大年初二的"初二" (2014年2月1日)

緣份要來既時候，真係點推都推唔走! 
馬年大年初二我 + Mr.T 無去拜年，
反而去咗shopping~
Shopping 地點咁啱有間pet shop，
好理所當然入去打個白鴿轉......

喺領養corner 發現有樣野眼仔碌碌望住我!
我同佢四目交投，立即觸電~~~~

但鑒於屋企已有3隻鼠鼠，我未有即時下決定!
我先行去隔離店shopping 冷靜一下，分散一下注意力......

但我完全集中唔到shopping 精神!
果對水汪汪既大眼睛不停喺我腦海徘徊~
所以最後...我又領養咗佢!

佢係一隻中國倉鼠，體型非常嬌小，尾巴比普通倉鼠長;

一隻"能縮能伸"既男子漢!

中國倉鼠喺亞洲(尤其係中國!)被視為害鼠，
所以亞洲既寵物店絕少會出售中國倉鼠;
但喺歐洲係頗受歡迎既寵物倉鼠~

領養紙上資料...話佢同兄弟姐妹打交，所以被人分開!

一副純潔無辜樣...點睇佢都唔係戰鬥格，
好難相信/想像佢同人打交喎!

寵物店店員抱佢出來時，佢仲喺人家手上瀨尿...
返到屋企住新籠，膽小既佢身體僵硬縮埋一角.......
我認為佢一定係被其他鼠鼠屈!

佢雖然膽小如鵪鶉，不過佢好聰明! 係一個fast learner~

中國新年領養中國倉鼠! 嘻嘻~~~

因為佢喺寵物店店員手上瀨尿，
所以我原本想改佢個名做"瀨尿蝦"，不過Mr.T 唔比!

之後Mr.T 覺得佢係"中國倉鼠"，又可以拉長身體，
想叫佢做"chopsticks"......
不過我唸唸吓 - 筷子得一枝用唔到果喎! 行唔通!!

既然我地係馬年大年初二領養佢，
不如就索性叫佢做"初二"啦!

我家四小福! ❤

由舊年9月Mr.T 帶McHamHam 返來之後，
到而家剛剛好4個月...我家就多咗4隻鼠鼠! 
平均一個月一隻!! 
真係夠哂皮...睇來要蒲少d寵物店! 哈哈~~~~