2011第一擊 (2011年1月29 + 30日)

本來由香港一返到來，已經好想即時趁依度新年大減價水尾去放吓血!

可惜天氣 + 身體都唔爭氣，搞到連續幾個weekend 都留喺屋企宅，眨吓眼咁就過咗大半個月，今個weekend 我終於忍唔住要出動嘞~~~~~~

 條街咁鬼凍，2日夾埋只行咗2、3粒鐘收穫不多，但總算不錯!

 用咗幾年既Lakeland 白色洗碗手套 (屋企已經無哂存貨，第一時間去入返3對!)

 鍚紙盒 + 蓋 (真係衰~ 盒同蓋竟然要分開來買!! )

 白色瓷egg holder (放蛋都放得靚d嘛! 嘻嘻~~~ )

 Le Creuset Granite 方型焗盆

好多時睇電視烹飪節目，都會見到名人廚師個廚房掛滿copper cookware (紅銅廚具)，感覺好靚又好pro!

搞到我都好想擁有一隻copper 放喺V女廚房裡面扮pro!


不過copper cookware 價錢貴到令人O咀咋舌 - 比cast iron cookware 既價錢更"拿脷"! 就算真係擁有咗，用來煮野野恐防會好有壓力......

例如:

依個16cm copper casserole，煲身連蓋都係copper，煲柄就係bronze (青銅)，咁鬼細隻煲仔竟然要 £182 - 約$2260港紙!!!! 

前日(1月29日)喺TK Maxx 見到來咗批copper cookware......

有好多28 + 32既frying pan，價錢全部幾十鎊就有交易，真係好鬼吸引!

不過鑊......我已經有好鬼多!!

 所以最後揀咗隻16cm casserole~

 細細隻的的式式好鬼cute 好可愛~ 本週best buy!!

依隻同上面£182 果隻差唔多大細，煲柄係不锈鋼 + 煲蓋係玻璃~

 不過價錢就相差好鬼遠! 依隻舢板都可以充吓炮艇架~~~~~

 Mango 買既樽領半袖冷衫

 雖然我喺香港返來重咗磅，不過託賴我仍然係著細碼!

>>>>>>>>>>>>>>>>>>>>>>>>>>>>>>>>>>>>>>>>>>>>>

尋日(1月30日)行完街去咗昆仲軒打邊爐......

原來佢地到咗5、6月會暫停供應打邊爐，直至冬天先做再做返~

今年佢地學人地大家樂咁有一人一火鍋呢!

 不過我 + 老公見到果個煲仔覺得把鬼，所以照舊要個大鍋!

今年既打邊爐比往年多咗好多野食......

 冷盆小食多咗好多野食......

麻辣雞腿、怪味雞、鹵水鴨翼、鹵水牛腱、白雲鳳爪、麻辣青瓜、開味牛筋、芹菜牛柏葉、鹽水雞腎、涼拌海藻、醃酸蘿蔔......等等~

 隻隻手板咁大既即開生蠔......

langustine, 蘇格蘭蟶子皇......我9唔搭8將絲瓜放埋一齊~

豬牛羊雞肉、豬心、迷你魷魚、魷魚鬚、田雞腿、大蝦、三文魚刺身、豆腐、玉子豆腐、枝竹、蘿蔔片、蓮藕片、冬瓜件、髮菜魚蛋、冬蔭魚蛋、日式炸魚餅、炸魚條片、龍蝦丸、牛丸、牛筋丸、蝦丸、墨魚丸、豆腐乾、莞茜、菜心、菠菜、西蘭花、芥蘭、紹菜、烏冬麵、油麵、生麵......

掛住食都無乜點影相，只憑我記憶回憶一下有咩食......不過肯定唔止上述咁多食物! 而且全部都係任攞喎!!

另外仲有白粥、西米露、紅豆沙 + 各種蛋糕點心，再加每枱奉送一籠好好食既饅頭!!

 依個軟綿綿面頭酥脆，裡面有少量奶皇餡既包包非常好食!  可惜我唔知係咩名......

依餐我 + 老公名符其實飽到上心口! 我地好鬼滿意~

完全彌補返哂上星期五果餐把鬼YO!Sushi!! (網誌)

1月英國加咗VAT，加到20%......雖然依餐打邊爐都加咗價成每位£20，不過物有所值條氣係鋸既!

好一個買飽食醉既weekend 啊! 呵呵~~~~~~~