2011年1月24日星期一

匪夷所思Sandra Lee


世事真係無奇不有......有好多仲奇到令人搲爆頭!

出版食譜書,甚至上埋電視節目教烹飪,但並唔代表一定識整野食!

最近從某個英文blog 中知道美國Food Network 電視台,有一個叫做Sandra Lee 既烹飪節目中女主持~
Sandra Lee 除咗喺Food Network 有自己既烹飪節目之外,仲一系列個人食譜書著作 + 雜誌!

我留意佢並非因為佢己4張幾野仍然打開胸口露出大大條事業線喺電視教烹飪.........

而係因為我好詫異Sandra Lee 貴為一個celebrity chef,觀眾對佢既評價,甚至Food Network 官方網頁上既comment,全部一面倒彈到佢既食譜一文不值!

更令我覺得意外既係 - 彈佢既人當中除咗觀眾之外,連同台Food Network 其他烹飪節目主持人都曾經暗串或明串Sandra Lee 無料到!!

好奇心驅使下,我搵咗d Sandra Lee 烹飪節目既片段睇吓佢有幾無料到!

佢獨創Semi-Homemade - "一半自家製"依個概念,即主張用方便現成材料,快手做出各種食物......

佢話就話係70%現成包裝食材e.g. 罐頭、雪藏食品,另加30%新鮮材料~

但我眼見佢用既幾乎係100%現成包裝食材 e.g. 整蛋糕用既係超市有售預拌粉;  最O咀連蛋白都係用冷藏紙包蛋白液!!

真係食防腐劑都食死你!!!

佢果個所謂"電視烹飪節目",實際上只係示範點樣將各種九唔搭八既現成材料撈來撈去,變成一pat 賣相騎呢核突到令人噴飯 + 反胃既.......野!

(我有理由相信 - 上面張相佢捧住果隻燒雞並非出自佢手勢!! )

Sandra Lee 既傑作包括:

成品激似一pat 巨型米田共既Meatloaf

 

見到上面依pat 野,你仲有胃口嗎?




Baked Potato Ice Cream



一pat 扮哂焗薯但又扮得唔似既現成雪糕 - 我真係虧佢唸得出!

佢根本完全無"烹"過任何野......

果pat 半溶既現成雪糕比佢搓完禁完一輪再放返入冰格來雪,唔食物中毒真係偷笑!!



Balsamic Melon Salad



現成切好哂兼包裝好既西瓜、蜜瓜 + 哈蜜瓜,用橄欖油、意大利陳醋、黑胡椒、綜合chilli pepper (茴香, paprika, 洋蔥, 鹽, 蒜頭)撈勻,再灑上切碎九層塔......

依個同周星馳既"辣絲腐乳西瓜"簡直係異曲同工 - 完全係亂來!!




我之前一直認為 - 食物賣相並唔重要,最緊要係食物既味道~

不過當我睇完Sandra Lee 其他經典作品之後,徹底改變咗我以往依個唸法!

 Kwanzaa Cake (真係唔知講咩好......)


 Sensuous Chocolate Truffles (攞依幾pat 野來招呼朋友? 咪玩啦!!)


 Single Layer Birthday Cake (如果我生日收到個咁既蛋糕,都唔知應該喊定笑?)

 Christmas Crescent Ring (個邊邊已經溶鬼哂......)


 Life's A Beach Cake (WTH!?!? )

 Doughnut Tree (What was she thinking?? )

以上全部相片均來自Food Network 官方網站~

大佬~ 咁既水準都敢出食譜書 + 主持電視烹飪節目......

實在係勇氣可嘉!!

最匪夷所思既係...竟然有捧場客果喎!

不過大部份試過佢食譜既人都會賴野......

我 + 老公齋睇相 + video 之後既反應都係 ---->




49 則留言:

  1. 真係無話可說
    [版主回覆01/25/2011 19:09:00]無話可說 + 無眼睇!!
     
     

    回覆刪除
  2. 佢食譜書係咪自資出架?電視台無chef上去拍嘢呀?
    [版主回覆01/25/2011 19:08:00]依個我唔知呀~ 不過佢男友係美國政府高層,非常有勢力!
     
