孖T牌~

唔經唔覺我已經返咗香港2個多星期嘞，雖然我 + 老公日日keep 住傾2次電話(電話費一定會好金!!!)，不過仲有1個多星期先返英國，真係好鬼掛住老公呀~~~~~

我唸老公都好掛住我......啩!!????!?!

老公email 咗個傻公仔比我 - "孖T牌"......

 哈哈~~~~ 大家認為似唔似"孖人牌"呢?

一條冷返香港2009: 買咗嘞~ 買咗嘞!!! (2009年3月25日)

終於買咗部net book 嘞!

廚房通告 (2009年3月23日)

各位順超 / 唔順超既網友~ 大家好嗎?

我仍然未買net book，所以而家又係霸住用Pacific Coffee 既電腦!  (唔緊要啦! 而家都冇乜人......) net book 睇就睇緊，不過我師奶嘛~ 個個都心大心細，又要周圍格價......

V嫲嫲既身後事，經過一輪改來改去......終於決定喺下星期一、二辦事! 唔好問我點解正經野搞到咁遲先辦事~ 因為我條氣已經由喺Glasgow 機場起程返香港時，一路頂到而家!!!!  屋企人多，意見自然都多 + 麻鬼煩!

V家係大事上係意見一致既，因為我地係正常人! 不過世界係咩人都有，人始終都係自私既，就算大家同姓一家，都可以話之你啦~~~ 我地依d後後輩就冇乜話事權架嘞，亦希望老人家走得安安樂樂......

而家我暫定會喺辦事後既星期五(4月3日)左右返英國，依兩日會開始睇吓機票~ 等我訂咗機票落實日期後，會再話比大家知! 大家要等我啊~~~~~

廚房通告 (2009年3月16日)

Hello Everyone~ 我上星期五已安全到達香港嘞!

雖然我幾日冇update 個blog，不過多謝各位新舊blogmate 仍然keep 住入來留言，令"V女廚房"仍未比人踢出Canon 人氣榜!

我返香港前睇唔啱net book，所以暫時我都唔可以隨時上網~ (我而家喺Pacific Coffee! ) 我會喺香港留意吓，希望睇啱買到net book 的話，就可以keep 住update 個blog，因為情況有變既關係，我而家最快要4月頭先會返英國!

各位留咗言問有關煮食 / LV問題既網友，我一有機會上網，我就會盡量回覆~ 其他未回覆既，唔好意思~ 可能要大家等等或遲少少先回答到大家!

P.S. 各位香港網友~ 如果喺街上見到我的話，話聲我知啊!  妳地認得我，我唔認得妳地嘛~~~~

V女廚房1歲嘞! (2009年3月11日)

"V女廚房"1歲嘞!

LV Neverfull Damier & 好鬼可笑既貴婦心態 (2009年3月10日)

後日就返香港嘞~ 近日英國紙水低迷，親友知道我要返香港，都託我幫佢地買LV~ 但又唔係一次過落order 喎!!!  所以依幾日匆忙地走咗2水，感覺自己似水貨客......

自己反而冇睇啱野，但就多口問咗句 - Neverfull GM Damier 幾時有貨?

Neverfull Damier 出咗應該未夠1年，但暫時只有日本 + 美國限定發售~

舊年6月去LV cocktail party，我已收到風話歐洲將會有得賣，所以當晚問定相熟sales 大約幾時，佢仲實牙實齒話一定會出，應該around 聖誕新年左右; 後來又話應該09年初春......不過一路都係冇聲氣!

本來都等到意興欄柵......不過記得早排forum 有人大話應該係5月左右會出，所以今日去入貨時順口問吓啦! 根據sales 話因為內部行政問題，所以推出日期一改再改，暫定係5月，不過都唔肯定......(興趣又開始升返上來嘞! )

 sales 提議我先預訂，到佢地正式推出發售時，一有貨就會幫我留起1個，再通知我去睇袋~

上次買Neverfull MM Monogram 又係咁預定留貨，等咗3個星期~ 希望今次5月會有貨啦!

三餸一湯:花旗蔘湯, 南乳枝竹炆肉腩, 蕃茄雞柳, 銀芽銀魚乾 - 2009年3月9日 (附食譜)

花旗蔘百合湯; 南乳枝竹炆五花腩; 蕃茄炒雞柳 & 銀芽炒銀魚乾

喺Tesco 買到好大舊好靚既五花腩，本來想用來整"東坡肉"，不過買完餸返到屋企，先發現唔記得買桂皮! 

