一直以來只去過Queen Street 分店，今次試吓West End 依間!
如果無GPS 都搵唔到呀!!
(咁耐都無留意過原來佢地係有個撈稿既!
)2間分店既餐牌完全一樣! (預咗!!
)
賣相唔掂，Queen Street 分店既賣相較好~
雞胸肉好乾好鞋，而且太多雞，有種永遠都食唔哂d雞既感覺!
不過個湯底好好味，麵條又彈牙 - 依2點比Queen Street 分店優勝!!
麻麻地~ 雖然材料夠新鮮，但壽司飯無落壽司醋始終係一大敗筆!
不過一向都係咁，所以根本一早都無期望......
依個好食過Queen Street 實在太多嘞!
雞肉軟雞蛋嫩，熱辣辣~~~ 而且夠哂蛋，同上次果個真係差好遠!!
依個真係把鬼! 雞胸肉燒到乾爭爭無哂味，唔好食!!
依個2間分店一樣整得咁好味! 不相百仲~
Overall 依餐只叫做啱啱合格!
雖然個湯麵 + 個飯比Queen Street 分店做得好，不過只試得一次作不得準; 而Ichiban d野食又唔係好食到非食不可果隻，加上始終Queen Street 分店比較就腳......
所以我唸應該唔會再幫襯依間West End 分店!
Mrs. T, 你應該幫佢哋做試味顧問...你試味了得, 佢哋食物水準實會進步不少呢...
回覆刪除[版主回覆06/23/2011 01:45:00]其實佢地係走"呃鬼佬"既路線，所以味道唔太難食都過到骨架嘞!
有時去食野好好笑 - 間中會見到d渣筷子都未識既洋人，一副日本通既口吻滔滔不絕向同行朋友介紹日本食物文化......內容笑死我 + Mr.T!
算唔算日本餐廳呢...?
回覆刪除賣相唔錯,連餐具都有LOGO^^
[版主回覆06/23/2011 01:41:00]好明顯係日本餐廳~ 不過係一間中國人開既唔正宗日本餐廳!! (歐洲好多依類日本餐廳架! )
很奇怪, 同一間餐廳出品的同一食材 , 都可弄得一些很嫩滑 , 一些卻很粗糙 , 雖然我自己未能親身品嘗過這餐廳的食品 , 但看到妳給我們的照片 , 都不是太吸引呢 !
回覆刪除[版主回覆06/23/2011 19:29:00]我又唔覺得奇怪喎~ 就算係同一食材都要睇吓用咩方法去煮架嘛，用唔同方法去煮，有唔同口感一d都唔出奇吖!
妳老公既親子丼賣相都好吸引
回覆刪除[版主回覆06/23/2011 19:27:00]今次個親子丼唔錯!
上次喺另一分店食果個幾乎完全無蛋!!
呃鬼佬 OK can't 呃 hong kong yan! hahaha 親子丼Looks Okay ah! :D
回覆刪除[版主回覆06/24/2011 23:53:00]to be honest, im sure it wont survive in HK.......
the oyakodon was good! but still not as good as yoshinoya's!
靚女V , 其實有冇人 , 話過妳似湯寶如架 ! 我覺得妳有些似 (短髮LOOK)
回覆刪除[版主回覆06/24/2011 23:54:00]有好多~ 而且每次都只係我剪短咗頭髮先咁講! 我個人完全唔覺得似~ 如果真係似就唔會只短髮先似啦!
我係街市食開西班牙野果間﹐ 開左間分店﹐我一試之後﹐ 間分店我以後都唔會再去﹗ 同一個廚師﹐同一班底﹐ 奇怪地D食物水準差別好大~ 新分店完全唔掂~
回覆刪除[版主回覆06/27/2011 05:03:00]係咪個廚師轉咗地頭唔習慣呀?