同大家闊別年多既V媽媽靚正餸終於返來嘞!
今次我返香港時間雖然長，但其實唔係好合時......
一，好多我鍾意食既食物都唔啱季節;
二，因為撞正聖誕新年幾個大假期，V媽媽工作比較忙;
三，再加上期間V媽媽唔小心整親條腰骨(而家好返哂嘞!
)，所以今次返香港V媽媽比較少煮飯!雖然煮得唔多，不過一樣令我回味無窮~~~~~~~~
12月14日
是晚老公一個人先行返英國，喺太62太99屋企食完晚飯後，我就同99、老公既叔叔一齊去機場送老公機~
送完老公機我就搭車返太子V家~ 老公唔喺身邊感覺怪怪，
開始好掛住佢......
12月15日
返V家第二日我急不及待要食V媽媽住家飯......
可惜依度買唔到鯪魚......
今次係我第一次食皇帝菜! 之前我見過網友食，已經好想試吓~
12月18日
街市買條魚時係游緊水生猛既，由魚販幫我地劏好條魚，到我地返到屋企V媽媽整餸.......前後相隔超過30分鐘!
不過條魚仍然......
勁!!!!!!!!!!!! 
嘩好多餸呀, 餐餐都好似做節咁呀------正 , 咁妳食唔食飯架,?
回覆刪除[版主回覆01/22/2011 18:56:00]我食飯架! 而且仲食足2大碗!! 我係飯人來嘛，無飯我食唔到餸架.....
OMG, I thought those 皇帝菜 is baby of 蓎蒿菜 , I can't tell the different by taste, but 皇帝菜 looks better. Your mom is a good cook. Loves those steamed fishes...
回覆刪除[版主回覆01/22/2011 18:55:00]no la! 蓎蒿 has bigger leaves ma; 皇帝菜 is called 春菊 in Japan.
my mom is a good cook - yes, everyone says so!
good , but how to cook yummy?
回覆刪除[版主回覆01/22/2011 18:53:00]let me ask V mama first! then i'll try the recipe and share it, OK?
睇見V媽媽ge 餸, 越睇越餓呀~~~~個豆卜釀肉好特別, 唔知難唔難搞呢???
回覆刪除我個BLOG 都黐左線呀~~冇晒d blog 友
[版主回覆01/22/2011 18:48:00]
個豆卜釀肉我都有興趣老翻，等我問吓V媽媽點煮先同大家分享吖! (我返到娘家只坐喺度等食坐享其成，所以我都唔知點整..... )
係呀~ 個blog 友清單壞咗幾日嘞! 除咗無哂所有blog 友，而家連加blog 友都加唔到呀!!!
點解唔多見到鮑魚既蹤影架?第一幅係咪有鮑魚呢?我個日先係到唸...V媽媽有無又整鮑魚飛機餐過你呢~
回覆刪除[版主回覆01/22/2011 18:46:00]第一幅相係預告來!
不過個湯都有鮑魚啦! 鮑魚唔一定要係一隻隻，可以係一片片架嘛!
每次返英國都有鮑魚飛機餐，今次當然都有啦! 不過我想順時序來出網誌~
我一開嚟睇,淨係識得 "嘩" 同地狂吞口水咋!!!!!
回覆刪除[版主回覆01/22/2011 18:43:00]嘻嘻~~~~ 我尋晚一路打依篇網誌都一路吞口水......
我一直叫皇帝菜做蓎萵,我真係錯咗好耐 (講明先...之前係冇人同我講過佢叫皇帝菜,而家妳一講我即知道錯喺邊...地球人講野係骨d )
回覆刪除V媽媽之前整親條腰都煮到幾餐,餐餐仲要咁鬼豐盛,真係勁!!睇相都知有幾好味啦
[版主回覆01/22/2011 18:43:00]蓎蒿大葉架嘛! 皇帝菜即係日本人既"春菊"呀~ 比蓎蒿味淡，幾夾脆架!!
