家常豆腐

上次整咗個素版家常豆腐，今次依個係葷版! ^^


1. 豬腩肉切薄片，用胡椒粉、生抽、糖和粟粉撈勻醃最少30分鐘。


2. 硬豆腐切厚片，煎至兩面金黃，盛起備用。(自製豆腐方法click here~)


3. 雲耳洗淨浸軟，搾乾水份備用; 紅蘿蔔、青椒和紅椒(唔記得買...LOL)切片備用。


4. 燒熱油鑊先炒熟豬腩肉片，盛起。


5. 爆香薑片後下適量辣豆瓣醬炒香，再下紅蘿蔔、青椒、紅椒和雲耳炒勻。


6. 豆腐和豬腩肉回鑊，下少許蠔油、糖和清水調味兜勻。


7. 上蓋焗1至2分鐘即成。