    其實Food Network 都有真正有料既人架! e.g. Alton Brown, Ina Garten~ Sandra 真係屬異類......
     
     

    回覆刪除
  3. Kanny...yan's Blog2011年1月24日 下午6:53

    個 Baked Potato Ice Cream真係唔知佢想點...
    [版主回覆01/25/2011 19:02:00]果大pat 野一定甜到嘔白泡......
     
     

    回覆刪除
  4. 我睇大標題以為你講鬼古~~~不過佢煮d嘢 都—樣咁驚嚇!
    [版主回覆01/25/2011 19:01:00]佢煮d野仲恐怖過鬼呀~~~~~
     
     

    回覆刪除
  5. 妳形容佢D制成品一 pat pat , 非常貼切 .
    [版主回覆01/25/2011 19:00:00]除咗一pat pat 之外,我真係唸唔到另一個形容詞去形容Sandra Lee 整既食物形態......
     
     

    回覆刪除
  6. 仲衰過教小朋友整野食既兒童節目呀!
    [版主回覆01/25/2011 18:59:00]我敢肯定大把十歲以下既小朋友都整得靚過佢整既多多聲!!
     
     

    回覆刪除
  7. 嘩 V女 ~~~
    我真係睇到 "O晒嘴" 囉 ~~~!! 第一段 "米田共" 一CLICK入去已覺得好嘔心 ~~  第二段既雪糕扮焗薯 .... 想C咁滯添 ~~~ 跟住果段 ... 我已經無勇氣再睇 ...... 淨係睇相都夠爆 ........... 只係佢係香港播出街 . 我諗唔使幾分鐘 全港市民不停打電話去投訴囉  哈哈 !!!!!
    [版主回覆01/25/2011 18:58:00]果大pat 米田共入焗爐之前我已預咗會出事架嘞! 不過出爐後都忍唔住打咗個凸!!
     
    哈哈~~~~ 就算香港市民打電話去投訴,我唸都比壹周東周寫到飛起啦!!
     
     

    回覆刪除
  8. 嚇死街坊!! 呢d 就係自信心爆棚的美國人
    [版主回覆01/25/2011 18:54:00]佢整d野真係好嚇鬼! 打死我都唔會放入口!!!
     
     

    回覆刪除
  9. 無得頂....!! O 晒咀啦....
    [版主回覆01/25/2011 18:54:00]佢直情係"世外高人".......
     
     

    回覆刪除
  10. 睇完呢位auntie我開始覺得自己整d野都唔太差 . 佢似係做緊減肥節目多d wor, 睇完佢pat野仲有胃口食飯既
    [版主回覆01/25/2011 18:53:00]我相信絕大部份人睇完Sandra Lee 既作品,都會自信心大增!
     
     

    回覆刪除
  11. 唔好意思, 打完下面段字先load得哂d相, 原來仲有下文
    喂佢全部d野都1 pat pat既, 插幾支香燭係pat泥度拜山呀佢
    [版主回覆01/25/2011 18:52:00]係啦~ Yahoo 今次整完load 野慢咗好多!!
     
    佢d野真係全部一pat pat 架,我唸要用匙羹來食囉~
     
    哈哈~~~ 果幾枝粗腊燭真係好似拜神用果d喎!!  (尤其紅色果幾枝!!)
     
     

    回覆刪除
  12. 見到都唔多開胃,直頭想 .......
    [版主回覆01/25/2011 18:48:00]賣相就算唔靚都應該有個譜! 核突成咁真係佢有勇氣煮,我無勇氣食........
     
     

    回覆刪除
  13. OMG....
    what the hell is she doing there..
    [版主回覆01/25/2011 18:47:00]she should be on the comedy channel! def not the Food Network~
     
     

    回覆刪除
  14. 佢真係完全唔掂!
    我一路睇一路"O哂咀"
    睇完D相都唔知佢想點...佢D制成品全部都係一pat pat
     
    [版主回覆01/25/2011 18:46:00]真係睇到都唔開胃!
    莫講話要食落肚.......
    賣相唔靚都有個譜吖!
    無理由核突成咁架嘛!!!
     
