2014年2月1日星期六

素春卷


全素春卷,餡料隨意~


1. 木耳浸軟後,搾乾水份切絲; 紅蘿蔔刨成絲; 黃芽白洗淨瀝乾,切絲備用。


2. 燒熱少許油爆香薑絲,下木耳絲、紅蘿蔔絲和黃芽白絲一同炒勻,用糖、素食香菇調味粉和少許麻油調味兜勻,盛起待涼備用。


3. 粟粉加少許水煮成漿糊狀備用。


4. 將餡料用春卷皮捲成春卷(不宜包得太緊!),以(3)的粟粉漿封口。


5. 中火燒熱油,放入春卷炸至兩面開始變黃及硬身,撈出略略攤涼。


6. 再放入油內復炸至金黃色,撈起放在廚房紙上吸去多餘油份即成,趁熱蘸香醋同吃。






6 則留言:

  1. 恭喜發財呀Mr. & Mrs. T, 祝你地馬年萬事如意, 笑口常開^^

    回覆刪除
    回覆
    1. 恭喜發財Winky! 祝妳馬年龍馬精神,事事如意,日日開心~

      刪除
  2. 我想問你呢, 點解要先係咁易炸一次, 之後, 放涼又炸~反而唔一次過炸好就上碟既?
    好耐之前我唔知見過邊個blogger 既bLog 都好似你呢種方法話第二次用猛火去炸,佢就寫係可以"迫"返當中既>

    我今日都會整春卷~~~另加 雞扒瀨粉~ 因悉尼呢邊呢一兩日都30幾度~~大人細路對飯都冇咩興趣~

    回覆刪除
    回覆
    1. 油炸食物會脆,原理係利用油既高溫將食物表面水份快速"抽走",基本上食物一入熱油,食物表面水份就會一路被熱油炸乾 - 即係一直煮緊食物既表面~

      比較大塊既食物f當然需要炸耐d,但如果只一直係咁炸,結果會炸到食物表面燶哂但裡面會唔熟! 食物裡面未熟透,水 + 食物份子容易擴散,所以食物容易變返腍~

      炸到開始變黃 + 硬身撈起略攤 - 依步係為咗先停止食物表面繼續炸,不過撈起後食物仍然高溫,餘溫會傳入食物內部繼續煮達至熟既效果,所以簡單來講炸第一次主要目的係令食物裡面熟透而表面唔會燶~ 當食物內部熟透,水 + 食物份子就變得緊密,翻炸後唔會容易擴散出來,咁就會卜卜脆嘞!

      雖然春卷餡料之前已炒過,但餡料攤凍後先包成春卷再落油炸,春卷內外溫度有差異,所以仍然要做翻炸依一步先會脆! ::_342

      刪除
    2. 啊~原來係咁~~~ 你講得好詳細呀~
      你有冇試過炸薯條??
      有次我sister in law , 買左新鮮薯仔,切開一條條,開熱個鑊就炸,但炸完..係唔似出街fish and chip 那種薯仔既感覺~~~
      炸完仲係好似爽咁既喎~~

      咁我地一直都係頂多出街食炸薯條,都未試過自己整~

      咁大人細路都唔願食啦~但原因又一直都唔明~

      不過, 我好似都好少見你會整炸薯條既~ 你整親好多時都係高難度野呀~~
      好叻女~

      刪除
    3. 我有試過炸薯條呀! 不過薯條...我係鍾意食腍既~ =P
      如果薯條中間好似蘋果咁爽的話,即係裡面仲係生!
      而且街食既炸薯條係急凍過架~
      炸薯條我鍾意食幼(french fries),而且我鍾意食腍,所以我只炸一次!
      但我好少整

      刪除

Related Posts Plugin for WordPress, Blogger...