我就無乜心機update 個blog......
望一望個月曆...哇哇哇~~~
原來差唔多成3個星期無講過食過乜!
雖然我無update，不過其實我有煮飯架!!
7月26日二餸一湯: 枸杞滾豬肝; 蝦醬蒲瓜絲煎餅 & 炒菜心
早前Mr.T 出trip 時試整蝦醬蒲瓜絲煎餅...超好食!
今次特登整比Mr.T 試吓......結果佢都話好香口好好食!!
(不過今次唔小心煎燶咗少少.......
)
枸杞滾豬肝湯食譜click here~ 蝦醬蒲瓜絲煎餅食譜click here~7月31日一餸食自己: 白菜仔炒豆卜
雖然出街食都可以點素菜，不過我斷估廚房隻鑊炒過肉，
佢地唔會咁好氣幫我洗乾淨先用來煮我碟素......
搏唔過唔想打爛齋砵，所以我無同老公一齊去飲茶~
得自己一個食飯，一碟白菜仔炒豆腐卜已經夠，唔好以為好寡喎!
原來清清地係好好味既餸來啊!!
8月2日: 牛扒飯 & 灼西蘭花
8月4日二餸一湯: 粟米紅蘿蔔牛蒡排骨湯; 蝦醬免治豬肉蒸豆腐 & 菠菜炒豆腐卜
依個湯有益又滋潤~ 煲湯果日本來有少少喉嚨痛，
飲咗兩碗湯後，第二日喉嚨即時好返哂!
不過因為之前Mr.T 太抗拒蝦醬，所以已經好耐好耐無整過依味餸......
隨住老公慢慢開始接受蝦醬，依味餸終於可以重光嘞!!
粟米紅蘿蔔牛蒡排骨湯食譜click here~ 蝦醬免治豬肉蒸豆腐食譜click here~8月5日二餸一湯: 粟米紅蘿蔔牛蒡排骨湯; 煎釀鱈魚茄子夾 & 蝦醬蒲瓜絲煎餅
前一晚既蝦醬免治豬肉蒸豆腐用剩少少免治豬肉......
不過我買得太多鱈魚! 最後無加到免治豬肉~
鱈魚肉質比較散，所以依個釀茄子魚肉並唔彈牙，不過別有一番風味呢!
依個餸真係會食上癮架!!
連續3個星期，每星期買一條蒲瓜，真係百食不厭!!
粟米紅蘿蔔牛蒡排骨湯食譜click here~ 煎釀鱈魚茄子夾食譜click here~ 蝦醬蒲瓜絲煎餅食譜click here~8月6日: 煙鱒魚火箭菜蕃茄沙律
煙鱒魚火箭菜蕃茄沙律食譜click here~8月7日: 泗和行飲茶
天氣太熱~ 我同老公兩個人竟然食唔哂d野要打包!
8月9日: The Vulcan
由於有網友order 咗Mr.T 畫既公仔，公仔已畫起咗趕住要email 比網友，
老公打完電話比Internet provider，我地就去咗屋企附近間pub 食飯兼用免費wi-fi!
是晚星期二，每逢星期二佢地叫"Steak Club" - 牛扒特價日~
初時我仲唸 - 特價野~ 份牛扒唔慌大得去邊啦......
)
依餐除咗我份扒，仲有老公既例牌漢堡、buffalo wings + haggis with whisky sauce，
全部都好正~~~~~
真係一大驚喜 - 估唔到特價都有咁既水準!
依餐美味既癲拿，完全將Internet 壞咗既不快一掃而空!!
8月10: 節瓜雞柳長通粉 & 日式烤茄子
想問問大家一個問題......
我次次買親節瓜都要先用膠袋笠住隻手;
刮皮時亦要先帶手套......
因為我每次摸節瓜都比佢d毛拮到彈起!
不過我見好多人毫無保護下粗豪地就可以攞起隻節瓜!!
所以我有個疑問......
- 究竟節瓜拮人係咪正常?
- 定係我雙手皮膚太嫩 / 敏感??
- 還是英國既節瓜先拮人呢???
