返尋味 (2011年1月28日)

舊年農曆新年整咗一底蘿蔔糕一底年糕比6299~ 
老公阿姨食過我手勢返尋味，今年託老公問我整兩底蘿蔔糕比佢!  

 一素一葷 - 原本阿姨話只要一底素，後來加碼要多底葷既!

素果底我只加咗冬菇，調味亦改用鹽而唔用雞粉;

葷果底就有蝦米、瑤柱、臘腸 + 冬菇~

 3條蘿蔔啱啱好整兩大底!

 一煲一鑊一齊蒸......

 2個蒸糕bells 一左一右輪住響!

 蘿蔔糕食譜click here~

>>>>>>>>>>>>>>>>>>>>>>>>>>>>>>>>>>>>>>>>
蒸完糕，老公剛好放工! 我地又去咗YO!Sushi 食壽司.......

今次我地創咗個新低紀錄 - 14碟 + 2碗味噌湯!

點解食得咁少? 睇Mr.T 個thumb down 手勢都略知一二!!

今日星期五晚好鬼多客人! 我地7點零鐘去到時，裡面其實有幾多空位~

不過唔知果幾個企枱做乜鬼? 行來行去好似好忙咁款，但又唔帶客人埋位，搞到門口塞咗十幾廿個好似輪米咁款等緊位既客人 - 我 + 老公係其中之二!!

等咗10分鐘左右，終於等到有位嘞! 不過......

個wasabi 樽係空既! 話比果條肥婆女侍應知，佢話轉頭攞過樽來，但完全無咗件事......結果我要自己走過對面枱攞!!

最過份係......

 無野吓哇!!?!?! 爆哂棚但竟然乜Q都無!!!!

咁搞法不如索性轉做普通餐廳啦! 仲做咩迴轉壽司啫?

依碟超重薑味兼且辣辣地既炸雞卷頂級難食!!  太難食一定要點佢相認住佢!!!!!

果條死肥婆女侍應真係衰到無人有!! 條迴轉帶乜都無，咁唯有落order 啦......

禁咗燈好耐，死肥婆喺我隔離抹枱都唔過來接order，直至我高調地對佢講句"Excuse me" 先肯死過來!!

同佢落咗order 成15分鐘，果2碗味噌湯都未蒲頭! 搵另一侍應重新再落過order!!

我order 炸三文魚皮卷，死肥婆話三文魚皮賣哂.....點知轉個頭我見隔離枱有2碟!!

依餐一路食一路條氣頂住!超級唔妥果死肥婆!!

依間Fraser 分店真係死得架嘞......