二人世界hea 住煮 (附食譜)

個零星期前洗煲(LC 31cm oval)拉傷咗右手虎口位置，
依兩日似乎有惡化既跡象 - 無論做任何動作，只要右手一用力，
虎口及手腕位置都會痛，攞杯茶都無力，真係好唔方便!!!!!!!

所以近排煮得最多係格格肉眼扒配西蘭花白飯~


不過蘇格蘭牛扒幾好食都好，
我最鍾意始終係有湯有小菜既中式晚飯......

2月18日: 金銀菜豬肺湯; 洋蔥豬扒 + 西蘭花炒迷你獅子狗卷

豬肺罕見，機不可失，所以手痛都要買個返來煲湯!
雖說Mr.T 唔食豬肺，不過佢話啖湯好甜好好飲~

迷你獅子狗卷係早兩晚喺屋企打邊爐既剩餘物資......

仲有Mr.T 至愛既豬扒~

有人話2014年要keep fit，叫我煮少d餸，餐餐只食一碗飯......
不過我煎咗10塊豬扒，佢就食咗7塊...咁即係點呢?

2月19日: 金銀菜豬肺湯; 雲耳蟲草花荷葉蒸滑雞; 西蘭花炒肉絲



好鍾意荷葉蒸雞既香味! 本來想用冬菇去蒸，
不過V媽媽早輪寄比我既花菇仔實在太厚肉，唔浸過夜根本唔夠腍，
臨時臨急先荷葉蒸雞浸唔切，改用唔洗浸咁耐既雲耳 + 完全唔洗浸既蟲草花，
一樣香噴噴好好味~


 
為咗Mr.T 既2014 keep fit 大計，賢妻繼續配合實行少餸制......
吹脹既係 - 今餐佢竟然走去添飯!!!


金銀菜豬肺湯食譜click here~

洋蔥豬扒食譜click here~

雲耳蟲草花荷葉蒸雞(參考食譜)click here~

西蘭花炒肉絲食譜click here~