之唔係我囉!
是咁的......
話說星期三(6月15日)Mr.T 返工後，我如常起身第一時間入廚房斟水飲~
(我每朝早起身第一件事我就係去飲一大杯清水
，然後先去梳洗換衫!)正當我飲緊水時，突然窗外大風一吹大力"嘭"埋咗度門!
當時我都不以為矣，直至我飲完水後發現.......
我開唔到廚房門!!雖則我好鍾意整野食，其實要我留喺廚房裡面一整日係絕對無問題...
之但係當時我衫未換、面未洗、牙未刷，而且仲想"排出身體內多餘水份"......
喺咁既情況之下我唔可能就咁留喺廚房裡面成日喎!!
當時我攞住部手機，於是我一邊唸辦法，一邊打電話向Mr.T 求救!
點知接通Mr.T 手機只響咗一下就自動cut 線!
之後打咗幾次都係咁!!依個時候我終於唸到用餐刀當螺絲批，將廚房門柄上果4粒螺絲逐粒逐粒拎甩佢，
終於拆咗成個門柄出來，我先成功開返廚房門，足足搞咗10幾分鐘!
終於解困開到廚房門，我唸住等Mr.T 放工返來先再算啦，唔想阻住佢做野!
不過依個時候屋企電話響起，我一接，係一把女聲電話錄音!
首先係一段好正常既女聲電話錄音，大意話Mr.T send 咗個sms 比我，
之後就由另一把女聲讀出sms 既內容......
我聽到一把好無禮貌 + 好唔耐煩既女聲鬼食泥咁講: He's in meeting, what's up?
講完即時cut 線!
聽完sms 內容後，我真係即時火滾到想講粗口!
因為個sms 超級無禮貌 +
聲衰到無人有!! 
我第一個感覺覺得事情大致上會係咁: Mr.T 開緊會，有個八婆下屬e.g. 秘書之類物體知道我打咗幾次比Mr.T，覺得我妨礙佢地開會，於是打電話來話我知佢開緊會 + 問我咩事~
但其實我估計依個情況最少有3個疑點:
- Mr.T 手機係隨身既，就算開緊會佢只會轉silent + 唔聽電話，正常情況應該唔會有人睇到我打比佢
，除非佢喺office 某處漏低咗電話;- 以我所知Mr.T 無一個咁乞人憎既staff;
- 若真係有八婆下屬打來，都應該係真人對話，無奶油係電話錄音!
不過疑點還疑點，女人火燒心時邊會唸得咁清楚吖......
我條氣好唔順地唸: 聲衰女妳邊位? 我有急事搵我老公，妳老幾打來我屋企用咁無禮貌既態度同我講"佢開緊會"???
Send 完sms 後我又唸
: 若個八婆知道我打過比Mr.T 幾次，佢一樣會睇到我依個sms 喎! 佢會唔會見到我sms 報串話佢無禮貌，偷偷地delete 我個sms 呢? 為免八婆delete 我個sms，Mr.T唔可以第一時間知道佢既惡行，我又send 咗個好爆既FB pm 比Mr.T......
2粒鐘後Mr.T 開完會打比我，佢睇完哂我send 比佢既sms + FB msg 後搲哂頭，完全唸唔到有邊個八婆會咁做?
因為手機一直喺佢自己身~而且Mr.T 話佢有sms 過我，但我手機無收到sms 喎!
直至Mr.T 放工返到來，我地一齊研究神秘衰聲八婆究竟係何方神聖，謎底終於打開!
真實情形是咁的......我被困廚房，致電Mr.T 手機; Mr.T 因為開緊會無接聽，不過佢見我連續打咗幾次，於是偷偷喺枱底sms 我 - Hon in meeting what's up?
不過原來Mr.T send sms 時錯按，錯將sms send咗去屋企個電話!!
唔知係我地手機公司定係landline phone 公司既服務 - 原來手機可以傳送sms message 到屋企landline phone 果喎!
