我們的19年一遇中西情人節weekend 2014 (特長!)

中國情人節 - 元宵節即係農曆正月十五...係阿V食齋的日子!
雖然19年先一次既中西情人節相遇真係好難得，
但我認為無必要為咗慶祝出街食飯而打爛齋砵!

咁慶祝唔一定要正日架嘛......
所以我地提早星期二出街食飯慶祝雙重情人節!! ❤

星期二落雪啊......

地點: Rock Lobster Seafood Bar & Grill
大約一年前第一次到依間餐廳食飯，
當時已經好鍾意~ (網誌)

我既頭盆Crab meat salad tossed in sea fennel with lemon oil
蟹肉鮮甜份量又勁多! 
多到食完依份沙律已經有少少飽~

Mr.T 頭盆Buffalo meatballs with blushed tomato and veal bone sauce
Meatball 好大粒充滿肉汁，
個蕃茄牛仔骨汁又香又濃...好味!

 

我既主菜Seafood tagliatelle

賣相麻麻但味道一流! 

可惜唔可以轉意粉，而且太大份，大份到連我都竟然食唔哂!!

Mr.T 主菜Creamy seafood soup

依個勁香濃超級好味! 

份量同味道都十足既一餐情人節晚飯~ ❤

我6299近年長時間留喺香港照顧太62太99，

一年只回英一次，餐館交比一位阿姨打理......

早在農曆新年前，阿姨託我做40塊心型玻璃曲奇，

用來送比餐館情人節訂枱食晚飯既客人~

不過我嫌整玻璃曲奇唔好玩，

於是向阿姨反建議 - 不如整心型cake pop啦!

星期四情人節前夕，做好40枝紅色心心cake pops;

第二朝情人節正日一早起身逐枝裝飾 + 包裝，

忙足一個上午終於攪掂哂!

Mr.T 本來叫我喺每枝cake pops 上面寫個"愛"字，

佢話d洋人鍾意老土野喎!

但由於時間關係，而且整咗40枝...

每個step 重覆咗40次，我真係覺得好悶!!

反正依枝野都係for fun 好睇唔好食，

黐d彩糖糖花...加dd食用金粉算嘞~

每枝cake pop 包裝內仲附上小字條，

略略向洋人客人講解一下今年既特別雙重情人節! 

我 + Mr.T 已提早慶祝情人節，

所以是日我去咗餐館幫手做晚餐酒水 + 接外賣order，

Mr.T 放工後都來幫手~

Cake pop 反應良好，客人們好鍾意，

Mr.T 得意洋洋不停同客人講: The cake pop is handmade by my wife Veronica!

有客人仲大讚我talented，我有點唔好意思呢.......

收工時收到盒朱古力......

事緣一星期前阿姨託我為佢朋友女兒12歲生日整個生日蛋糕，

生日果位小女孩非常鍾意個蛋糕，竟然食咗半個! 

雖然阿姨已比咗蛋糕錢我，

不過小女孩媽咪買咗盒朱古力送比我~ 

(當然又係益咗Mr.T 了!)

Mr.T 送我大札花花~ ❤

星期六Mr.T 特別唔返工，準備陪我整個weekend~

前一晚忙咗一晚又無肉到肚，

是日一起身就出街食返餐好既!

是日去一間我地未試過既餐廳 - Gumbo，

主打soul food 南美菜~

 

頭盆來到既時候我打咗個突 - 咁鬼大份既!!!!!

Mr.T 既炸雞~ 雞柳軟又唔乾，唔錯!

我依份係炸鯰魚(catfish)~ 

batter 又薄又酥脆，熱辣辣大大鯰魚嫩滑啖啖肉，

沾他他汁...好食到不得了!!!!!

沾佢地依隻南美辣椒汁都好正!

Mr.T 主菜 - 燉牛胸肉潛艇包

我既主菜Chicken gumbo~

Gumbo 係南美一個以蔬菜配肉類或海鮮，

加入上湯、香料 + 白飯熬出來既stew 

(可唔可以叫做洋人湯飯呢?)

Chicken gumbo 裡面有雞肉、煙香腸、秋葵、洋蔥、燈籠椒~

下面有濃濃既湯 + 白飯.....

今次係我第一次食gumbo，超級鍾意! 

我已搵定食譜準備老翻!!

點菜時我已提醒Mr.T - 南美菜好大份果喎.......

硬係不聽老婆言! 點多份corn bread.......

仲要整多份spicy beans!!

結果corn bread 食唔哂打包，

第二朝攞去IKEA 停車場餵雀仔........

星期日一早起身去IKEA，

一人一份大早餐加多碟煙三文魚，

飽到連午餐都唔洗食~

食完早餐去shopping，順便去買我既情人節禮物! ❤

我部舊愛1000D不經不覺已經用咗4年多，

雖然我無乜技術可言，不過都係時候升呢架嘞!

賢妻為咗Mr.T 荷包著想，本來揀咗部平d既1100D.....

但Mr.T 上網research 後表示: 好心妳買就買部好d架啦! 

最終揀咗號稱全球最輕又最細既單反 - 100D (右)

相比起我部舊愛，新歡的確嬌小又輕巧得多!

用咗舊愛咁多年，暫時仲未習慣新歡既手感呢......

麻雀雖小，不過五臟俱全!

網上用家review 100D features 功能同700D相若，係700D既迷你版~
大愛依份情人節禮物!! ❤

買完禮物再去買料，
返到屋企一邊睇卡通片一邊暖笠笠打邊爐，
完美結束依個忙碌得來開心又滿足既雙重情人節!
 

Thank you my darling Hon~ ❤