     

    回覆刪除
  15. 佢係咪有後台有人撐GA? 如果唔係點解可以做成咁都可以出書? 我相信佢本書個隻雞...係超市買番來! 珮夫人
    [版主回覆01/25/2011 18:44:00]珮夫人心水好清喎!
    佢之前同一個6張幾既慈善家結婚後離婚; 現任男友係美國政府高層......原因呼之欲出啦!
    我都覺得隻雞好大可能唔係佢整既!!!
     
     

    回覆刪除
  16. Gaileは林家歐巴桑2011年1月25日 上午12:31

    唔通個節目係攪笑既
    現成都攪成咁,跟佢煮真係浪費食物
    [版主回覆01/25/2011 18:42:00]係啦~ 個台有名妳叫Food Network,點會咁既水平架? 佢真係去comdey channel 就差唔多~
     
    我上網睇觀眾留既comment 好好笑架! 有d話跟佢食譜煮咗出來,比老公笑到面黃; 有d試咗一啖食唔落比隻狗狗,但狗狗聞咗2野就掉頭走......
     
     

    回覆刪除
  17. 嘩! Mrs T, "去"好"正"呀!顛得幾"均循"。好似我細個,“親”阿媽唔係屋企,將D食物亂搞亂煮!但美國過邊都好惦陪“去”一齊顛。唔知個邊係唔係market太大,包容性較大!所以人人都可以出書做明星?          
    [版主回覆01/25/2011 18:39:00]我老公睇完除咗狂笑之外,就係話"佢應該係黐線既"!
     
    妳唔好話呀~ 真係十歲以下既小朋友,大把都整得靚過佢多多聲架!
     
    佢之前同一個6張幾既慈善家結婚後離婚; 現任男友係美國政府高層......咁大家知咩事啦!  (不過佢男友唔怕比人笑既咩!!?!?)
     
     

    回覆刪除
  18. 佢好似本來係cater。
    [版主回覆01/25/2011 18:35:00]應該唔係~ 佢原本喺QVC shopping channel 度做賣野主持!
     
     

    回覆刪除
  19. 真係吾似有料喎 !
    阿 V 叻佢多多啦 !!!
    [版主回覆01/25/2011 19:26:00]多謝Eddy 兄美言! 今次小妹欣然接受讚賞,自覺當之無愧架!!
     
    因為佢唔係"唔似有料",而係非常明顯地"無料!!
     
     

    回覆刪除
  20. Mrs T, 我相信“去”男女唔怕比人笑, 因為美國成日出D所謂既American idol , 都係九唔八!好似William Hung甘, 唔笑餐死都make度D noise 出黎!咪當”去“女友成功囉!
    [版主回覆01/25/2011 19:23:00]講真果咋乜乜idol 紅得幾耐吖? Willian Hung 依d都係一剎那光輝~ 但Sandra Lee 長註Food Network 台,仲已經出咗超過20本著作....... 奇 !!
     
     

    回覆刪除
  21. ....一句到尾,去真係"正", 振興美國經濟都係靠"去"!我都係悌返Nigella Lawson好D,最多跟去煮,會肥死,但唔會食或呵死!
    [版主回覆01/25/2011 20:04:00]雖然我都唔係好鍾意NL,佢整d野有時美其名簡易,但其實係好鬼懶; 不過有時又好複雜,但至少佢係識煮野食既! (好妒忌佢放食物果間房!! )
     
    不過跟NL整完野食,記住要"瀨"乾淨哂10隻手指喎!  
     
     

    回覆刪除
  22. 其實不嬲都覺得你講野好搞笑但無留言,不過今次要支持下

    回覆刪除
  23. “去”好鬼“正”呀!我以前係香港賣"去"D餐具時,我老板特別叫design同事幫去做個POP (point of purchase)cardboard, 指明要特顯去個巨胸,同時播去既DVD, 等D客見到去一路煮一邊偷食!

    回覆刪除
  24. 嘩.. 睇完真係嚇人一驚!! 如果佢都算係廚師既話... 咁我一定係米芝蓮頂級 廚師... 佢呢D真係小朋友玩泥膠都仲靚D啦.. 反正都係唔食得.. 起碼睇得丫.. 佢D書唔會有人買掛..
    [版主回覆01/25/2011 23:01:00]再嚇多妳一嚇! 根據wiki 所講 - SL11歲果年父母離婚,佢 + 其他兄弟姐妹跟grandma 住,佢已經開始負責買餸煮飯比全家人喎!  即係由佢11歲開始到而家4張幾,都完全無進步過!!
     
