蕃茄薯仔湯; 薯仔炆雞翼 & 炒菜心
話咁快又接近1月尾嘞!
對上果次煮飯已經係11月尾，返咗香港咁耐，返到來又即時病鬼咗，足足個幾兩個月無入廚，好鬼手痕~~~~~
所以星期三晚(1月19日)一精神返，我急不及待要煮飯!
無見Mr.T 差不多一個月，第一眼已覺佢瘦咗好鬼多!
不過以Mr.T 既認知係減磅成功.......所以佢話雖然好掛住我煮既餸，不過叫我唔好煮咁豐富，以免一個月來既減磅成果前功盡廢喎!
加上我啱啱先好返，所以簡簡單單煮餐清清淡淡既二餸一湯啦~
食藥食咗咁多日，搞到成個人口淡淡，酸微微既蕃茄薯仔湯好開胃!
不過老公買多咗一個薯仔......
依度超市薯仔 + 雞翼都好鬼平，依個餸名符其實經濟又好送飯~
老公似乎真係好掛住我煮既飯!
雖然佢只食咗一碗飯，但就好比面食咗好多餸 + 飲咗2大碗湯!!
2011年1月20日
依排食得西藥多好鬼燥又口淡......
喺英國買皮蛋雖然好鬼貴，不過就好鬼靚 - 幾乎每次到既皮蛋都係溏心既!
蕃茄薯仔湯食譜click here~ 薯仔炆雞翼食譜click here~ 皮蛋鹹瘦肉粥食譜click here~
1
回覆刪除[版主回覆01/22/2011 02:11:00]
好靚呀隻皮蛋!!! 我無見到d咁靚既皮蛋.. 次次都係d最普通溏心都無既皮蛋... 我好鍾意食皮蛋瘦肉粥架!! 又好味又下火!! 薯仔我又鍾意!! 你呢餐久休復出真係好o岩我胃口呀!!
回覆刪除[版主回覆01/22/2011 02:07:00]依度買親皮蛋都係溏心架! 不過就好少見到松花~ 不過其實唔係溏心皮蛋都好好食既!
淨係鍾意薯仔呀? 咁雞翼呢??
Wow..very informative about how 皮蛋got those 松花.
回覆刪除[版主回覆01/22/2011 07:28:00]thanks friend~ ive read an article abt it on newspaper before.
您唔講我都唔知有松花皮蛋～ 不過松花好似落雪既雪花呀
回覆刪除[版主回覆01/22/2011 07:27:00]松花皮蛋係皮蛋中既靚野來架! 裡面溏心仲好靚架~
Mr.T果餐之後磅數應該返咁d黎
回覆刪除松花皮蛋我第一次見,好靚呀
妳近排除咗食藥燥之外,應該仲有一曇野令到妳更加燥,所以碗粥係唔足以比妳降火
[版主回覆01/22/2011 19:19:00]哈哈~~~ 一餐應該無咁快重返! 等我煮多幾餐啦!!
松花皮蛋好少有架! 今次花紋好現~
超~ 果曇野我話知佢吖! 不過佢倒返轉來惡人先告狀的確係幾燥架! 真係想成碗粥兜頭淋佢來降火!!
我好中意食皮蛋...細細個就識點揀靚皮蛋....
回覆刪除不過E+既皮蛋真係冇以前咁靚囉~~
[版主回覆01/22/2011 19:16:00]係? 咁我咪好好彩?? 我買親都係溏心架! 不過就好少有松花~ 而且我地依度一盒盒pack 好，無得逐隻揀架!
薯仔雞翼好正呀﹐不過如果我食薯仔就食唔到好多飯。 見到你碗粥攪到我都好想食粥添﹐ 不過我連我最想食既咸荳漿都未整~
回覆刪除[版主回覆01/22/2011 19:14:00]哈哈~~~ 我集中食雞翼嘛!
煲粥啦~ 天氣凍食熱辣辣粥最好!
長命功夫長命做~ 等妳有mood 時先整鹹豆漿囉!
點解英国都有瑭心皮蛋咁正既?
回覆刪除我係HK都唔知边度有 (except 鏞記)
[版主回覆01/22/2011 19:59:00]我依度買到既皮蛋，全部都係英國本地生產架!
每一次都係溏心，同鏞記果d有得揮架!
V女廚房重出江湖~~~~
回覆刪除[版主回覆01/22/2011 19:58:00]係呀~ 係呀~ 久休復出嘛!
V女 隻皮蛋有花紋 好靚呀 !!!! 祝你 快的好番 入廚房煮好餸 ^^
回覆刪除[版主回覆01/22/2011 23:44:00]松花皮蛋好少有架!
我已經好返哂嘞~ Thanks Katie!
聽日會去食壽司慶祝自己好返~ 所以最快星期一先會再煮飯!
呢味餸我都好中意食 !!!
回覆刪除[版主回覆01/22/2011 23:43:00]依味又平又好送飯架!
係咪著住o個條全球唯一一條既靚爆圍裙煮餸呢?
回覆刪除快d好番呀 ~ Take Care
[版主回覆01/22/2011 23:42:00]係呀~ 不過果晚唔記得著住來影返張相! 下次補返~
已經好返哂嘞! 多謝關心啊~
請問你老公點減肥咖
回覆刪除[版主回覆01/23/2011 20:50:00]佢無刻意去減果喎! 我返咗香港個幾月，無人煮飯比佢食，佢食無定時鍾意食就食，唔食就唔食......咁咪自然瘦落來囉!
嘩~ 隻皮蛋真係好靚呀! 我尋日去譚仔食米線都叫咗碟皮蛋小食呀~
回覆刪除好奇怪我以前唔食皮蛋架喎, 係近幾年先開始食咋, 可能年紀開始大, 口味都變埋! 哈哈~
[版主回覆01/23/2011 20:48:00]松花皮蛋係皮蛋中既極品，不過比較少有~
我未食過譚仔d皮蛋呀! 不過鏞記既皮蛋酸薑都唔錯架~
皮蛋有雪花都係第一次見咋，我一定要 show 俾我老公睇吓。
回覆刪除我以前都唔食皮蛋，不過近年食吓食吓又覺得 ok 喎，我有時去傷心辣粉都會點尖椒皮蛋，好鬼好味架
[版主回覆01/25/2011 19:51:00]松花皮蛋係皮蛋中極品來架! 隻隻溏心，不過比較少有~
我無食過傷心酸辣粉呀~ 不過弼街果檔重慶酸辣粉就一食上哂癮!! 正~~~~~
今晚又煮下飯仔先~~參考拉~~~多謝靚靚V太 >@< 新婚新廚要慢慢學呢><
回覆刪除[版主回覆01/25/2011 19:49:00]唔洗客氣!
祝妳新婚快樂，永遠恩恩愛愛幸福快樂啊!
咁我下次經過弼街都要試吓先
回覆刪除[版主回覆01/29/2011 19:38:00]如果妳鍾意食酸辣粉既話，一定要試弼街依檔! 好多人話係全港最正既酸辣粉!! 唸起都流口水~~~
俾你咁樣講一講真係唔試唔得啦，有人話我知，因為川菜入面嘅香料有類似大麻之類嘅成份，所以會令人食上癮，唔知係真唔係。
回覆刪除[版主回覆01/29/2011 20:21:00]妳似乎聽得太多urban legend......當佢就算真係有大麻，邊有咁容易個個一食就上癮吖!