V媽媽靚正餸2011 - 1月6日

是晚屋企一家人食飯，V媽媽大顯身!
基本上我 + 老公返親香港，V媽媽都會盡量抽一晚時間煮一餐咁既"勁野"，一家人食一餐飯!

本來依餐老公都有份既! 好衰唔衰原本打算煮依餐飯果晚，個煤氣爐壞鬼咗要搵人來換! 

當時已經係老公留港既水尾，V媽媽一時間arrange 唔到另一晚有時間......老公唯有睇我影既相來想像吓啦! (可憐~~~~)

鮑魚煲老雞; 爆沙魚肚芹菜炒扇貝; 金華火腿蠔汁扣鮑魚; 白切清遠雞; 清蒸金錢斑; 家鄉南乳鴨; 酥炸美國桶蠔; 薑蔥炒蟹; 腰果炒肉丁

唔記得影個湯!  不過連埋個湯，依餐一共有9味餸......

扣鮑魚需時，所以V媽媽前一晚已經要準備定!

鮑魚剛剛扣好時，我已率先穫V媽媽恩賜咗1隻~

 金華火腿蠔汁扣鮑魚 - 我最鍾意依味!!!!!!!!!!

 爆沙魚肚芹菜炒扇貝 - 正!!  d扇貝沉鬼哂喺底......

 白切清遠雞 - 清遠雞好搶手! V媽媽要之前一日特登叫老闆留定一隻~

 游水生猛金錢斑 x 2

 清蒸金錢斑

 家鄉南乳鴨 - 依味係V媽媽指定請客菜來既!

點解隻鴨脾無斬? 因為隻鴨脾係我果囉~

如果老公都喺度既話，我地一人一隻脾架!!

 酥炸美國桶蠔 - 炸咗2桶呢!

 薑蔥炒蟹 - 我集中食哂d蟹蓋! 好多蟹膏架~~~

 腰果炒肉丁 - 依味我決定遲吓要翻一翻!

剛打完依篇blog，獨自沉醉回味ing...