湯匙"不"又"不"唔到; 筷子夾又夾唔到;
甚至用叉食都會拮到斷哂......
而且只得幾塊薄痴痴，我唸只有1/4個茄子都唔知有無?
我自己整買一隻大少少既茄子只係76p (約$10)，
已經整到一兜夠哂2個人食!
以後去YO!Sushi 都唔食依個咯~~~~
節瓜肉片大地魚湯螺絲通粉(參考食譜)click here~ 日式烤茄子食譜click here~8月12日: 牛扒飯 & Brussels Sprouts
8月13日: 熱屎辣辣泗和行任食打邊爐!
8月14日: 車厘茄松子黑橄欖意粉
做咗依個簡單又好味既齋意粉!
8月15日: 牛扒飯 & Brussels Sprouts
除咗因為我懶之外，仲因為牛扒好好味 + 我好鍾意用我個grill pan!!
>>>>>>>>>>>>>>>>>>>>>>>>>>>>>>>>>>>>>>>>>>>
仲有唔夠1個月就係中秋節嘞!
今次依水有些失手個樣整得麻麻地......
好彩依batch 只係練習版來，始終一年先整一次，
緊要練習吓先敢整來送比人!
過兩日再開工，希望今次會整靚d啦!!
廣式月餅食譜click here~
睇完了
回覆刪除[版主回覆08/17/2011 17:56:00]多謝捧場!
一氣過睇咁多好野食....真係勁難頂啊,搞到我好肚餓......牛扒好靚,意粉又好味,沙律又正,湯水又滋潤.太誘人啦. 一諗起YAHOO又搞新野真係想搬.
回覆刪除[版主回覆08/17/2011 17:55:00]哈哈~~~~ 我下次都唔敢一口氣post 咁鬼長既blog，由上拉到下都幾係野!
唉~ 個新平台真係好白痴! 今朝先有位啱啱手多搬咗去新平台既扑友喺FB同我呻完......真係好唔想升級!!!!!
冇心機upgrade, 咁會唔會o係fb度出現多d?
回覆刪除[版主回覆08/17/2011 17:45:00]都係架! 不過我一向兩邊兼顧既!
Excellent, thanks V.
回覆刪除[版主回覆08/17/2011 17:44:00]Thanks and you're welcome Peggy!
香港的節瓜都拮手的，長通粉好搞鬼，有好多嘢都是好看但唔好用
回覆刪除[版主回覆08/17/2011 17:43:00]Blog友話節瓜新鮮先會拮手，咁多幾好 - 証明我依度d節瓜好新鮮嘛!
我都係見包長通粉幾得意先買(仲要一野買咗2包...... )
英國d節瓜咁長身, 同香港果d又肥又矮好唔同呀
回覆刪除[版主回覆08/17/2011 17:41:00]我喺英國見親都係依種長身既節瓜，我覺得香港街短身果種cute 好多啊~
Hi~ Mrs. T, 今次都係第一次留言, 平時都係齋睇,heheee
回覆刪除HK d 節瓜都係吉手架….不過就無吉到要帶手套, 同埋呢隻長節瓜我覺得好味過短果隻架.
[版主回覆08/17/2011 17:40:00]妳好Emily~ 歡迎妳!
原來係咁~ 不過我覺得節瓜毛拮手好痛啊! 我揀時都要用個膠袋笠住隻手先敢掂佢~
我喺英國只見過依種長身既節瓜，我覺得香港街短身果種cute d~ 但味道就無認真比較過!
通常節瓜新鮮係吉手的，如果唔吉手個啲，你就唔好買喇~~~
回覆刪除[版主回覆08/17/2011 17:33:00]Thank you Jessica!
嘻嘻~~~ 咁都幾好喎，証明我依邊d節瓜好新鮮!
我鍾意個日式烤茄子呀 , 呢個一定會試, 多謝你0既食譜
回覆刪除[版主回覆08/17/2011 18:43:00]唔洗客氣! 依個茄子好好食架，快d試吓啦!
wow~ 英國的物價水平真的比香港高~
回覆刪除[版主回覆08/17/2011 18:45:00]係呀~ 英國物價高但選擇少......所以我每次返香港都買到過哂磅就係咁解!
