辣子腰花

豬腰即豬既腎臟，含豐富蛋白質、
碳水化合物及多種人體必需礦物質~
好多人怕豬腰有陣尿羶味，
其實只要處理恰當，除去羶氣話都無咁易!


1. 豬腰2個剝去表層薄膜，打橫切半，去清白筋(要完全無白筋啊!)。


2. 兩邊刀刃抹上一點清水(防止黏刀!)，豬腰割花後切片。


3. 豬腰片加入檸檬汁1個撈勻待10分鐘。


4. 薑2片切絲、蒜頭3瓣切片、蔥1條切段、乾蔥2粒剁碎、紅辣椒1隻切片、辣椒乾約6隻略浸瀝乾備用。


5. 豬腰片沖洗乾淨後，快速川燙一下瀝乾。


6. 燒熱油鑊，先爆香乾蔥蓉、薑絲和蒜片，下一大匙辣豆瓣醬炒香。


7. 加入豬腰片和辣椒乾炒勻灒酒，下糖、生抽和鎮江醋少許作調味。


8. 豬腰炒熟後熄火，加入蔥段和辣椒片兜勻上碟，灑上少許麻油和莞荽即成。(我買咗但唔記得加莞荽.......)