馬年初五立春鮑參翅肚大魚大肉發財好事就手開年飯 - 2014年2月4日 (附食譜)

之前阿V同Mr.T 講: 不如今年餐開年飯又好似舊年咁整盆菜咯?
Mr.T 雖然覺得舊年個盆菜好正，
但畢竟我地得兩丁友，
個盆菜食足4日先食得哂，佢覺得好悶好膩......
佢依d假鬼佬邊會有"越滾越滋味"既概念吖!!!!


不過一年先過一次農曆新年，我真係好想整盆菜喎!!!!!
平時我又無咁既能耐......

於是我唸到一個兩全其美(自以為)既方法......
我走去買咗一個比舊年果個細好多既鋼盆，
打算煮一盆"迷你盆菜"!
細盆d...咁咪唔洗食咁多日囉!!


話哂都係過新年，若只得一個迷你盆菜...有點寒酸喎......
Mr.T office 附近有個魚市場，
於是我託Mr.T 尋日lunch 時去買魚 + 帶子~

依度既魚店/魚市場逢星期一休息，
所以星期二店內都係最新鮮既貨色!

Mr.T 現場whatsapp 我，
我遙控指示佢買咗一條大立魚 + 6隻巨型帶子~


原本打算煲個發財湯...一個迷你盆菜...
蒸條年年有餘...再加個西蘭花炒帶子...
作為我地餐開年飯!
點知煮好大部份餸菜先發現.......

個細盆根本唔夠大，無可能放得哂d餸!!
但個大盆又大得滯，盆菜放得唔滿唔好睇嘛.......

魚 + 帶子已買，要趁新鮮唔好浪費，一定要先煮!
最後煮少咗個"哈哈大笑"，唔整盆菜，
改為來個6餸1湯開年飯~

髮菜蓮藕花菇鱆魚煲豬脷豬手 參考食譜click here~
我唔捨得用V媽媽買比我d大隻生曬蠔豉來煲湯，
所以今次無落蠔豉，改放鱆魚~

鮑汁炆鮑魚海參花菇髮菜蠔豉 (生菜底) 參考食譜click here~

砂爆魚肚炒芹菜素翅雞雜 參考食譜click here~ 

薑蔥霸皇雞 參考食譜click here~

南乳豆卜炆腩肉 參考食譜click here~
炆落先發現屋企枝竹存貨已用哂......

西蘭花炒帶子 參考食譜click here~ 
巨型帶子汆水後完全無縮水!
原本我原隻入鑊來炒，不過炒咗一陣後我發現.....
唔切開一半的話，可能要炒到天光!! 
於是夾返起逐隻一開二~

依條年年有餘勁大條!
不過好新鮮，而且蒸得啱啱好時間，啖啖肉勁好食!!


雖然無煮到盆菜，
不過依餐馬年開年飯一樣煮得開心 + 食得開心!
Mr.T 本身進行緊減磅計劃 - 每餐只食一碗飯~
不過依餐咁好餸，佢破咗戒添飯喎! 
清哂3杯米!! 哈哈~~~~