朋友

過去式朋友

個多月前因為一件小事，我親手主動了斷咗一段十多年既友誼~

我唔敢話自己義蓋雲天，但每一位朋友我都同樣珍惜;

對我好或曾經對我好過既人，我會一世記住佢地對我既好~

可能有人會覺得 - 為咗一件小事而放棄十多年既情誼，值得嗎?

若果係大件事，我反而可以鬆容面對對方;

不過就正正因為係一件小事，令我發現原來我同對方對"朋友"既定義完全背道而馳!

我係一個硬頸唔輕易開口叫人幫忙既人; 

我亦明白就算開到口問人，

人地無義務一定要幫妳 - 依個道理我絕對清楚明白!

因為我當對方係好朋友，而且並非咩大不了問題，

我認為可以向對方一問無妨，

而我已清楚表明feel free to say no，

所以對方有任何原因唔想幫 / 幫唔到，都可以直接同我say No! 

而我亦唔會要求對方解釋原因，只一句No 就足夠嘞~

我一直以為自己同對方既關係可以咁直接......

我同對方解釋得好清楚情況，對方當時亦表現好樂意幫我依個忙~

2小時後對方回電話幫我唔到，不過同時連帶住一個相當侮辱正常人智慧既所謂原因!

依一刻我就知道自己一直自作多情，完全高估咗我同對方之間十多年既友誼!

親手將FB連結及電話號碼刪除後，我唔會追究亦唔會再回頭~

幾個星期後我喺街上遇到對方，對方主動走埋來打招呼，

我亦有最最基本既禮貌去回應......

不過對方突然伸手拖住我隻手同我講: V~ 上次幫妳唔到好sorry! 之後妳搵唔搵到人幫妳手?

坦白講...果一刻我生理上真係好作嘔! 

我成日以為話人"假到嘔"只係字眼上既形容詞，

但原來一個人真係可以假到令另一個人pyscailly 會想嘔!!

我好冷淡回應對方，對方亦知難而退行開咗~ 我以為我同對方之間已告一段落......

再幾個星期後，對方竟然從FB send 來一個friend request! (深感吹脹~~~) 

妳，到今時今日一定仍然認定我"嬲"妳，係因為妳無幫我~

不過妳完全錯哂! 我係感覺被妳出賣，不過並非因為妳突然改變主意， 

而係我覺得十幾年朋友，點解妳唔可以坦白一d，直接一d?

我對好多朋友都會兩脇插哂咩咁，對妳我曾經亦一樣!

大家做朋友我唔會要求任何回報，

但妳當我係一個與世隔絕乜都唔識既無知師奶咁侮辱我，妳做得未免太明顯吧~

近年來妳分別同幾位朋友反咗面，每次我都聽到妳同我講: She's not a nice person! 

而妳就一直好似完人一個，每次都係同妳反面既人not nice......

我相信今日妳一樣會認為係我not nice，而且因為我not a nice person，

所以我嬲妳唔幫我......well 妳點唸係up to 妳!

不過我根本連嬲妳都講唔上，事實只係因為依件事令我將我同妳之間既關係重新定位後，

我選擇唔再花時間去應酬妳!

我認為對妳我已經表明得好清楚以後大家唔再係朋友關係，

所以希望妳可以尊重我既決定，唔好再add 我或傳短訊比我!

我既心思、時間，今後只會花喺愛我真正關心我既親人 + 朋友身上~


現在進行式朋友

幾個星期前朋友傳來sms 約我 + Mr.T 燒野食，

但日子同我醫生appointment 相撞，我回電比朋友推辭......

第二日再收到朋友sms: I was busy when you called yesterday and didn't have time to ask. Are you ok? The doctors and that!

我只好簡單咁回覆話比朋友知我無事，唔洗擔心我~

當日我無出席聚會，其他朋友從依位朋友口中得知因為我要睇醫生所以無出席，

之後相繼傳來sms 問候我......

有d會衰衰咁問我: Are you still alive? (我地一向都係咁串串貢既!)

不過朋友一個簡單短訊，我真係覺得好warm 好warm......

朋友們都知道我年頭做過一次手術，間中我要覆診，

不過我無向朋友透露過我咩事要睇醫生~

每次佢地關心問候，我都告知一切安好，叫佢地唔洗擔心;

而朋友只要知道我安好就足夠，從來唔會八卦旁敲側擊問我咩事要做手術要睇醫生，

我真係好感激佢地!

有一班咁關心我、咁鍚我、咁體諒我既好朋友，我真係覺得自己好幸運好幸福!

做朋友，真心既，就係咁簡單。


永遠朋友

近年朋友間好少提起妳，甚至各有事忙少咗去探妳......

不過並非因為我地已經忘記咗妳，其實只係大家都刻意唔去提起~

因為過去式朋友既事，老公不經意一句提起妳，隨即又向我道歉，

我想老公因為清楚知道妳永遠都係我心裡面有一個好重要既位置。

老公提起既一件往事......

當年我同老公仍然係學生，我租返來獨居既舊居被扑爛大門玻璃爆格，

而個cheap 精業主不顧我依個單身女仔租客安危，死都唔肯換門，

依然故我喺大門上裝返果塊懶靚但隨時可以比人扑爆爬入屋再大爆特爆既玻璃，

同當年仲係男友既老公商量後，我決定搬走!

租新地方要搵擔保人，不過因為當時我同老公都係學生唔合資格，

於是向已經返緊工既妳求救~ 妳略略聽我講解大概情況就爽快地一口答應，

一個問題都無問過我......我好感激妳對我既信任!

同妳做朋友大家相處既過程當中真係好舒服~ 

心裡面既感覺無論係開心或唔開心，完全唔需要掩飾，可以肆意地對住妳大喊大笑......

記得一次妳一句無心戲言令我覺得好hurt，當時我直接同妳講妳依句說話傷害咗我......

妳即刻攬住我向我道歉，仲邊度嬲得妳落?

雖然妳好令人心痛，不過我為自己可以成為妳既好朋友感到好驕傲~

天國既妳，妳好嗎? 我想念妳~