聖誕節當日因為唔想出街同人逼，所以我要求V媽媽煮飯!
豬橫脷煲粟米; 冬瓜芹菜豆卜釀肉; 白切清遠雞; 白灼雞腸 & 香煎潮州馬頭魚
全部都係我鍾意食既餸~~~~~~
本來仲有炸桶蠔 + 煎廚師腸，不過因為V媽媽買冬瓜 + 豆卜買多咗，所以炸蠔 + 廚師腸入咗雪櫃唔整住!!
唔知大家有無發現一樣野 - 我從來未煮過冬瓜!
其實我本身唔算好鍾意食冬瓜，不過間中都想食吓~ 但依度唔係時時有靚冬瓜賣，而且買親都要買一大舊，加上老公又至憎冬瓜......咁點整呢?
今次返香港我好鍾意V媽媽依味冬瓜芹菜豆卜釀肉，所以叫V媽媽encore 咗一次!
(今日喺泗和行咁啱見到有芹菜 + 冬瓜賣，買埋包豆腐卜準備老翻依味餸!
)回正題......
我超鍾意食豬橫脷，V媽媽買足3條豬橫脷來煲依煲湯，3條都比我食哂!!
(依度只得半隻雞，另外半隻V媽媽用來醃鹹雞~)
我好鍾意食白灼雞腸，用來沾加咗胡椒粉既豉油......正!!
我由細到大都好憎食馬頭魚! 硬係覺得馬頭魚有一陣怪味......
V媽媽極力游說我依隻潮州馬頭係無怪味既!
好吖~ 一試無妨吖!
反正我都未食過!!
1. 唔洗打鱗，洗淨瀝乾水後用少許鹽略醃一陣。
2. 燒熱油鑊爆香蒜蓉 + 薑絲，下魚煎香兩面至乾身。
3. 下少許生抽讓魚兩面沾勻，魚上碟。
4. 原鑊下切碎莞茜和蔥花略略爆香，鋪在煎好的魚上即成。
(以上食譜係憑我記憶加少少靠估而成!
)>>>>>>>>>>>>>>>>>>>>>>>>>>>>>>>>>>>>>>
12月26日
醃鹹咗既清遠雞依然咁有雞味，另有一番滋味!
蒸之前要用粗鹽醃一晚過夜，沖乾淨多餘鹽份後瀝乾，再用薑末 + 蒜蓉去蒸。
是晚V媽媽又無整我買果包廚師腸 - 因為佢唔記得溶雪喎!!!!
>>>>>>>>>>>>>>>>>>>>>>>>>>>>>>>>>>>>>>
12月31日
是晚V媽媽本來唔想煮想出街食~
不過我唸大除夕應該周圍都好多人出街食飯，會好晏先有位!
而且我第二日要早起身，所以我唔想出街食!!
咁啱屋企有3條醃緊既大眼雞，原本完全無準備煮飯既V媽媽，臨時臨急去斬料火速搞掂3餸1湯!
>>>>>>>>>>>>>>>>>>>>>>>>>>>>>>>>>>>>>>
V家一向好鬼夜開飯.......
所以有時我話咗唔返屋企食飯，但返到屋企我一樣會埋位食餸!
(而且多數都會裝埋飯!!
)
正正正正正正正正正正!!
V囡果三條吾係叫馬頭魚亦都吾係叫潮州馬頭魚呀...係青衣魚黎架....
回覆刪除[版主回覆01/24/2011 19:00:00]有無搞錯呀? 緊係唔係青衣魚啦! 青衣藍藍地綠綠地架嘛!!
依幾條真係潮州馬頭來架~ 連魚檔檔主都話係潮州馬頭，佢仲讚V媽媽識貨，因為潮州馬頭好少有!
睇到我留晒口水，啲餸我都好鍾意食，尤其係馬頭魚
回覆刪除呀
[版主回覆01/24/2011 19:12:00]普通馬頭魚我好憎架! 不過依種潮州馬頭肉好嫩又好爽滑~
V媽煮餸咁好味 唔怪得V女你話肥左啦 ^^
回覆刪除見到你碟恨食左好耐既廚師腸添 !!!!
[版主回覆01/24/2011 19:11:00]係呀~ 尤其有時我同朋友食完飯返到屋企，抵受唔住V媽媽煮既餸既誘惑再食多一餐.......咁有咩辦法唔肥咗吖!
I...am...hungry...
回覆刪除Mrs T, 蜜汁雞軟骨你知怎樣整嗎?我老公好鐘意雞軟骨的,想整比佢食吓! Thanks!!! I'm hungry too..........
