次貨

自從買咗2隻De Buyer 鐵鑊後，
我打算"辭退"廚房中有不沾易潔塗層既廚具~
我所指既不沾易潔塗層唔包括琺瑯塗層 + 陶瓷層，
因為依兩種塗層就算刮花咗都唔會釋出對人體有害化學化質，
可以安全繼續用!
所以我咋cast iron + 陶瓷層廚具全部可以留低!
(Well...apart from 隻Berndes 陶瓷炒鑊用耐咗太黐底，已經去咗大紙箱準備送佢走!)

可以倖存有易潔塗層既廚具只剩低........
- SKK 32cm 鑽石鑊 - 夠大隻，用來蒸野唔錯;
- Fissler 28cm 平底鑊 - 99送既，只用過幾次仲好新淨，留比間中入廚既Mr.T 用;
- Tefal specific 紅點28cm 炒鑊 - 總要留一隻我可以單手應付既輕身炒鑊傍吓身! Tefal 紅點係我用過眾多易潔鑊中最好用既;
- KitchenAid 18cm 高身saucepan - 夠高身，用來炸伊麵~

的走哂唔要既，留低喺我廚房尚有共12隻鑊 + 11個煲，
理應夠用有凸綽綽有餘......
但人既欲望總係無止境 - 尤其係女人...我想再添置多一隻銅鍋!

其實銅鍋(copper pot)我數年前已買咗一隻，
的的式式只有16cm，小巧可愛~
我而家想要一隻size 大d既銅鍋........


剛過去weekend 連續2日周圍物色一隻合心水既銅鍋，
不過買唔成 - 因為我決定唔到買單柄鍋定雙耳鍋......
我需要時間好好考慮考慮!
但我唔容許自己行街後空手而回.......

所以我買咗依套野來安慰自己...佢係一套次貨來!

紙盒裡面有3樣野......

26cm 雙耳陶瓷不鏽鋼GreenPan 1個;

深紅色厚膠兜1個;

月蝕型竹砧板1塊~

砧板放喺膠兜上位置可以click 實，切食物時將切好既食物撥落缺口以膠兜盛載~

膠兜另一用途 - 隔熱! 陶瓷不鏽鋼鍋煮完食物，整個鍋放入膠兜可以直接上枱~


3樣野都全新無刮花無撞凹mint condition，咁點解係次貨呢?

因為無咗個不鏽鋼蓋! 不過........

依套煲市售£90，TK Maxx 價原本都要£30.......

只係因為無咗個蓋，而家減到£10!

多年前我為咗整壽喜燒，但買唔到正宗壽喜燒專用鍋，
所以買咗依個24cm 鋁合金易潔淺鍋，
多年下來雖然易潔層尚未剥落，但已有幾條花痕~

依個陶瓷不鏽鋼GreenPan 正好用來取替易潔淺鍋!
大佬~ 減到£10喎! 真係齋買個GreenPan 都抵啦!!
反正我覺得個蓋好醜樣........

屋企已有過百本食譜書，但我仲係忍唔到手...我係咪要斬手指呢?

包裝用絲帶

Mr.T staff 見到我FB 既比卡超棒棒蛋糕， 
想我整10枝比佢既小朋友過復活節，買定d cake pop 包裝~