不過因為landline phone 無screen 顯示唔到sms，所以電話公司以電腦發聲形式向收sms 既人讀出sms 內容......
換句說話，果位神秘衰聲兼無禮既八婆 - 其實係電話公司電腦!!
我 + Mr.T 之前完全唔知有個咁既服務!
哇卡卡卡卡~~~~~~~~~Mr.T 聽完果個電腦錄音:
把聲真係好乞人憎喎! 唔怪之妳咁鬼嬲啦......
我想問下..晨早溜溜入廚房飲水都有手機晌身邊 ? 不過好彩有咋...WAKKAKAKAKAKKA
回覆刪除[版主回覆06/17/2011 20:05:00]我習慣瞓覺時手機放床頭櫃叉電嘛，所以起身會順手攞埋手機出bedroom 囉!
後來我自己開到門出去，所以當時無手機都無所謂! 不過如果開唔到，就真係要等老公放工返來救我嘞.....
E...呢個科技幾新WO 不過係咪個電話公司BUDGET唔夠 是但搵條友錄音就算啦 珮夫人
回覆刪除[版主回覆06/17/2011 20:02:00]應該唔係~ 好肯定係電腦人聲來，怪音類似conference call 果種!
老公覺得好好玩，事後send 咗個好鬼長既sms 去屋企電話，我地2個白痴人聽完笑爆咀!!
我有一次lock左自己睡房好彩有亞叔教我點拆 門柄真係嚇死~~
回覆刪除妳個好爆既FB pm好似我同細妹既對話有時一嬲就好多F
[版主回覆06/17/2011 19:59:00]其實我廚房個把手其實係無鎖架， 可能大風嘭門時嘭爛咗裡面結構，所以先會stuck......
果個爆FB pm 嬲到我連grammar 都錯埋!
真係搞嘢
回覆刪除[版主回覆06/17/2011 19:52:00]超級白痴! 白白嬲鬼一次呢......
you're so smart to use the knife as screw driver.
回覆刪除[版主回覆06/17/2011 20:10:00]im so glad it wasnt a yale lock! otherwise i dont think i can take it off with a knife......
哈哈我又再出現黎留言啦 因為實在太好笑啦^_^ 但你就因為依件事嬲左咁耐haha
回覆刪除[版主回覆06/18/2011 02:52:00]果一刻係好嬲架! 唔知乜水咁無禮貌，仲要打去我屋企!!
不過知道咗就覺得好好笑 + 自己好戇居.....
電腦聲真係好衰格~
回覆刪除打fb個陣你係咪好火滾~多左好多助語詞~哈哈!
[版主回覆06/18/2011 02:51:00]真係好心佢地一係唔好整個咁既system，一係就整把好少少 + 清楚少少既聲啦!
唔洗睇d助語詞，齋睇內容都睇得出我當時好火滾啦!
好搞嘢!
回覆刪除[版主回覆06/18/2011 02:49:00]覺得自己好戇居.....
好搞笑吖。。。
回覆刪除好彩你醒用刀開到門 ｊａ。。。
如果唔係去唔到排出身體多餘的水就好慘啦。。。
但無可否認 Ｄ 電腦發聲真係衰到爆。。。
不過當發現係一個唔會都幾搞笑。。。
[版主回覆06/18/2011 02:48:00]如果大吉利是開唔到門，我真係唔知點排水.....
其實如果佢地轉把聲好似GPS 果種會好好多!
回覆刪除原來係0甘﹐終於真相大白勒 。我同你個習慣一樣每朝都會飲清水﹐不過我飲兩杯 。
[版主回覆06/18/2011 02:44:00]其實好心佢地換過把聲啦! 用GPS 果種聲咪好囉!!
全日夾埋先8杯水之喎，妳一起身就飲咗1/4! 飲過量清水反而會沖淡體內既鈉引致水中毒架! 要留意啊~
好攪笑!
回覆刪除[版主回覆06/18/2011 02:39:00]我都覺得自己好搞笑! 仲有少少戇居.....