回覆刪除[版主回覆01/24/2011 19:09:00]等我問吓V媽媽之後再post 食譜出來吖~
妳真係好鐘意食內臟喎!
回覆刪除[版主回覆01/24/2011 19:08:00]係架~ 由細都已經好鍾意食! 尤其英國無得賣既內臟~
其他我唔講, 淨係一包咁平凡嘅腸仔都可以整到睇見張相都覺得好正喎, 真係大師傅! V媽媽, "你好勁呀!!!"
回覆刪除[版主回覆01/24/2011 19:07:00]好簡單煎熟包廚師腸再淋荔枝蜜啫~ 不過真係好好食!
真係睇到 , 尤其個 煎蛋肉碎粉絲湯同雞軟骨, 好好味咁, 好想食呀~~ 今次有你做實 Q, V 爸唔會再大頭蝦啦~~
回覆刪除[版主回覆01/24/2011 19:07:00]個粉絲湯我遲d試吓老翻! 不過個雞軟骨就無得試嘞，因為我依度無雞軟骨賣~
如果今次V爸爸再一次倒咗V媽媽煲牛腩，我唸實行家變都有之.......
V媽收唔收契女呀?? 我第一個報名!!!
回覆刪除[版主回覆01/24/2011 19:42:00]sorry~ 依個位類似AE黑卡不接受申請，只有關單位自行主動邀請人選!
我想妳老翻V媽媽所有餸喎....
回覆刪除好彩有人而家都冇得食啫
[版主回覆01/24/2011 21:19:00]今晚準備老翻2味!
喂喂喂衰鬼~ 大家坐埋同一條船喎!
新年我地都要買隻清遠雞食,如果食唔哂重可以醃鹹煲雞粥呢
回覆刪除V靚女，真幸福！ 豬橫脷來煲依煲湯未飲過？唔知幾時我有機會返香港叫我媽咪㷛呢？？ 我流晒口水呀！全部我都好想食！
回覆刪除[版主回覆01/24/2011 23:04:00]豬橫脷煲湯好有益架! 以前我依邊都有急凍豬橫脷賣，我都買過來煲湯(好過無嘛!)，可能後來佢地見無咩人買，而家無得賣咯......
好彩你睇實咋xdd
回覆刪除一陣又比V爸當湯渣倒就心痛啦=D
[版主回覆01/25/2011 00:28:00]緊係! 如果又比V爸爸倒咗，咁咪連我都無得食!
好耐無黎呀~ 湊住兩個女真係連上網都唔得閒.
回覆刪除呢一刻食緊隔夜旦糕的我, 淨係睇你d 食物相都超級肚餓..個雞軟骨好似好惹味咁~~係咪要炸0架? 定係一路"兜" 熟0架??
[版主回覆01/25/2011 19:36:00]遲來既新年快樂啊Grace~
個雞軟骨唔洗炸架! 有其他網友都想要食譜，等我問清楚V媽媽點整後post 食譜上來吖~
V媽果然係高手~ 唔怪得你煮野食都咁叻啦~ 但點解我遺傳唔到媽咪D功力架....
回覆刪除好想知道雞腸 & 蜜糖雞軟骨點整呢~ ^^
[版主回覆01/25/2011 19:34:00]多謝吉比太太讚賞! 不過自問仲未學到V媽媽一成功力呀...... 小妹仍需努力~~~~
等我問清楚V媽媽點整依兩味餸再post 食譜出來吖!
V媽媽煮咁多好味既餸 , 睇見都好想食呀 , 由其係牛腩瀨粉 ! yummy . . .見到妳想食好耐既廚師腸 , 整到好靚 , 仲加埋蜜糖 , 一定好野味 !
回覆刪除[版主回覆01/25/2011 19:32:00]V媽媽整既每樣餸都好正架!
廚師腸簡簡單單已經好好食! 加蜜糖似BBQ咁架~
牛腩瀨粉多蔥..................超正啊~~我見到仲以為你出街食~~ 永合隆係我家附近啊，個度D叔叔都認得我架~~
回覆刪除[版主回覆01/25/2011 19:31:00]V媽媽整既牛腩瀨仲好食過出街食呀!
原來妳都係永合隆熟客仔! 佢地d燒肉真係無得彈~~
我都好想食新鮮雞腸.....
回覆刪除[版主回覆01/25/2011 19:28:00]我都好想再食.......