月餅你都識整......叻
回覆刪除[版主回覆08/18/2011 08:01:00]過獎嘞Melody! 其實月餅唔難整~ 不過我今次整得唔夠靚.....
豆腐卜炒菠菜加腐乳都好正架!
回覆刪除[版主回覆08/18/2011 08:00:00]係呀? 等我搵次都試吓先!
我近來都少咗update blog, 怕佢一下子升呢後咩都無晒...希望將來個yblog唔好咁麻煩啦...
回覆刪除[版主回覆08/18/2011 08:00:00]妳唔打算backup 呀?
(Empty)
回覆刪除[版主回覆08/18/2011 07:59:00]
香港既節瓜係吉手既....... 不過........係墨爾本SO CALL個D節瓜 唔多吉......煮左出來陣味似冬瓜!! 問你死未! 珮夫人
回覆刪除[版主回覆08/18/2011 07:57:00]咁奇怪! 其實果d會唔會係冬瓜來架? 據我所知有隻迷你冬瓜果喎!
很多blog 友都轉晒新版面, 我又唔想轉, 真係無心機。
回覆刪除[版主回覆08/18/2011 07:56:00]我都唔想轉，所以我唔會自己轉，等Yahoo 升級最後階段，等佢地幫我轉!
節瓜新鮮至會拮人, 豆卜我最鍾意食~
回覆刪除[版主回覆08/18/2011 07:54:00]咁即係証明我依度d節瓜好新鮮!
一口氣睇完 肚好餓添 哈哈
回覆刪除[版主回覆08/18/2011 17:53:00]我果日一路打依篇blog 都感覺越來越肚餓!
阿寶會幫我back up...但佢重未開工...唉...唔知至到幾時呢...
回覆刪除[版主回覆08/18/2011 17:52:00]
佢地未公佈確實日期，不過最好都係快手搞掂佢! 妳600幾篇又唔係好多相，應該幾粒鐘搞掂啦! 而且set up 咗由部電腦自己backup 之嘛，都唔洗理佢既!
我呢邊D節瓜唔會刺手呢!
回覆刪除[版主回覆08/18/2011 17:49:00]係呀? blog 友話節瓜新鮮就會拮手架嘞!
雖然好少留言, 但我常常睇你個blog, support下先, 希望yahoo blog唔會upgrade變成destroy你個blog la
回覆刪除[版主回覆08/18/2011 17:48:00]Thanks tigerbobo for your support!
我唔怕佢地destory 我個blog 喎，因為我已經將所有blog backup 哂! 而且我會搵新地方搬blog，到升級後睇吓情況如何先決定會唔會用YBlog 新版!
嘩妳好耐冇post D野上嚟.....等到我頸都長左嘞.........英國都有梘水賣???
回覆刪除[版主回覆08/18/2011 17:42:00]哈哈~~~~ 我有keep 住post 食譜 + 敗家物上來果喎! 只係少咗飲食日誌啫....
係呀~ Glasgow 有間全蘇格蘭最大既中式超市嘛! 好多以前無得賣既食材，而家都可以買得到~ 梘水 + 整菠蘿包既食用臭粉、棚砂粉......都可以買得到!
內容好豐富呀！ 我未煮過大地魚架，想請教大地魚用小爐火煨香，是否即是直接放在爐火上煨？可否放在鑊或焗爐烘乾使用？
回覆刪除[版主回覆08/18/2011 17:37:00]可以直接用爐火去煨; 亦可以用白鑊去烘香~ 我係無火煮食，我都係用白鑊來烘架咋!
我都係無心機up啲相去blog...
回覆刪除死啦...我吾知邊種瓜係浦瓜呀...
[版主回覆08/18/2011 17:36:00]蒲瓜即係葫蘆瓜呀! 個型唔同咋，但係一樣架!
