所餘無幾既Holiday Mood

上星期四就係依餐唔好食既晚飯，令我病足5日!
今日已經第6日雖然無發燒，但氣管仍然有痰，
成藥副作用令我口淡淡，無胃口又無精神......

病完得返半條人命邊有心情煮飯? 
煮咗都無胃口食啦...咁講吓敗家囉! 
半條人命仲有心情敗家?
緊係唔係啦...上星期未賴野前敗架......

雖然我仲未決定今年整火雞 or 燒火腿 or 燒牛肉 or 聖誕鵝or 聖誕鴨......
但無論整乜都好，應該會切得靚好多!

飯碗咁上下大細既心心碗~
有唸過用來裝飯，不過形狀似乎有點怪，
扒飯可能扒得個口唔舒服........

白色可愛魚魚碟

廚房feel 咖啡杯

9月時喺倫敦著名食品百貨Fortnum & Mason，
見到依枝開心果油已經好想買來試吓，
不過咁鬼貴咁鬼細枝，我真係唔捨得......

好彩果時無買到啫! 嘻嘻~~~~

我從來無用過原枝既vanilla pod，因為我覺得好貴!
一般超市大約£3一樽(2枝);
依隻價錢平一半 - 單買一樽£1.49(都係2枝)，不過2 for £2!
產地一樣係Madagascar~

碎粉就快用哂，今次試吓YSL......

粉盒金光閃閃巧靚靚~~~~ ❤

不過粉掃毛質麻麻，有點拮肉......

依個聖誕老人手指娃娃，我緊係唔係買來自己玩啦~
用來做乜......遲吓話比大家知吓!

大家記唔記得依碌Mr.T 買來secret Santa 送比staff 既雙截棍? (網誌~)
(其實Mr.T 仲買咗一個手榴彈型既玻璃酒樽......)

Mr.T 收到實物原大bb彈氣槍一枝......好一個暴力集團!!

病咗幾日，我原本高漲既holiday mood 都隨病菌走得八八九九，
無精神又無力水搬棵聖誕樹出來攪，
今年買盆bling bling poinsettia 擺吓算數了~