    我敢寫包單10歲以下既小朋友大把整得靚過佢整既!! 我唔知佢d書有無人買,不過SL 已經出版咗超過20本食譜書......(真係唔知佢憑咩!!?!? )
     
     

    回覆刪除
  25. oh my god!!! gum 都可以係chef 以家終於明白點解美國gum 多肥人la
    [版主回覆01/25/2011 22:53:00]妳似乎有少少miss 咗個point~ 其實好多人都覺得佢好唔掂! 好多人試整佢既食譜,結果係一啖都食唔落,連狗都唔吼.......
     
     

    回覆刪除
  26. 你唔介紹都唔知有個咁既人教煮垃圾
    [版主回覆01/25/2011 22:51:00]我睇到一個洋人既blog 不停鬧Sandra Lee,咁咪上網搵吓佢係乜水囉! 點知......發現鬧佢既人不計其數!   我初時真係曾經以為係搞笑節目來架!
     
     

    回覆刪除
  27. 賣相真係好唔掂
    [版主回覆01/26/2011 22:52:00]除咗賣相唔掂之外,網民話味道一樣好嚇人!
     
     

    回覆刪除
  28. 係呀!NL d cookware & dinnerware都幾貴呀!質地唔係特別“領”,重要係幾重身!但唔知點解係D人虛榮定貪新鮮,個批貨去得幾快!
    PS:NL dinnerware 都有黑色呀,但反而無粉色賣得甘好!
    哎喲,Sorry Mrs T, 好似我向呢度吹左好耐水&有d離題!!請見諒!!
    [版主回覆01/26/2011 22:52:00]名人效應嘛! 做得名人都一定唔多唔少有支持者~ 妳睇連SL咁既水平都有人睇佢節目就知啦!!
     
    唔緊要~ 講開個話題啫!
     
     

    回覆刪除
  29. 真係無奇不有!
    [版主回覆01/26/2011 22:49:00]SL的確係奇人!!
     
     

    回覆刪除
  30. 佢整到咁既樣,真係望到都想
    就算真係幾好食,我諗都唔會有咩人夠膽放入口囉..
    [版主回覆01/26/2011 22:48:00]妳若夠膽將佢整既野放入口,仲大件事呀!
     
    d 人既comment 話屋企隻狗聞咗兩野都唔吼調頭走呀!!
     
     

    回覆刪除
  31. 睇到相都驚....點食得入口架?
    [版主回覆01/26/2011 22:38:00]咪以為個樣衰成咁,味道可能會OK呀!
     
    有勇氣放入口既話仲加大鑊呀!!
     
     

    回覆刪除
  32. terrible~
    [版主回覆01/26/2011 22:37:00]absolutely!
     
     

    回覆刪除
  33.  我次次 睇呢個節目 都係當笑話睇 xpp 記得有一次佢整cookie定唔知乜野 用左足足八條牛油 
    [版主回覆01/26/2011 22:36:00]我估佢可能食防腐劑太多上哂腦黐咗!
     
    佢有d食譜真係分分鐘食死人架!!! 千其唔好試~
     
     

    回覆刪除
  34. 好恐佈........見到哩個樣, 同埋介紹, 真係好難將d 食物同好味扯上關係
    [版主回覆01/26/2011 22:34:00]佢既食譜唔單止賣相唔掂,試過既人都異口同聲話連狗都唔吼!! 可想而知有幾恐怖.......
     
     

    回覆刪除
  35. WTH!  捧場客我估係小朋友.
    [版主回覆01/26/2011 22:33:00]我真係見過有人話鍾意佢d食譜夠簡單架!
     
    緊係啦 - 乜都用現成材料緊簡單! 蛋糕都用預拌粉,咁其實洗鬼佢特登整個節目示範點用預拌粉咩??
     
    下下都要簡單咁不如出街食......
     
