姿整

以前一直都係用易潔鑊，
多年下來我已經受夠越用越倔頭又剷唔起既木鑊剷!
而家轉用咗唔怕刮花既鐵鑊，
我誓要好好享受一下不鏽鋼鑊剷!!

鐵鑊雖好都要不鏽鋼鑊剷扶持!
我承認自己係一個好姿整既人......
上一水28cm De Buyer 煎pan，
我買咗枝Le Creuset 鑊剷來襯返;
今次隻28cm country frypan，
用來炒野既就緊係要配枝中式鑊剷啦!


 
依枝LC 炒唔到野咩? 
炒到~ 仲好好剷上碟添! 尤其煎野更加係一流!!
不過好多時炒野都會有汁，佢有3條罅，只剷到餸剷唔到d汁.......


英國買中式鑊剷選擇非常少!
LC 無中式鑊剷; 朋友用緊孖人牌覺得麻麻地; 
WMF 果枝太平坦兩邊無翹起; 
中國超市有售既木柄傳統中式鑊剷又太醜樣.......

又好彩比我喺TK Maxx 搵到依枝幾啱心水喎!

剷面同傳統中式鑊剷差唔多，夠哂大~
兩邊翹起又夠高，咁用來剷汁先好剷架嘛!

雖然唔係大牌子，但外型 + 質素都唔錯，如果手柄再長少少會更加好!


本來只係打算買隻鑊剷就走人，但兜咗一圈又多咗幾樣野......

矽膠朱古力模

一個模，4個唔同造型~

女人至愛第一位 - 手袋 (Ur 咩屎呀!!!!!!!)

女人至愛第二位 - 鞋

女人至愛第三位 - 香水

至於依個...都唔知乜野來!
Mr.T 話係bling bling 戒指，我估都應該係，
不過我覺得唔似囉!!

想買一個水晶玻璃沙律大碗已經好耐!
之前曾經見到一個，但我覺得太貴唔捨得買，
到我想買時已經賣鬼哂.......今次依個又平又靚呢~

發現一把成把用竹造既怪刀! 好好奇可以用來切乜野?

佢話可以用來切蔬果、麵包、芝士 + 熟肉...等等~
仲話蔬果可以保持唔變色!
不過我只係貪得意買來唸住刻字刻公仔.......

剛過去既星期日(3月23日)陪Mr.T 去咗Scottish Beauty Show 2014~

依個beauty show 係trade only.......

規模都幾大，不過我從來對甚麼護膚美容瘦身tanning...等等療程都無興趣，
只係純粹陪Mr.T 來傾生意!

不過我都有著落喎! 
喺會場申請咗Costco membership，有大盒朱古力做贈品，
以後想幾時去Costco 買野都得，唔洗借人地張會員証~

勁大盒!