味既出前一丁應該都好啱香港人口味喎!

我自己覺得幾好味架!!

不過香港網上根本搵唔到任何關於五香鴨味出前一丁既資料; Google search 搵到既亦全部係歐洲超市網上既資料......

依隻味只限歐洲先有得賣?

 後來比我喺一個日文網站搵到答案 - 五香鴨肉麵係海外版出前一丁!

http://www.kanshin.com/keyword/792803

(唔通連日本都無五香鴨肉味!?!?!?? )

 是次買咗其餘幾包其他口味既出前一丁，大部份都係香港製造入口既~
但其實我買麵時已經發現咗依度既出前一丁有香港製 + EU製之分!

 所以我特別買咗海鮮味既香港製 + EU製各1包，準備比較一下食味有無分別!

 香港製造既包裝，藍色比EU製既淺色好多，而且係叫做"海鮮味";

 而EU製既就叫做"海鮮麵"