2011第一擊 (2011年1月29 + 30日)

本來由香港一返到來，已經好想即時趁依度新年大減價水尾去放吓血!

可惜天氣 + 身體都唔爭氣，搞到連續幾個weekend 都留喺屋企宅，眨吓眼咁就過咗大半個月，今個weekend 我終於忍唔住要出動嘞~~~~~~

 條街咁鬼凍，2日夾埋只行咗2、3粒鐘收穫不多，但總算不錯!

返尋味 (2011年1月28日)

舊年農曆新年整咗一底蘿蔔糕一底年糕比6299~ 
老公阿姨食過我手勢返尋味，今年託老公問我整兩底蘿蔔糕比佢!  

 一素一葷 - 原本阿姨話只要一底素，後來加碼要多底葷既!

素果底我只加咗冬菇，調味亦改用鹽而唔用雞粉;

葷果底就有蝦米、瑤柱、臘腸 + 冬菇~

V媽媽靚正餸2011 - 1月6日

是晚屋企一家人食飯，V媽媽大顯身!
基本上我 + 老公返親香港，V媽媽都會盡量抽一晚時間煮一餐咁既"勁野"，一家人食一餐飯!

本來依餐老公都有份既! 好衰唔衰原本打算煮依餐飯果晚，個煤氣爐壞鬼咗要搵人來換! 

當時已經係老公留港既水尾，V媽媽一時間arrange 唔到另一晚有時間......老公唯有睇我影既相來想像吓啦! (可憐~~~~)

鮑魚煲老雞; 爆沙魚肚芹菜炒扇貝; 金華火腿蠔汁扣鮑魚; 白切清遠雞; 清蒸金錢斑; 家鄉南乳鴨; 酥炸美國桶蠔; 薑蔥炒蟹; 腰果炒肉丁

唔記得影個湯!  不過連埋個湯，依餐一共有9味餸......

My Beautiful Home

What a beautiful city..........

二人世界清清淡淡二餸一湯 - 2011年1月25日 (附食譜)

腐竹銀杏花生煲豬肚; 冬瓜芹菜炆豆腐卜釀肉 & 豆角炒火腿扒

好明顯我已經真真正正融入咗英國既生活~

因為返咗香港個幾月加上感冒初癒之後，我竟然會掛住英國既垃圾食物!!

V媽媽靚正餸系列 - 冬瓜芹菜炆豆卜釀肉

匪夷所思Sandra Lee

世事真係無奇不有......有好多仲奇到令人搲爆頭!

出版食譜書，甚至上埋電視節目教烹飪，但並唔代表一定識整野食!

架撐 3

回英當日(1月9日)我把握時間，
襯晏晝有空檔時間去咗旺角作"最後衝刺"!

 因為心中一早有哂目標，所以好快搵齊哂所有戰利品!

V媽媽靚正餸2010 - 12月25日, 26日 & 31日

12月25日

聖誕節當日因為唔想出街同人逼，所以我要求V媽媽煮飯!

豬橫脷煲粟米; 冬瓜芹菜豆卜釀肉; 白切清遠雞; 白灼雞腸 & 香煎潮州馬頭魚

全部都係我鍾意食既餸~~~~~~

不能見度 (2011年1月22日)

真係天有不測之風雲!

返咗香港個多月，返到來見之前積雪已溶哂，間中氣溫有成10度分分鐘仲暖過香港，有時仲有藍天白雲......

心想我已經避過咗蘇格蘭今個冬季天氣最差既日子!

可惜返來唔夠幾日就病鬼咗......

 病緊既時候見到天氣咁好，特別心急想盡快好返!

V媽媽靚正餸2010 - 12月15日 + 18日

同大家闊別年多既V媽媽靚正餸終於返來嘞!

久休復出二人世界清清淡淡二餸一湯 - 2011年1月19 - 20日 (附食譜)

蕃茄薯仔湯; 薯仔炆雞翼 & 炒菜心

話咁快又接近1月尾嘞!

對上果次煮飯已經係11月尾，返咗香港咁耐，返到來又即時病鬼咗，足足個幾兩個月無入廚，好鬼手痕~~~~~

薯仔炆雞翼

下火粥 - 皮蛋鹹瘦肉粥

驚喜 (2011年1月18日)

郵差叔叔尋日晏晝(1月18日)又送來一個包裹......


可能依幾日食藥食到溫溫燉燉懵盛盛，初時我仲以為係charity 寄來既宣傳品!

e.g. 間中會收到慈善機構寄來既捐贈衣物收集膠袋~

順手將包裹放喺枱無理到.......

作大 (2011年1月17日)

病足幾日，雖然燒已全退咳又止咗，但頑固既喉嚨痛依然賴死唔走!

連續食咗咁多日止痛藥，食到個人好虛又口淡淡，好鬼辛苦......

以往經驗話我知 - 唔食消炎藥，我既喉嚨痛好難會好!

唔知點解NHS 既GP當d藥好似鑽石咁，唔多鍾意開藥比病人 - 尤其係消炎藥!

多年前一個聖誕假前夕，我喉嚨痛足2星期都唔好，仲有惡化既跡象 - 近喉嚨處既脷頭部份凸起咗幾粒野，每次吞口水都feel 到好似有野黐住喉嚨吞唔到咁......

咁嚴重緊係要去睇醫生啦，點知果個死佬係咁二照照我喉嚨，望咗兩野乜都無問就斷定我係病毒性喉炎，叫我返屋企繼續食止痛藥，一粒藥都唔開比我!

好彩睇完醫生後幾日我放聖誕假返香港，一落機第一時間再去睇醫生，香港既醫生同我講: 2星期都唔好既喉嚨痛係細菌性架嘞，唔食消炎藥唔會好架!!

結果食咗一次藥，喉嚨已經開始消腫!

好心啦~ 唔係病到五顏六色我都唔會去睇醫生啦!

班GP坐喺房度un un 腳睇完症又唔開藥比病人，咁睇來托咩??

太陽手 (2011年1月15日)

果真係人離"香"賤......

 喺香港返來第4日(即星期四)就賴野病鬼咗!
其實一日最衰都係Mr.T!

大雪下的Edinburgh Castle (2010年11月28日)

喺蘇格蘭住咗10幾年，記憶中從來未試過11月就落咁鬼大雪!!

返香港前一日(11月28日)去愛丁堡走咗轉......

 渣車經過Edinburgh Castle 時拍下既雪景~

睇返張相好似好好天 + 唔係好大雪，查實當日我地由Glasgow 渣車去Edinburgh 途中險象環生!!

只係當時暴風雪仲未完全到達Edinburgh......

不過唔夠24小時之後既Edinburgh 就大雪到連機場都要關閉!!

感謝~ (排位不分先後!)

今次返香港好開心除咗可以同幾位認識咗好耐既網友見面之外，仲好感謝各位送我既禮物啊......

林家歐巴桑Gaile

 大咋台灣食品: 蘭陽五農米、麻油雞碗麵、當歸鴨碗麵

孖T回"香"省親2010 - 冬日美食嘉年華 (2010年12月24日)

平安夜當日係首日冬日美食嘉年華，又約咗Mami 阿四一齊去逛!

近年好少聖誕期間返香港，所以我從未去過"冬日美食嘉年華"架!

是日同阿四約好喺天星碼頭等......