     

    回覆刪除
  36. 比起呢位女士, 我可以說是天才廚師.
    [版主回覆01/26/2011 22:31:00]對住佢真係人人都變廚神架!!
     
     

    回覆刪除
  37. 佢個雪糕真係嚇死人~~
    [版主回覆01/26/2011 22:31:00]其實依個雪糕都未算嚇人! 佢成杯雪糕溶咗,轉頭再雪返硬....仲加嚇驚~~~~~
     
     

    回覆刪除
  38. 第一果PAT, 真係唔識形容..... 巨人的"唔"
    [版主回覆01/26/2011 22:29:00]佢入焗爐之前仲夠膽死講咗句: it's a beautiful thing!
     
     

    回覆刪除
  39. 小朋友的勞作仲靚過佢整的......
    [版主回覆01/26/2011 22:29:00]完全唔出奇吖 - 因為佢整既實在太核突!!!
     
     

    回覆刪除
  40. 補多句 ; 佢係咪細個時候睇過<笑聲救地球>內的<乜太與李>!!!
    [版主回覆01/26/2011 22:28:00]阿乜太分分鐘都整得好過佢多多聲!!!
     
     

    回覆刪除
  41. 呢個sandra lee真係出哂名...差! 佢個Kwanzaa cake真係出哂名地騎呢家! 佢條友仲以為自己d野食好得, 話好surprise 知道 Angelina Jolie 都有睇佢個show 學整birthday cake比自己d仔女! 佢個show真係必"飛" 系列來家!  
    [版主回覆01/26/2011 22:28:00]佢真係不知所謂! 喺wal mart 買幾個焗好既蛋糕返來砌埋佢,咁又出個食譜叫做"No Bake Love Cake" - 仲夠膽死話係結婚蛋糕!!
     
    同Angelina Jolie 咪一擔擔囉 - 做戲麻麻,以前幾乎套套戲都靠剝衫! 而家升呢咗就仍然一副姣樣以為自己好sexy!!
     
    兩個直頭夾到呢 - 一樣無咩料到,靠唔正路既野來出位!!
     
     

    回覆刪除
  42. 她簡單令我充滿希望,以她咁既料子都可以出咁多書,出烹飪特輯,真是SL can,I can!
    我已經唔係天才小廚師,烹飪高手,但容我自誇,我有信心整得好過她。
    [版主回覆01/26/2011 22:18:00]依個野連整個三文治都特別核突過人架!!
     
    對住佢,真係任何人都變廚神!!
     
     

    回覆刪除
  43. 我只可以說:她很認真去製造垃圾.....
    [版主回覆01/26/2011 22:16:00]佢洗乜認真吖 - 根本完全係亂來!!!
     
     
     
     

    回覆刪除
  44. 不如妳又開個節目吖......
    [版主回覆01/26/2011 22:15:00]蟻兄~ 咁我自問又無資格開個節目!
     
    SL 依d咁既水平都開節目係異數來架~
     
     

    回覆刪除
  45. "No eye see" I don't like her style of cooking.
    [版主回覆01/26/2011 22:14:00]i think her recipes are NOT for normal people.......
     
     

    回覆刪除
  46. 一路睇開你個blog都冇留言... 但你真係寫得好正...忍唔住要留個言比你like 一like!!!LOL 如果係facebook我一定like爆呀...haha!! BTW....Halo!!=]
    [版主回覆01/27/2011 19:25:00]妳好Vanessababy! 多謝十卜啊~
     
    多謝妳既留言! 我FB反而好少update 架,blog 依度先係我地盆! 哈哈~~~~~
     
     
     

    回覆刪除
  47. 嘩!!!見到都唔開胃呀,如果要食既話我真係一定會嘔,邊有整得咁肉酸架?
    [版主回覆01/28/2011 18:42:00]咪係~ 有d人真係跟住佢食譜整,整完都話好難食呀!
     
     

    回覆刪除
  48. looks like demonstrating kindergarten artwork!
    [版主回覆01/30/2011 03:42:00]i think kindergarten artwork is even much better than her crap!!!!!
     
     

    回覆刪除
  49. 哎﹐呢的我係呢度都見唔少﹐有男亦有女~

    回覆刪除

Related Posts Plugin for WordPress, Blogger...