不過妳都算叻架嘞，無人同妳講叫做皇帝菜但妳以為係蓎蒿，而事實上的確係有少少蓎蒿既味道.....
咁又唔止煮咗依幾餐，仲有既!
V媽媽煮既餸真係超正
回覆刪除[版主回覆01/22/2011 18:38:00]係呀~ 所有食過V媽媽煮野既人都無不讚好架!
V媽廚房, 食左先爽!!! 睇相已經好想食, esp. the soup!!!!
回覆刪除I'm loving it!!!
[版主回覆01/22/2011 18:37:00]個湯好滋補架! 又有鮑魚又有日月魚再加隻老雞，啖湯好甜超好飲~~~~
欖角蒸鯪魚腩我每個月總會整1至2次架, 因為我喜歡囉...
回覆刪除[版主回覆01/22/2011 19:10:00]鯪魚腩我食過V媽媽整好多次，不過用欖角蒸就係第一次!
我都有包欖角，不過依度無鯪魚賣，想請問妳意見用來蒸咩魚好呢??
係呀﹗睇唔到條片之外﹐我仲冇晒BLOG友同其它。 你媽咪真係煮得好豐富呀 ~
回覆刪除[版主回覆01/22/2011 19:07:00]係呀! 已經好多日架嘞!!! Yahoo 真係好煩，次次臨過農曆年都要搞d野出來煩用戶!!!
哈哈~~~ 其實我地屋企得3個人食飯，又真係好鬼豐富既!
好羡慕妳呀 Mrs T, 我媽媽已離開左我三年啦!雖然我媽媽沒有Ⅴ媽煮得甘正,但仍然好掛住她煮既味道!特別係蒸魚&茄汁蝦.....見到妳D相, 真係好懷念,唯有自己煮啦!
回覆刪除[版主回覆01/22/2011 20:39:00]媽媽煮出來既味道就係最好既味道嘛!
不過我同V媽媽分開住到咁鬼遠，一年先有一次機會食到佢煮既餸咋........
哇....你煮野叻...你呀媽似乎仲叻喎=]]]]
回覆刪除[版主回覆01/22/2011 20:37:00]唔係似乎 - V媽媽煮野的確係叻過我好多! 我連佢既十份一都未學到!
Very Impressed with ur Mammy!! Wow
回覆刪除[版主回覆01/22/2011 20:35:00]Thanks momo! yes she's the best~
條魚真係好新鮮,重旭旭下咁
回覆刪除蒸魚真係好好重,我最鐘意=]
V媽D餸碟碟都好吸引,睇到流哂口水,我重未有飯食添
有其母,必有其女,你地煮出黎既野都好正!
[版主回覆01/22/2011 20:30:00]條魚劏完過咗超過30分鐘都仲典緊，真係好誇張呢!
我睇到不停"哇哇哇"，V媽媽就話: 大驚少怪! 未見過咩? 有咩好影?? 我答: 我真係未見過喎! 我果度都無咁新鮮金錢斑賣嘛!
過獎嘞布丁! V媽媽先係高手中既高手~ 我連V媽媽一成都未學到呀!!
哈哈 條魚好新鮮呀 !!!!!!!!!! 我都睇左條片啦 ^^
回覆刪除[版主回覆01/22/2011 23:35:00]條魚新鮮到有少少恐怖........
哈哈 , 阿 V 返香港原來係中意食 V 媽媽既餸既 !!!
回覆刪除[版主回覆01/22/2011 23:35:00]當然啦! 有邊個唔鍾意自己媽媽既手勢架!
條金錢班好勁喎 , 點解剛才仲未見到有片睇的...
回覆刪除[版主回覆01/23/2011 02:29:00]條魚真係好勁! 超過30分鐘都仲典得咁犀利.....
因為YouTube 最近將embed code 改咗format，尋晚我出網誌時先知段片播唔到! 今日我睇過HTML，跟住自行修改咗個code，咁而家咪睇到囉!