我都好鍾意食雞肉腸呀....我覺得呢度d英國腸太大條同埋好似食緊成舊肉貢....
回覆刪除[版主回覆01/25/2011 19:28:00]英國既腸種類係多呀，但同廚師腸完全係兩回事來! 都唔知點解中超唔入貨???
阿 V 返到黎大吃大喝 , 而家一定又掛住 V 媽既手勢啦 !
回覆刪除[版主回覆01/25/2011 19:27:00]我任何時候都會掛住V媽媽手勢架!
流晒口水... 除左馬頭外樣樣我都鍾意.... 尤其咩腸物腸....豬牛雞鵝魚...全like
回覆刪除[版主回覆01/25/2011 21:04:00]依隻馬頭係係潮州馬頭，同普通馬頭唔同架! 肉好滑又好爽，好好食架~
D餸好吸引
回覆刪除[版主回覆01/25/2011 23:14:00]代V媽媽多謝妳啊bv~
個個餸都好吸引呀
回覆刪除我未食過馬頭魚,個樣好得意呀.
下次見到呢隻魚一定要買黎試下先!
[版主回覆01/26/2011 22:10:00]依隻唔係馬頭魚呀! 係"潮州馬頭魚"呀!!
馬頭魚 + 潮州馬頭魚 - 係兩種唔同魚來架!! 肉質完全唔同架~
好想學V媽個煎蛋肉碎粉絲湯呀!!!
回覆刪除[版主回覆01/26/2011 22:06:00]遲吓我會試吓整依個湯~
嘩! Mrs.T 妳V媽D餸真係超吸引呀?!我一路睇一路吞口水呢,真係失體晒....!不過齋睇都好令人回味啦!好多謝分享呢......
回覆刪除[版主回覆01/26/2011 22:05:00]代V媽媽多謝妳啊汶~新~Mama!
不過今次返香港V媽媽煮最正果餐仲未post 啊~
Mrs. T
回覆刪除D餸好正呀 特別係個 牛腩
可五可以教我點煮? 謝謝
[版主回覆01/26/2011 22:03:00]牛腩食譜我都有呀: http://hk.myblog.yahoo.com/veronicams_tsim/article?mid=1709
Hey V gee!!! Didn't leave u a message for a long time ! but i want to share with u !!!! good news ! my friend brought something taste like 廚師腸 in manchester's ASDA !!!!! its from india ! but i tried it b4 , it taste the same as 廚師腸 !! pack like it as well ! so u can try finding it u the freezer !:) not like the frank futhers in UK !!! frank futhers in Uk taste ok but not as nice as 廚師腸 !!!! maybe u should go to ASDA to check it out !!! :) hope u can find some near ur house !!! and i want to say thank you so much because ur blog help someone like me a lot !!! because i m a 小師奶 in UK ! hahahahahaha ur blog give me soooooo many ideas !!! thank you V ! sorry i m always hiding instead od leaving cm to u a ! :) take care xxx
回覆刪除[版主回覆01/26/2011 22:01:00]thank you for leaving me such a long cm! also thanks for your support again, no need to say sorry la!
re the sausages - thank you very much for letting me know! i'll def check it out!!
btw anyway pics of what does the packing look like?? ta~
V媽媽啲餸真係正
回覆刪除[版主回覆01/26/2011 21:53:00]Thanks Bobo~
哈,原來唔同架,咁我要認清楚先得啦.
回覆刪除唔係下次買錯左做馬頭魚,以為係潮洲馬頭魚
[版主回覆01/27/2011 19:20:00]我上面都有講我好憎普通馬頭魚! 不過依種潮州馬頭就好鍾意~ 潮州馬頭好少有得賣架!
V媽 is a really good cook, everything look so delicious. I haven't eat 大眼雞 and 廚師腸 for a long time, don't think they sell it here
回覆刪除[版主回覆01/28/2011 18:40:00]yes V mama is the best of the best!
no la~ ive been here for over 10 years, never seen 大眼雞 + 廚師腸!
回覆刪除好想食呀~~~~點整架?
[版主回覆01/28/2011 18:38:00]依個得我問吓V媽媽先!
冬瓜除煲湯同湯飯之外﹐我都係未用黎煮過送架~ 原來鹹雞可以自己醃架? 我都想試醃呀~ 原來你屋企晏開飯架? 咁你係英國食晚餐都係七點後?~ 我晚餐食得好早﹐一係就冇心機食﹐ 不過的現代德國人食得越黎越晏﹐ 九點半到十點半先開餐都大有人在。
回覆刪除