手痕DIY

最近有好多攪作...正確來講係好多想攪作!
早排買咗新窗簾，仲未攞部衣車出來改短，
行街見到百貨公司賣既布匹圖案好靚，
又心野野想學整布袋cushion 套......

越唸越心野兼手痕，不過我又未有時間攪部衣車，
暫時整住d小兒科過過手癮先啦~

一對痕手 + 一包彩色鈕扣........

再加一件簡單低圓領黑T...攪掂!

整完件T shirt 之後先搵到依種木鈕扣 + 小蝴蝶結，
本來想再加落件T shirt 度........

不過Mr.T 話less is more...
木鈕扣 + 蝴蝶結就留返下次啦!


領養初二時，寵物店店員話中國倉鼠性格活潑好鍾意擒高爬低，
一直想搵一個掛喺籠頂既懸吊玩具比佢玩~
不過寵物店賣既都好鬼大個......

唔適合咁鬼細粒既初二! 所以我決定自己親手造一個!!

喺寵物店買咗小動物專用來磨牙既柳枝、磨牙木 + 絲瓜囊，
加一卷棉繩...造咗依個吊橋玩具~

希望初二會鍾意啦!

聖誕時Mr.T 買咗一對雙節棍，
作為一個鍾意武術既TB staff 既secret santa gift，
Mr.T 仲叫我喺雙節棍上刻咗對方既中英文名字，
對方收到好鍾意~

果位TB staff 唔止鍾意武術，仲好鍾意武器!
佢唔知喺邊度買咗把射橡筋既木槍，
託Mr.T 叫我幫佢刻個"綽號"上去~

我覺得槍比較襯草書，所以揀咗依種字型~
第一次刻草書字型，本身刻字唔太難，
但弊在木槍上既天然木紋好深，增加難度!
好彩對方對成品非常滿意~

下一個攪作project - 新魚缸~
新魚缸比舊魚缸空間大好多，魚魚多咗地方游動，
但新魚缸外型有點老土...不過唔緊要，
我有辦法令魚缸由老土變型仔!
攪掂後先比大家睇!!