正能量 (2013年12月13日)

前因......
上星期四Mr.T 起身返工時已有點鼻萌萌 + 少少咳，
放工時好似嚴重咗~
當晚約咗62、姑仔 + 姑仔男友一齊食飯， 
去到餐廳我先發現......
成枱5個人，除咗我之外，其餘4個人全部正值大傷風!
對住4個大傷風食咗2粒鐘晚餐，
是晚半夜Mr.T 發燒37.8C了~

後果......
第二朝星期五一覺醒來，
原本無事既我氣管痰上頸，仲開始有幾聲咳!
之後仲沾寒沾凍，一量38C...頂!!!!!!!!!!!!!

我都話Mr.T 病親我就必定賴野架啦!

今次仲要4個大傷風圍我一個，
我邊有可能倖免?

正當我喺屋企病到色彩繽紛既時候，
郵差叔叔送來大份好友Mami 阿四從香港越洋而來既正能量!

坦白講病到周身骨痛既我，拆開依份大禮真係非常吃力......
不過非常值得!!



放得入口既......

我未試過既金飯碗蠔豉臘腸 + 我至愛既鏞記鵝肝腸

我極愛但已經久違咗N年既黃花魚春乾

最近好紅既天生雪耳

大孖醬園靚豆豉

Hạnh Phúc 越南魚露

包裝可愛到似化妝品多過調味品既的式日本粉紅岩鹽

方便又好飲即沖港式奶茶

細心既阿四知我逢初一十五食齋，送我一樽素肉鬆!


唔放得入口既........

我屎穴之一 - 黃膠鴨

我屎穴之二 - 心心

聽聞依個膠蓋好好用!

我想要既朱古力模

依pair......我唔知應該叫佢做筷子定叉匙......??

扮靚靚之一

扮靚靚之二

McHamHam + Mr. Buttons 都有禮物啊!

金莎 + 龍珠特別版汽水好明顯係Mr.T 既~
不過由於Mr.T 感冒仲未清，
所以我暫時要將依咋野列入"唔放得入口"類!

------------------------------------------------------

我一病就病走咗個weekend，
原本星期六打算同Mr.T 夜遊愛丁堡聖誕市集掃街，
當然要泡湯啦!
成個weekend 就係咁燒完退少少，退完又燒返咁渡過咗......

今日星期一，雖然已經完全退燒，
但感冒仍然未徹底清哂，
依幾日不停食退燒藥好散，
加上無米氣落肚有點手軟腳軟...感覺好虛弱......
見到咋蠔豉臘腸...鵝肝腸...魚春乾...好想食!
我一定要快d好返煮佢地來食!!

好多謝阿四妳依份早來既聖誕 + 生日禮物啊~ ❤