2014年3月19日星期三

意外之敗

2個星期前既星期六(3月8日)同Mr.T 喺愛丁堡等緊餐廳開門食lunch, 
Kill time 隨便入咗一間charity shop 逛逛......

醒目既Mr.T 從大堆別人捐出來既舊物中,
搵到依個連貼紙都未搣既Le Creuset fondue~


其實有潔癖既我不大接受二手物品,
所以大前提有3大原則:
1. 不能有異味
2. 不能破太舊
3. 不能有可疑污漬

裡面似新買返來.......


底部無發現任何煮燒過既痕跡........


原裝burner.......


新蔟蔟根本就無用過!


仲包埋說明書~

成套野只係少咗個包裝紙盒 + 幾隻叉,
雖然我一向對任何種類既fondue 都無興趣,
所以從來無唸過要買fondue set
但一套全新既LC fondue set 要£120......
而家£20就有交易,真係齋買個兜都抵!

估唔到第一次去愛丁堡既charity shop 就搵到件好野!
Mr.T 認為依個fondue set 可能係unwanted gift.....

我: 咁點解唔網上賣咗佢而捐去charity shop?

Mr.T: 愛丁堡多有錢人嘛!

Hmmm...愛丁堡多有錢人...有野唔要就捐出來......
憑住依個唸法,於是我地花咗一整個下午,
光顧咗愛丁堡附近一帶十多間charity shop!
可惜結果再無斬穫.......
你真係以為間間charity shop 都有Le Creuset 咩? 咪傻啦!


不過自始我開始多咗留意charity shop.......

剛過去既weekend 我搵到依個可愛黑白豬仔milk jag(?)
豬型廚房用品係我其中一個至愛,唔可以錯過!


背部入奶(?)........


豬咀倒出...cute~


因為Mr.T 工作關係,近一年來得閒無事成日就走去愛丁堡~
以前覺得愛丁堡行街有點悶,
不過越來越發現愛丁堡其實有好多好有趣既小店!
尤其係遠離city centre 既area.......

早前搵到一間印巴人開既超市.........


土耳其無花果乾


雞肉午餐肉 (好懷念依種用"鎖匙"來開既罐頭呢!)


丹麥製造...午餐肉就食得多,就係未食過用雞肉整既午餐肉!
仲有一隻係火雞既,先試雞後試火雞~


早前見網上好多人推椰子油點好點好,
仲賣到好鬼貴(480ml 賣2舊水港紙...傻既!)
咁啱比我見到又唔貴,我又買枝返來睇吓咩料......
點知再上網先發現又係商人誇大效用,
而且椰子油飽和脂肪有90%......今次蠢咗呢!


試過喜山粉紅岩鹽; 又試過黑岩鹽...今次試吓依隻紅酒鹽!


淡淡紫紅色既鹽粒,顏色好靚啊~


漢堡飽.......


不過係比鼠鼠既!
得2個既? 有4隻鼠鼠喎.....
細果2隻牙仔唔夠力食嘛~ (自問自答)


有日約咗Mr.T 喺town 會合,
Mr.T 未到時漫無目的周圍逛又買咗d無聊野.......


我緊唔係買來自己玩啦! 我買來幫鼠鼠影相咋~


豬公仔.......大 ! 放咗喺枕頭旁邊~


依包Easter theme 唔知咩來 + 唔知用來做乜...
我甚至唔知點解依包野會喺個籃度!?!?


買完豬仔,輪到我另一至愛 - 心心~


Mason Cash 紅陶心心麵包模


超市見到依2個心心玻璃碗.......


仲係意大利出世,不過貨架上無價錢牌!

攞咗隻去收銀處咇一咇........
原價£8 each (唔係吓化? £8一隻搵鬼買咩!?!?!)
減價£2.40 each! 拿拿淋買多隻,而家買兩隻£5有找!! 嘻嘻~~~~


前一個星期日喺Groupon 買咗平飛去Creative Stitches & Hobbycrafts Show,
會場好大又人迫迫,而且仲有兩個會場,
不過兩個會場夾埋都只係行咗1粒鐘,
事關檔檔來來去去都係手造咭、羊毛氈公仔、十字繡、
織冷衫 / 毛冷公仔、串珠、縫紉......只係得依d! 
但我想睇既公仔屋miniature + 老公想睇既木刻...都無!!


雖然有點失望,不過都買咗少少野.......
一本書學拮拮(羊毛氈公仔) + 一包好得意既法國theme 膠鈕~


依包膠鈕好得意! 等我唸吓用來整乜野先~






10 則留言:

  1. 羊毛氈公仔: I like it!!

    回覆刪除
  2. 真係無想過會響charity shop 買到L C ~ 係啦~學你講,真係買個兜都抵~!!!
    那包法國THEME 膠鈕好得意呀~

    之前你DIY 件黑衫~ 係加鈕既~ 我學你咁, 響我囡條LEGGING 加左點SPARKLE 既鉆石+鈕 上去, 我就肯著條legging 啦~!

    其實, 耐唔耐整吓diy 都唔錯~

    回覆刪除
    回覆
    1. 咁我覺得有都唔出奇既,不過就一定唔多囉! 更加無唸過會咁新淨完全無用過~

      我件DIY t shirt 仲未有機會著出街...因為依度天氣仲係好凍~~~~~

      刪除
  3. 羊毛氈~~~ 我都好鐘意整~~~~ 而且唔難~~~~~ 記住買埋海棉“戰“底!
    https://fbcdn-sphotos-e-a.akamaihd.net/hphotos-ak-ash2/t1.0-9/427232_10151143025536145_1898423603_n.jpg
    我整咖~~

    回覆刪除
    回覆
    1. 睇吓先~ 因為我仲有好多野想先整!

      妳整得好靚啊! ::vv4063

      刪除
  4. 亞V,好耐冇見啦!!你個Le Creuset fondue真係好靚,而且勁勁勁抵lor!!!!
    我都買左支一模一樣的紅酒鹽,用黎加落牛到真係好好味,d牛味濃郁好多!!正!!

    回覆刪除
    回覆
    1. 我都覺得好抵! 不過真係可遇不可求~
      枝鹽啱啱買,仲未開未試........

      刪除
  5. 回覆
    1. 本來我都唸住唔買,不過Mr.T 不停問我: are you sure you dont want it? :))

      刪除

Related Posts Plugin for WordPress, Blogger...