金銀菜豬肺湯

從來無唸過喺英國可以飲到...甚至可以自己煲到依個湯!
好偶然情況下發現有一間中超既肉檔間中會有豬肺賣，
唔係成日都有，幾個月前見過2次，
不過對上2次都撞啱有事翌日要南下，無時間煲湯，今次機不可失!!
 

1. 豬肺一個連氣管啤水洗淨至發白，切大件以白鑊烘乾水份。


2. 豬肺件和瘦肉汆水後，沖淨備用。


3. 菜乾洗淨浸軟; 鮮白菜洗淨瀝乾; 南北杏適量略略搗碎備用。


4. 水大滾先放入瘦肉及豬肺，再放入其他材料，加入蜜棗和無花果乾煲至回大滾。


5. 轉慢火煲3小時，以海鹽調味即成。