V媽媽係廚藝高手，唔怪得知你煮野都咁掂啦
回覆刪除[版主回覆01/23/2011 02:26:00]過獎嘞~ V媽媽的確係高手，食過佢煮野既人都無不讚好! 不過我十份一都未學到佢呀!!
蒸鯪魚。。。好正呀！幾多骨我都會慢慢歎晒條魚，仲有。。。我一定會個人獨食埋份魚腸 [好想即刻返香港食返够本！]
回覆刪除[版主回覆01/23/2011 21:04:00]鯪魚腩最多肉無咩骨~ 妳指既魚腸係咪果舊魚卜呀?
Ⅴ媽媽真係好犀利呀!
回覆刪除我好鍾意食蒸魚, 所以見到 D 魚口水都留埋! 條魚真係好新鮮呀!
我唔食蓎蒿菜架, 覺得有 D 怪味, 不過會食皇帝菜, 因為佢冇咁大陣味~
[版主回覆01/23/2011 20:59:00]thanks Ayesha! V媽媽煮野食真係好叻架，食過既人無不讚好!!
條魚真係又新鮮又好味! 今次返香港食咗好多條金錢斑呢~
蓎蒿我細個時都唔鍾意架! 但後來慢慢竟然愛上咗，我覺得好香好好食啊~
唔記得覆你呀 .... 你可以用欖角蒸 "鱸魚" , 即是什麼 "加洲爐"都得呀 , 你那邊有沒有呢?
回覆刪除[版主回覆01/23/2011 20:55:00]有有有~ 我依邊最多就係鱸魚架嘞! 唔該哂~
呢條魚真係"驚典".
回覆刪除[版主回覆01/23/2011 20:54:00]
鯪魚腩我未試過用欖角蒸...我多數用菓皮蒸...除咗啲肉好食之外...佢啲腸都好好味架....我去街市實叫魚販比多幾副腸我架....
回覆刪除皇帝菜用黎打邊爐係我至愛....
你條石班真係好新鮮...佢條尾好似係到跳梗舞姿咁.....
[版主回覆01/24/2011 19:32:00]
用欖角來蒸好好味架!
通常買開淡水魚，魚販都會比多幾個魚膘既~
我上個禮拜買左條倉魚，一樣情況啊，嚇到我唔敢洗，等我煮好晒其他送，用水沖下佢，確定佢唔再郁我先敢洗................
回覆刪除[版主回覆01/24/2011 19:30:00]哈哈~~~~ 香港d魚特別新鮮既!
薑蔥炒蟹 ...炒得乾身...正呀!
回覆刪除炸生蠔...點樣炸得咁脆?? 個脆粉點開呀??
茄汁蝦又係至愛!!
皇帝菜...我未試過炒...通常鐵板燒 / bbq...再加籽然粉!
[版主回覆01/24/2011 19:37:00]薑蔥炒蟹 + 炸蠔果張相係預告來架咋~
炸蠔V媽媽係用現成炸粉既~ 我都有炸蠔食譜，我個粉漿係自己開既: http://hk.myblog.yahoo.com/veronicams_tsim/article?mid=21390
鐵板皇帝菜咁特別! 可惜我依度無皇帝菜賣，如果唔係我都想試吓咁整~
妳指既魚腸係咪果舊魚卜呀?
回覆刪除係魚卜+魚潤（LIVER）+魚腸：好多人厭魚腸肥會唔要，D魚檔會收起唔比（另外幾份幾份一盤好CHEAP咁賣出去）。我爸就會揀好魚叫魚檔比埋副魚腸落去，用陳皮蒸黎食。
[版主回覆01/24/2011 22:56:00]OIC~ 我只食過魚腸魚潤加蛋加陳皮來焗，未食過就咁蒸!
嘩﹐我終於睇到條片喇~ 條魚仲係咁郁﹐好似俾電電緊咁呀~
回覆刪除