聽blog 友講: 佢打電話問左 , 30/9 係最後限期, 如果你自己唔 upgrade, 個 blog 會自動消失, Yahoo 唔會同你 upgrade 個 blog 喎 ! 唔知係咪真。
回覆刪除[版主回覆08/18/2011 17:35:00]我見妳咁講，啱啱去小編輯果邊睇過，小編輯最近一次update 同妳blog 友講既唔同喎! http://blog.yahoo.com/yblog_hk/articles/30549/index
第一段最階段果項話明" 所有現有用戶在舊平台上的BLOG文章及相片檔案會自動升級至新平台 "，除非妳blog 友13歲以下啦! 少於13歲不獲升級~
香港既節瓜都拮手架 不過都係小小~所以我都冇理到 又唔會話拮到好痛~所以我都係唔理架!
回覆刪除[版主回覆08/18/2011 17:31:00]我覺得節瓜毛拮手好痛啊!
you dont like the new Yahoo blog? I like visiting your blog!... please keep update...
回覆刪除[版主回覆08/19/2011 03:55:00]im glad that you like my blog~ thanks Life_lives!
i really hate the new Yahoo blog! so ugly and not un user-friendly!! however i havent decided whether still using the new Yahoo blog in the future, but i will keep blogging and im trying to find a new place for my blog!
aiya...睇完搞到我好肚餓喎.... 咁點算先???!!! 宜家我呢度3:43am!
回覆刪除[版主回覆08/19/2011 03:47:00]哈哈~~~ 我都有少少肚餓呀! 因為我仲未開飯......
屋企有無公仔麵之類呀? 頂住檔先啦~
您做的月餅好靚啊!! 煮那麼多東西, 一定會很累了呢 您要休息多點啊 aiyo, 其實新的yahoo blog是樣子有點怪 不過, 可能是習慣了現在的樣式吧... 要是您會找新家的話, 記得要告訴大家啊 很多朋友都喜歡看您的記事的~
回覆刪除[版主回覆08/22/2011 07:05:00]多謝蘋果媽媽讚賞!
月餅其實唔難整架! 不過今次有少少失手呢.....
新Yahoo blog 除咗怪樣之外，仲有好多功能上既問題! 不過我暫時仲未決定用唔用新版，但我會搵新地方繼續寫，搵到新地方我一定會通知大家!
原來你嚮哩段日子都整左好多菜式wor﹐連月餅都整埋﹐好勁呀 ﹗我覺得節瓜Ｄ毛毛越拮手越好﹐表示夠新鮮﹑夠靚﹐我通常都揀Ｄ好鬼拮手既 。
回覆刪除[版主回覆08/22/2011 07:03:00]係呀~ 依排忙緊整月餅送比人啊! 早送好過遲嘛~
我見d阿嬸一手就拿起個節瓜，好似完全無感覺咁! 不過我就好怕節瓜拮手既感覺! 不過都好 - 証明我依度d節瓜好新鮮!!
你好呀！我第一次睇&第一次留言ga, 你個blog真係有好多好好食的野
回覆刪除呀！我一直睇到尾冇停過, 依家放工仲好鬼肚餓添！
我都想問吓點樣可以將個blog back up呀？請問你放唔放便教一教我？
thanks!
[版主回覆08/22/2011 06:56:00]妳好~ 妳睇依度: http://hk.myblog.yahoo.com/wedding-louisa/article?mid=9260
我都係用依個方法做backup 架!
我既THEORY係... D野過左個海係會變質既! 小棠菜變大左幾倍, 菜心就幼到傻 節瓜個樣係真係節瓜來咖, 不過係大左3倍左右 至於真冬瓜嘛...真係好大個 珮夫人
回覆刪除[版主回覆08/22/2011 06:52:00]係? 咁我又無見過變質小棠菜喎!
好彩我依度d節瓜係本地種既啫!
我聽人講有一種迷你冬瓜好似節瓜咁細隻架，不過我自己未見過......
咁熱你都去打邊爐﹐佢地實係有冷氣~
回覆刪除[版主回覆08/29/2011 03:07:00]無冷氣啊~ 其實我唸蘇格蘭已經開始踏又秋天，最近忽冷忽熱! 不過依餐食到成身汗.......