呢個服務存在左好耐架喇~
回覆刪除[版主回覆06/18/2011 02:36:00]依個服務有咗好耐，但我未用過唔一定會知有個咁既服務存在架嘛! 樓上另一位住喺英國既扑友都係睇完我依篇blog 先知.......
好好笑, 哈哈
回覆刪除[版主回覆06/18/2011 02:29:00]我都覺得自己好silly.....
wakakakakka... I am so mo liu and try txted to my landline and it worked.... learn new things today
回覆刪除[版主回覆06/18/2011 02:24:00]i guess there are not many people know about this service in the UK!!?!
你應該錄低果個「 8 paul」把聲，等我地笑下丫麻！
回覆刪除睇你fb msg就知你當時有幾火啦... 話唔定一陣又有人針對你話你"港女"
[版主回覆06/18/2011 06:58:00]唔知點解妳突然間會提話唔定一陣又有人針對我話我港女? 個人覺得根本完全唔啦間，除非妳想睇大龍鳳囉!
我一向都自認係港女架啦! 唔係港女唔發脾氣既咩?
對唔住呀...因為我擔心你會被人話。 可能我講錯左野。 我無心引起d唔開心既事。對唔住。
回覆刪除[版主回覆06/18/2011 07:30:00]若有人一心要入來搞事，我喺度寫乜佢地都一樣可以搞事，而且我相信唔會因為睇到妳依句說話而停止囉!
又幾攪笑既, 嬲咗成日估一大餐------原來係嬲把電腦聲音, 個結果幾funny吖!
回覆刪除[版主回覆06/19/2011 01:12:00]其實點會有人sms 返屋企架? 所以咁耐以來都唔知原來有個咁既function!
好攪笑... 最好笑係把聲可以有情緒!!!!
回覆刪除[版主回覆06/19/2011 01:11:00]果把電腦聲真係乞人憎到無人有!!!
你識用餐刀拆o左個門鎖都好勁 我以後都要mobie不離身先得
回覆刪除[版主回覆06/19/2011 01:10:00]師姐~ 其實我套餐刀叉好貴架! 我本來真係唔想用佢來扭螺絲，不過d廚房剪全部太厚唔啱位(一字螺絲)，係得把餐刀啱位扭到咋......
係呀~ 手機其實係危急時間先至係最有用既! 早排睇報紙有個男人好似喺公廁開大無廁紙，最後上FB求救!
哈哈，剛巧今天我家裡也壞了鎖，兩個姪兒在嬉戲，其中一人鎖了房門不讓對方進入，誰知門開不了（姪女滯留在房裡）．我花了超過１小時也開不到，激死我了．現在開鎖師傅終於來到了
回覆刪除[版主回覆06/20/2011 06:32:00]好彩我果日用餐刀拆得開個門柄咋，如果唔係有手機打比開鎖師傅都無用，因為我都開唔到門比開鎖師傅入屋! 到時就真係要等老公放工返來先救到我咯.....
好似睇故事書咁，睇完重笑緊，妳地好可愛呀！
回覆刪除[版主回覆06/20/2011 06:16:00]好耐無見啊cathy姑姐!
哈哈~~~~ 我地真係烏龍到笑鬼屎人.....
哎呀，笑死我！！ 點解廚房唔裝個電話？ 外國啲屋咁大，最好就係每個角落都有電話！
回覆刪除[版主回覆06/20/2011 23:46:00]知道真相後我都笑咗自己好耐.......
我喺廚房時有手機呀! 我一向喺屋企都係手機跟身既~ 而且其實依個情況下有電話作用根本不大 - 我唯一只係可以打比老公叫佢返來幫我開門; 就算打比開鎖佬都無用 - 我喺廚房，開唔到門比佢入來喎......
哇。。。你都几恶ge喔。。。 。。。
回覆刪除不过，尼一日既乌龙事件的确好搞笑~
[版主回覆06/20/2011 23:41:00]係架~ 我發起火上來唔係人咁品架，好得人驚架!
