平時喺FB見好多乜乜物物抽獎，
我都會湊熱鬧填埋一份，
不過總係填完就無咗件事，
因為從來無唸過會中...點知......
上星期六突然收到封野寄自Lakeland，
一打開見到有封信恭喜我~
當時心唸: 我最近無參加過比賽喎......
(早幾個月我參加Lakeland 既cake pop 比賽贏咗第2名!)
發現信封裡面有2張BBC Good Food Show Winter 既門票，
我先醒起係早前FB 既抽獎! 呵呵~~~~
依個Good Food Show 喺Birmingham，
臨時又走一轉Birmingham.....
不過星期五晚Mr.T staff Xmas night out，
所以今次星期六(30號)朝早先渣車南下~
星期六交通繁忙，4pm 先到達Birmingham~
(無錯~ 係晏晝4點，英國既冬天太陽好早就落山!)
到達Birmingham 第一件事緊係去shopping 啦!
不過唔係shop 比自己，
而係趕住Rag market 關門前，
去裡面既pet shop 買間屋仔比McHamHam!
事關McHamHam 早排發口痕咬爛咗間椰子屋，
我喺Glasgow 去咗6間大小pet shop，
都搵唔到一間適合越來越肥既佢瞓覺既屋仔.......
皇天不負有心人!
真係比我搵到間同Mr. Buttons 一樣既士多啤梨屋加大版~
仲買咗個魚缸製飾比富貴榮華金銀發財~
Looking good!
買完野比鼠鼠 + 魚魚後，
我地去咗逛全英國最大既Xmas Market!
前年Mr.T 仲喺南下工作時，
我地都行過依個Xmas Market，
其實全英國Xmas Market 大同小異，
今次舊地重遊只係湊下熱鬧.......
星期六剛入黑已經人頭湧湧人迫迫......
由頭行咗一轉到尾就鬆人去check in~
今次Good Food Show 由星期三至日一連5日喺Birmingham 舉行，
我一星期前先知道自己中獎，
好難book 酒店......
Mr.T book 咗間開業只幾個月既近郊4星B&B - Blackgreaves Farmhouse B&B~
第一次住B&B，
一入到房間見到全房實木傢俱，我已經好鍾意! ❤
房間雖然唔係我住過最靚既房，
話哂依間只係B&B 唔係酒店，
不過講舒服程度絕對數一數二，尤其係張床!
我住過好多出名酒店既executive room，
不過依張床係我住過最最最舒服既~
下次再去Birmingham 都想住返依度!
不過因為係近郊，渣車先好住依度!
(渣車去Birmingham City Centre 約20分鐘~)
瞓醒第二日星期日中午去到NEC Birmingham......
時間尚早，會場唔算太多人~
是日未食早餐，Mr.T 第一時間搵野食........
會場好大，除食物外，仲有好多廚房用品......
都幾似香港既工展會架!
行到攰攰地，見到有條龍喺M&S攤位前排隊入座，
我知道將會有嘉賓現場示範煮野食，
我地又排埋一份.......
原來係英國米芝蓮名廚Tom Kerridge!
佢即場示範咗4道菜，睇到我流哂口水~~~~
去Good Food Show 我最大既收穫並唔係shopping，
講真...廚房用具依d雖然我好鍾意睇，
但我真係幾乎乜都有!
而且show 會場買廚具亦唔見得特別抵，
我去Good Food Show 最鍾意既就係freebies!
睇完Tom Kerridge 喺M&S攤位示範，
每人有一個goody bag，
裡面除咗有幾本訂購聖誕禮物或食物到會既catalogue 之外，
仲有一個價值£3.50既環保購物袋~
好多攤位仲有大咋印刷精美既食譜卡/食譜書任攞! ❤
睇完示範Mr.T 聞到香味.....又要食野!
我地發現會場好多芝士檔攤.......
原來之前有個World Cheese Awards~
咁鬼多芝士，何其壯觀!!
今次依個Good Food Show，
基本上我睇 + 食多過買!
不過我又唔係完全無收穫喎.......
依個專賣vintage 茶具既攤位........
比我搵到依套平到無朋友兼靚到絕哂交既骨瓷tea set~ ❤
不過嚴格來講...
其實佢地唔算係"一套"......
因為隻碟.......
同個杯...根本唔同牌子!
但放埋一齊又襯到絕! 真正天生一對呢~
買咗一個紅卜卜大字kitchen timer~
雖然我已經有kitchen timer，
不過我發現有時一次過煮幾樣野時，
得一個timer 係唔夠用既!
最意想不到係我見到一檔賣冰鮮野味，
有野兔、水鴨、雉雞、松雞...等......，
本來對野兔 + 水鴨好有興趣，
不過我唔識點整......
最後買咗一pack 4隻鵪鶉!
野兔 + 水鴨留返下一次先啦~
盡興行完逛完，
返去Birmingham City Centre 食埋晚餐，
我地就渣車返Glasgow........
行開咗2日，
當我趕頭趕命去買屋仔比McHamHam 瞓覺既時候，
佢就盡情將塊窗簾布咬到溶溶爛爛來報答我! 囧~
沒有留言:
發佈留言