包羅萬敗

廢話少講! 去相~~~~~~~

一直都好想買Levi Roots 既cookbook，
不過佢本本書都成£20，就算減咗價都要over £10......
早2星期撞正愛丁堡一間特價書店清貨，
依本原本訂價£18.99，而家平到無朋友兼斷六親!!

雖然同自己講過N次要減少買食譜書......
不過一搵到好書，雙手會黐住本書，雙腳會自動行去收銀處!

Mr.T 要求我整多d packed lunch 比佢帶返工!
但佢又唔多鍾意帶小菜...偏偏我最鍾意煮既係小菜.......
依本好多簡單packed lunch 食譜正好比我參考~

之前我仲以為依本Cake Decorating 週刊已完刊，
後來先知原來加咗出版期數!

我唔係期期都買，只買我想要既工具贈品，
依期送既花花翻糖印套組靚到無朋友!

唔鍾意食甜野既我從未食過出奇蛋，
最近出奇蛋出咗Marvel Super Hero limited edition，
唔係間間超市有得賣，Mr.T 想要一套，
所以賢妻阿V捨命陪Mr.T...買! (太甜食唔落......)
仲爭4隻就齊哂一套嘞~

實在估唔到唔鍾意食甜野既我，依隻車厘子軟糖會令我食上哂癮......
情人節到而家只半個月，我已經剷除咗6盒!
相中依2盒就係第5 + 第6盒，已經無鬼哂.......

所以尋日再去入貨! 依隻糖似乎係為情人節而推出，
貨架上清緊貨得返依4盒...4盒比我立哂!!

綠茶葉 - 人參 + 茉莉花~

仍然好愛花花! ❤
雖然我已有一卷Cath Kidston 花花軟尺，
不過依個白底玫瑰一樣好靚，反正好平買來做士啤~

花花絲帶膠紙(即係絲帶質地既膠紙!)

好鍾意M&S 鈴蘭沐浴露既香味，最衰果間店得返一枝...照殺!

買咗個新魚缸比富貴榮華金銀發財......
舊魚缸的確好靚好型，但實在太鬼笨重!
新魚缸款式雖然無咁靚，但輕好多，
而且個缸大d魚魚可以住得舒服d~

新衫一

新衫二


想買一張喺廚房坐既高櫈，所以尋日去IKEA 走咗轉......

買咗依張，可以摺得埋~ 
咁我以後喺廚房做阿茂時唔洗企到腳軟嘞!

本來去IKEA 只係買高櫈，
點知行行吓又搬咗張米色新地氈返屋企~

去完IKEA 問阿姨借咗張會員証去Costco!
依個Panasonic 90"大電視令我流哂口水~~~

戰利品.........

24枝原味葡萄適

上次同99去時買過既地捫勁甜菠蘿~
今次依盒無上次果盒咁甜，不過都好好味!

外表吸引但味道麻麻既壽司拼盆

比超市平好多又靚好多既鴨蛋，一盒10隻，買來醃鹹蛋~

泰國米只得一個牌子無其他選擇，
不過對我來講只要係泰國香米就可以~
而且Costco 賣得的確比所有中超平!

大樽海鹽

一見到依隻鴨仔我即時尖叫!!!!!!!!!!
實在太太太太可愛了~~~~~~ ❤

鴨仔其實係一個大錢罌來!
著咗件兔仔onesie cute 爆~~~~~

蘿柚屹屹仲有條條毛毛尾，超攪笑~~~~