不過知道真相後我都覺得好好笑!
一睇到個時覺幾好笑, 諗真D就覺得陰公! 好在係有電話又開到門, 唔係都唔知點算!
回覆刪除[版主回覆06/20/2011 23:39:00]其實喺果個情況之下，部手機作用都不大 - 因為唯一途徑只係可以通知老公叫佢返來開門比我......
我喺廚房，就算打到比開鎖佬都無用，都開唔到門比佢!
wow 你真係好嬲喎, 好彩你老公只係send咗兩句話,如果再send多兩句,你一定火山爆發
回覆刪除[版主回覆06/20/2011 23:36:00]果把衰聲真係任何人聽咗都會著火架! 加上我一向至憎人無禮貌 - 尤其係我唔識既人!!
哈哈~~~ 如果我老公再send 多兩句我唸應該會仲怪 - 因為佢平時sms 我最尾一定係miss you / love you......
妳重記得我？好勁呀妳！其實我成日都有睇妳個blog架！學妳煮野食架！ 想問吓妳，每日點打發D時間架！hehe......八掛。
回覆刪除[版主回覆06/20/2011 23:32:00]過獎嘞~ 我某程度上都算過目不忘!
其實師奶生活大都係以家務為主架啦~ 如果妳覺得家庭主婦好清閒要搞盡腦汁去唸方法打發時間，咁妳就錯嘞! 依個世界只有懶隋既家庭主婦，但根本就無好得閒既家庭主婦!
呀細剛考完小學最後的一個試,終於有時間入來睇你個blog,
回覆刪除嘩,咁攪鬼都有既!
[版主回覆06/20/2011 23:23:00]係呀? 最近見好多網友都忙緊小朋友考試既野! 妳一身鬆哂啦!
真係唔經過今次都唔知原來電話公司有個咁怪雞既服務呢!
好似睇緊"金田一密室殺人事件簿"咁,謎底解開之後笑左 ,妳地知道後有無笑死???
回覆刪除換過把唔會lock的鎖會唔會好d呀???
[版主回覆06/21/2011 19:42:00]成個野比我拆咗出來緊係要換個新啦! 應該係大風吹嘭門時撞壞咗裡面.....
笑咗好鬼耐呀! 死人Mr.T 喺FB玩野話我同個電話錄音嗌交!!! (我都無!!!!! )
回覆刪除Ｃ勒﹐我每朝飲兩杯清水哩個習慣已經好幾年啦。多謝提示﹐我會注意架 。
[版主回覆06/23/2011 01:40:00]一日8杯水 - 最好平均地分開來飲啦!
謎底終於都解開了！ 真係笑死我呀！！好彩整個過程真係有驚冇險！我好鬼鍾意你o個段好邏輯的思維分析，同埋為免百密一疏，補多一個FB msg o個下！真係好欣賞你呀Mrs.T!!!!
回覆刪除其實妳的心思真係好慎密！ 不過今次都真係估佢唔到先咁出現呢個笑話！！
仲有一個欣賞位就係你地兩公婆一齊去搵出呢個疑團的答案！
[版主回覆06/23/2011 01:39:00]哈哈~~~~ 我地真無唸過會有人sms 去landline，所以真係唔知有依個服務呢!
咁"離奇"既事，我 + Mr.T 都好想知道真相架嘛! 緊係要一齊去打開依個疑團啦!! (其實根本就無咩疑團! 只係我地大鄉里.....)
HAHA~好日無睇BLOG, 一入黎就見到D 咁正既野!!! HAHAHA~
回覆刪除[版主回覆06/23/2011 19:24:00]知道真相後真係覺得自己好戇居呢!
你老公最後仲要補充一句話: 把聲真係好乞人憎WOR~
回覆刪除[版主回覆06/27/2011 05:06:00]未知時就嬲死; 知道後就笑死!