南乳枝竹炆腩肉

銀芽炒銀魚乾

二人世界的三餸一湯:霸王花湯,土匪雞翼,香辣銀鱈魚 & 炒菜心 - 2009年3月7日 (附食譜)

霸王花無花果煲豬展; V女土匪雞翼; 香辣銀鱈魚 & 蒜蓉炒菜心

見網友喺forum 討論"土匪雞翼"依個菜，討論得興高采烈 + 形容得好好味，於是我又整埋一份~ 不過必需材料 - 孜然粉，喺英國我只買到全粒孜然籽，所以用前要先磨碎。如果唔係睇到forum，都唔知有個咁正既雞翼食譜!!! 焗雞翼時真係好鬼香~~~

V女土匪雞翼

自製油浸蒜蓉

雖然我鍾意煮野食，不過我好憎煮前洗洗切切既功夫~ 尤其最憎剁蒜蓉!!!! 所以如非必要，好多時我炒菜只係就咁拍兩野粒蒜頭就算......

香辣銀鱈魚

再見V麻麻~ (2009年3月7日)

剛剛收到V媽媽電話，V麻麻喺香港時間今朝9.18am走咗嘞......

其實由年初五開始，V麻麻因為感染咗金黃葡萄球菌 + 大腸杆菌入院至今~ 大家應該知道金黃葡萄球菌抗藥性好強，醫生用咗好幾隻唔同既抗生素，都未能令控制到V麻麻病情。V麻麻入院以來完全食唔到固體食物，只靠插喉注入流質食物~ 其實上星期V麻麻情況曾經一度好轉，不過畢竟佢已經87歲......而家唸返起，其實應該係迴光返照吧?

近2星期，V媽媽幾乎每日都打電話比我同我講V麻麻既情況~ V媽媽亦同我講，醫生曾經叫過佢地要做好心理準備，所以心理上我一早已prepare 好! (屋企大掃除唔得閒煮飯其實只係籍口! 執屋只為分散吓自己注意力，所以越執越亂......)

及時筍野 - 超平茄士咩~

想問吓各位英國blogmate - 你地果頭有冇落雪?

Tesco Professional 木刀座

最近添置咗6把孖人牌，令廚房刀既數目一下子由10把，激增至16把!

我的小小美食主義

我認為自己絕對稱得上係一個精打細算既師奶!  不過我既精打細算，並唔係只會買平野咁簡單~  因為身處英國，有好多食物既選擇已經好有限......所以就算百物騰貴唔可以太講究，都不能太過委屈自己 + 老公，我會有一定既堅持!

牛奶我只會飲全脂奶，個人覺得脫脂 / 半脫脂.....既牛奶都係淡而冇味(咁不如飲水! )

用來煮食e.g. 煮西湯，我會用普通全脂奶; 不過用來就咁飲，我就會買稍微高級少少既Jersey Milk。顏色微黃既Jersey Milk 口感香濃，仲creamy 到會"掛杯"! 同一般普通全脂奶好大分別~

雖然價錢比一般全脂奶貴，不過飲落口係一種享受~ 所以我覺得物有所值!

二人世界碟頭餐:日式蕃茄醬炆牛展配意粉 - 2009年3月3日 (附食譜)

日式蕃茄醬炆牛展配意大利粉

唔知我係咪唯一一個 - 大掃除執屋企會越執越亂既呢? (好做唔做......)

日本 - 日式蕃茄醬炆牛展

No.1 Sushi Bar (2009年3月1日)

喺英國似乎好難搵到一間水準可以一直consistent 既餐廳! 其實又唔係冇既~ 不過多數都係貴價如Rogano, Gamba 之類既fine dining 先可以長期維持到好既水平! 唔知係咪經濟唔好既原因? 我發現有好多我 + 老公平時去開既好味小店，水準都不約而同地差咗......

星期六、日係我 + 老公拍拖日，多數唔煮飯~ 於是老公問我想食乜? 佢比咗3個選擇我 - 日本野、打邊爐 + Hilton 自助餐~ 我心水緊係自助餐啦! 不過咁啱依個weekend 我有野要去愛丁堡果頭買，為咗就腳，於是又去返情人節weekend 時去過既No.1 Sushi Bar~

今次只係第二次去No.1 Sushi Bar，不過水準已經冇第一次咁好! 點既野幾乎同上次一樣......

 壽司魚生仍然新鮮，不過壽司飯仍然係冇調味 (依個維持水準~ 因為上次都係咁!); 不過軟殼蟹天婦羅就差咗少少 - 唔知係炸得唔夠乾? 未完全解凍?? 還是果隻係水蟹??? 一咬落去多水到會滴水!!!!!