開多個Airfryer 食譜分類來記低炸咩用幾多度 + 炸幾耐，
方便越來越無記性既自己......
先來個脆卜卜炸雞...最近興嘛!
網上睇過好多Airfryer 用家話 - 用Airfryer 炸雞翼(or 雞槌)根本炸唔到脆皮!
錯! 咁當然...大家用既Airfryer 牌子未必相同，
不過我自己用Philips 既Airfryer 的確可以炸到脆皮雞翼 / 雞槌!
而且 - 一滴油都唔需要加!!
依隻台灣出品既真好家炸雞粉好味又方便，
唔需要溝水，各種肉類都可以直接上粉，
好適合趕時間既人或...懶人!
炸雞翼
1. 雞翼洗淨抹乾水份。
2. 將炸雞粉倒入食物袋中再放入雞翼，搖勻讓每隻雞翼都沾炸粉，靜置20至30分鐘待入味。(其實我試過趕時間即沾炸粉即氣炸都一樣好好味! 靜唔靜置隨便你~)
3. Airfryer 180C 預熱3分鐘，放入雞翼先炸8分鐘。
4. 木長木筷反轉雞翼再炸8分鐘即成。
炸雞槌
2. Airfryer 200C 預熱3分鐘，放入雞槌先炸10分鐘。
3. 以長木筷反轉雞槌，將溫度調低至160C 再炸12分鐘即成。
我都見好多人介紹呢個 Airfryer﹐ 但見 reviews 有人話味道同炸的吾同
回覆刪除因為我成家都好鐘意食炸野﹐好想買個~ 當然 aifryer 真係健康好多 ^^
話同油炸一模一樣就呃妳既啫! 點可能完全唔用油炸但做到同油炸完全一樣效果呢?
刪除但有人話Airfryer 連脆到都做唔到咁又太過份，事實真係可以做到脆皮效果!
airfryer係澳洲都好hit吓, 搞到我都心思思想買個玩下
回覆刪除我個人覺得幾好用! 不過依部機要自己慢慢摸先用得好~
刪除請問係米每次都要預熱架?
回覆刪除係~ 你準備用幾多度來煮，就用幾多度來預熱3分鐘
刪除想問炸雞粉邊度可以買到？
回覆刪除我住喺英國，依隻炸雞粉係台灣入口，喺中國超市買既
刪除